Nagpalit ako ng damit. Mula sa kupas na bestida, suot ko na ngayon ay ang usong maong na pantalon ng mga kabataan at peach na fitted t-shirt na nakatuck-in sa suot kong maong. Mula sa luma kong sandals ay napalit ako ng uso ngayon na puting sapatos. Binilhan rin ako si Doc ng backpack, yung pangarap ko lang noon na backpack ay suot ko na ngayon. Kolehiyalang-kolehiyala na talaga ang dating ko.
Nanlaki ang mga mata ko ng pumasok ang sasakyan ni Doc sa isang mamahaling Universidad na ni sa panaginip ko’y ‘di ko inakalang makakapasok ako. Ito ang pinakasikat na Universidad sa bayan namin na ang tanging nakakapag-enroll ay yung mgay kaya lamang sa buhay katulad ng anak ng mga pulitiko at mga Negosyante.
Pinarada nito ang sasakyan sa parking lot ng eskwelahan.
“Dito po ako mag-aaral Doc?”
