Kaagad akong napaatras sa takot. Bahagya pa akong nadapa kaya wala akong ibang nagawa kundi ang gumapang sa malamig at magaspang na kalsada.
"Sige, gumapang ka palayo sa akin, Hannah! Dahil kapag naabutan kita, ikaw naman ang gagapangin ko! Hahaha!" Umalingawngaw ang malalim na boses ni Mang Danny sa buong paligid. Sinubukan kong tumayo ngunit sobrang hina ng aking mga tuhod.
"Ahhhhhh!" Sigaw ko nang hawakan ng magaspang niyang kamay ang aking kanang paa. Napakapit ako sa daan nang dahan-dahan niyang hinila ang aking paa.
"Tulungan niyo ako!"
"Walang tutulong sa 'yo! Nasa mundo ka ng panaginip na kung saan ang mga nilalang na kagaya ko lang ang nabubuhay!" Sigaw nito habang patuloy parin akong hinihila. Ramdam ko na ang hapdi ng aking siko't tuhod dahil sa mga galos na natatamo ko.
"
