Chapter 10
Kassandra POV
TATLONG araw na mula nang umalis si Kaydan. Pero bago umalis ang lalaki ay nag–iwan pa ito ng credit card. Bilhin ko daw lahat ng mga magustuhan ko lalo na ang wedding gown na gusto kong suotin para bukas.
Hindi daw niya ako masasamhan. Dahil abala siya sa pag–aasikaso ng mga papel na kailanganin sa kasal namin. At kung saan gaganapin ang kasal at kung sino ang magkakasal sa amin. Isinantabi ko ang protesta na hindi na kailangan ang dream wedding gown outfit para sa isang tahimik na kasalan na iilang witness lang naman ang dadalo.
"Hindi naman siguro kailangan ang magsuot ng bonggang gown?" mahinang sabi ko kay Vicky.
Umismid si Vicky. "Hindi ba darating ang mga magulang niya, Kass?" Tanong sa akin ni Vicky.
Umiling ako, dahil hindi ko rin alam. Walang binang
