Sevinna
Sobrang lakas ng kabog ng dibdib ko habang hinihintay ang mama ni Timothy sa private restaurant na sinabi niya. Hindi na ako nagpaalam pa kay Timothy na makikipagkita ako sa mama niya dahil panigurado namang hindi iyon papayag, sinabi ko na lang na kakain kami ni Pol sa labas.
Huminga ako ng malalim at pilit kinakalma ang aking sarili habang panay ang tingin ko sa aking selpon. Pagkatapos ko ng duty ko kanina ay nagpadiretso na lang ako rito para hindi na ako uuwi pa. Si Timothy naman ay nagpaalam din sa akin na gabi na uuwi dahil may mahalaga raw siyang aayusin.
Agad akong tumayo nang makita ko na ang mama ni Timothy na as usual ay may itim na naman na awra sa kaniyang paligid. Ni hindi man lang niya ako nginitian nang magtama ang aming mga mata.
"Good evening po," magalang n
