"Hi, Uly. Napadalaw ka. Kumusta?" tila naging kasing bait ng anghel si Linda nang mapadaan sa tindahan ni Susie. Kung gaano kabilis nagbago ang ugali nito noong umalis si Uly ay ganoon din kabilis ang pagbait nito nang makitang muli si Uly sa Kalye Onse.
Hindi alam ni Uly kung ano ang isasagot niya rito. Kahit pa wala na siya sa lugar na ito at hindi na siya dito nakatira ay updated pa rin siya sa kaganapan. Alam niyang nag-away ang dalawang matalik na magkaibigan at ang salarin kung bakit niya alam ay si Biloy.
"Sus! Akala mo kung sinong bait-baitan." napangiwi si Susie sa inasal ni Linda. Alam naman ng buong barangay kung gaano siya ka-plastik. Ngunit pinakikisamahan pa rin ito ng ilan. At hindi naman si Uly masamang tao para mang judge. Kaya naman kinausap niya ito nang makabuwelo.
"
