Pilit ko ring hindi huminga ng mga oras na ito. Sana lang ay hindi ako makita ng lalaking dumating. Baka kasi iba ang isipin nito sa akin kapag nakita niya ang ayos namin ni Master Elron. Nakakahiya ‘yun.
“Lumabas ka ng opisina ko ngayon din!” galit na sabi ni Master Elron sa lalaking dumating.
“Hey, bro. Relax ka lang. Masyado namang mainit ang ulo mo. Itatanong ko lang sana kung tuloy tayo bukas. Hindi ka kasi sumasagot sa mga tawag ko at text sa ‘yo---”
“Hindi ako sasama, may trabaho ako! Umalis ka na dahil masyado mo akong inaabala!” muling pagtataboy ni Master Elron sa lalaking dumating. Narinig ko namang malakas na tumawa ang lalaki at hindi man lang ito napikon sa inasta ni Master Elron.
“Ang sungit mo pa rin kahit kailan, bro. bawas-bawasan mo ang kasungitan mo, sige ka hindi k
