Chapter 35
KAYDAN POV
ISANG linggo nang mahigit nang mangyari ang aksidente. Walang araw at gabi na hindi ko nilalaan sa alak ang lahat para makalimot ako. Kahit pa magpakalunod ako sa alak hindi ko maibabalik ang buhay ng babaeng natutunan ko nang mahalin.
Walang ibang dapat sisihin kundi ang sarili ko lang. Kinamumuhian ko ang sarili ko sa pagiging walang k'wentang tao.
"Kassandra..." pangalan na laging sinisigaw ng isip at puso ko. Bakit?
Kaya siguro kami pinagtagpo, upang bigyan ako nang pagkakataon ng diyos na ayusin ang pagkakamaling nagawa ko, pero sinayang ko ang chance na binigay sa akin. Imbes mahalin ko siya at alagaan, but what i have done—sinaktan ko siya.
"She died on my arms..." at hindi ko matanggap. Pinatay ko ang mag–ina ko.
***
"Kassandra..." malakas na hiyaw ko.
