Chapter 25
Nang mabuksan niya ang sobre at makita niya ang sulat ni Alyana na may kahabaan ay hindi niya maintindihan ang kanyang nararamdaman. Hindi niya alam kung babasahin na ba niya agad ang sulat na iyon o hayaan na muna niyang bumaba ang kanyang emosyon ngunit parang may nagbubulong sa kanya na kailangan niyang basahin ang nilalaman ng sulat kung bakit umalis si Alyana at basta na lang siya iniwan na hindi man lang kinakausap. Umaasa siya na sa sulat niya malalaman ang kasagutan ng kanyang mga tanong. Nanginginig ang mga kamay niya habang hawak niya ang sulat na iyon. Nagtatalo ang isipan niya’t at puso. Tahimik siyang umupo sa kanyang papag dahil nangangatog ang kanyang tuhod at nakakaramdam siya ng paninikip ng dibdib. Hirap na hirap siyang huminga. Bumunot muna siya ng malalim na
