"ANO ho? Huwag mong sabihing pumapatol na si Linda sa babae magmula nang mahiwalay sa asawa." singit ni Ong dito.
"Takte kang bata ka. Patapusin n'yo kasi ako." angil ni Mang Berto. Paano ay reak din naman kaagad ang mga tsismoso.
"Hoy! Ke-aga aga. Tsismisan kayo nang tsismisan. Aba'y gumilid kayo nang makabili ako sa tindahan." singhal ni Nejieh. Balik sa pagiging iritable at matapobre ang isang ito magmula nang masuspinde sa trabaho at ma-basted ni Uly na siya lang at si Uly ang nakakaalam.
"Nako, Inday, bumili ka na kung bibili ka. Nang makalayas ka na." singhal din naman ni Ong. Parang deja vu lang ang pangyayaring iyon. Mainit na naman ang dugo ni Ong. Dumale na naman ang kasungitan nito. Palibhasa'y wala na ang Uly na passess nila.
"Talaga! Aalis naman ako agad. Nakaharang kasi k
