Sevinna
Dalawang linggo na ang nakakalipas simula nang aminin namin sa isa't isa ang aming nararamdaman, at sa loob ng dalawang linggo na iyon ay mas lalong ipinakita sa akin ni Timothy kung gaano niya ako kamahal.
"Timothy!"
Halos talunin ko ang bawat hakbang ng hagdan dahil sa pagmamadali upang ipakita sa kaniya ang resulta ng interview ko.
"Careful," mahinahong saad niya na mabilis sumalubong sa akin. "Bakit ba nagmamadali ka?"
"Timothy, natanggap ako sa trabaho!" masayang turan ko. "Natatandaan mo yung sinabi ko sa iyo na pinagpasahan ko ng resume bago pa man tayo nagkita? Nag reach out sila sa akin noong nakaraang linggo, tapos ininterview din nila ako. Hindi ko na sinabi iyon tungkol sa iyo dahil gusto ko sanang surprise."
Hindi mapaglagyan ang kasiyahang nararamdaman ko ngayon
