LEXXIE
Dalawang araw na ako sa misyon ko pero sa parteng Maynila pa rin. Pumasok ako bilang katulong para makakuha ng impormasyon sa pamilya Bernabe. Hindi pa ako nakakauwi sa apartment ko. Kahit na ang magparamdam sa magulang ko ay hindi ko pa nagawa. Pero alam naman nilang may tinatrabaho ako.
Napatingin kami sa bagong pasok na Mayordoma nang marinig ang palakpak niya.
“Sa Sabado na ang birthday ng apo ni Senyora. Dito raw gaganapin kaya ihanda niyo ang mga sarili niyo. Maraming bisita yatang darating kaya simulan niyo na ang paglilinis.” Tumingin sa akin ang Mayordoma. “Dahil bago ka lang, sa akin ka sumama.”
Tumango ako sa kanya at ngumiti.
Hinati-hati ng matanda ang mga gawain. Meron sa may pool, sa harap at sa garahe, sa may sala at sa mga silid.
Gaya ng sinabi niya, sinama n
