Alanganin tuloy akong ngumiti sa lalaki.
“Master Elron, huwag mo lang pansinin ang aking sinabi. Baka lasing pa ako kaya kung ano-ano na lang ang pumasok sa utak ko at lumalabas sa aking bibig.” Agad na akong tumayo para sana umalis na. Ngunit napatingin ako sa aking hawak-hawak na sigarilyo at lighter.
Walang pagdadalawang isip na lumapit ako kay Master Elron. At ako mismo ang naglagay nito sa bibig niya. Sinindihan ko rin ito gamit ang lighter nito. Puwede na ulit itong magsigarilyo. Tumingin ako sa lalaki at kitang-kita ko ang masamang tingin niya sa akin. Kaya naman mabilis akong napalayo rito. Baka kasi bigla na lang akong sakalin nito.
“Aalis na po ako, My Master.” At yumuko pa ako rito bilang pag-galang na lang sa lalaki. Balak ko na sanang tumalikod sa lalaki nang tawagin ako
