Naging palagian na ang bonding nina Nejieh, Linda at Ulysses. Paminsan-minsan ay kasama nila ang tatlong itlog at si Biloy. Bihira na rin sila sa tindahan tumambay. Madalas ay sa bahay na ni Nejieh. Minsan naman ay dalawa lang sila ni Nejieh sa bahay. May bali-balita na rin na pinopormahan ni Uly ang babae kahit hindi naman.
"Wait lang Uly ha." sabi ni Nejieh. Abala sa panonood ng movie sina Nejieh at Ulysses nang may biglang bumusina sa labas ng bahay nito. Pagkatapos ay isang malalakas na katok ang kumalabog sa gate na yero.
"Nejieh! Nej! Lumabas ka riyan" sigaw ng lalaki sa labas. Halos nabulabog na ang mga kapitbahay dahil dito.
"O, Arthur. Napasyal ka. May kailangan ka?" tanong niya sa lalaking lukot ang mukha. Kulang na lang ay magkaroon ng permanenteng linya ang noo nito. Salubon
