Matapos ang trabaho ay sabay-sabay rin na nagsi-uwian ang magbabarkada. Kahit papaano ay nag-e-enjoy si Ulysses sa trabaho dahil sa mga ito. Samahan mo ba naman nang makukulit na tatlong itlog at isang Biloy kung hindi sumaya ang araw mo. Nang makarating sa kanto ay nagpaalam na ang tatlong itlog. Sumama naman si Biloy sa tindahan para makita si Susie.
"O, Biloy? Hindi ka pa ba pagod? Kumusta ang first day?" may tonong pag-aalala na sabi ni Susie nang naupo ito sa harapan ng tindahan niya.
"Na-miss mo naman ako kaagad. Ikaw talaga, Darleng ko. Huwag kang mag-alala walang maganda sa trabaho. Ako'y iyong-iyo." sabay hawi ng buhok nito sa gilid. Kunwari ay nasuka naman si Susie sa ginawa nito pagkatapos ay nailing.
"Huwag nga ako ang paandaran mo riyan. Nakatutuwa lang na may trabaho ka na
