Dahil sa mga tinuran ni Master Elron, lalo piniga ang aking dibdib na hindi ko alam kung bakit nangyari ito sa akin. Ngunit hindi ako nagpahalata sa aking kapatid. Ngumiti na lamang ako kay Carmela.
“Ano ba ‘yan, akala ko’y si Ate Trish na ang nagugustuhan ni Kuya Elron. Hindi pa pala. Sayang naman. Siguro nga ay sadyang mabait lamang si Kuya Elron sa atin kaya tinutulungan tayo,” anas ni Carmela at nasa boses din nito ang pagmamaktol. Agad na lamang ini-off nito ang tv.
Agad din itong nagpaalam sa akin dahil may gagawin pa raw itong mga project. Nang lumabas ang aking kapatid ay isang marahas na buntonghininga ang pinakawalan ko. Nahiga na lamang ako sa kama para matulog. Wala ako sa mood makipag-usap kahit kanino. Binalot ko rin ng kumot ang buong katawan ko.
Mayamaya lang ay tuluya
