GABI bago naganap ang lahat sa kuwarto ni Uly.
Halos manakit na ang mga paa at tuhod ni Biloy kahahanap kay Susie. Mababakas ang saya niya sa kaalaman na naroon ang dalaga. Kahit hindi siya nito pinaunlakan sa kanyang imbitasyon ay masaya pa rin siya dahil hindi naman ito tumanggi kay Uly. Kaya naman sapat na iyon para sa kanya. Sa wakas ay makakasama niya ang darleng niya.
"Susie?" sambit ni Biloy nang makita nito si Susie na naka-upo sa buhanginan. Bumilis ang t***k ng puso niya pagkakita sa dalaga. This time ay sigurado na siyang si Susie nga ang nakikita niya. Mula sa malayo ay tanaw niya ang bulto nito kanina. Madilim man ang paligid ay hindi siya maaaring magkamali sa darleng niya.
"Oh, Biloy?" sambit naman ng dalaga nang makalapit ang binata sa kanya. Hindi naman maalis ni Biloy
