(Trish's Pov)
Magalang akong nagpaalam sa lalaking nag-order ng alak. Nakasuot ito ng sombrero ngunit sa totoo lang ay parang nakakatakot ito. Pakiwari ko kasi ay kakaiba ito kung tumingin. Malalaki tuloy ang hakbang ko. Para makalayo sa lalaki. Baka kasi bigla akong sunggaban nito.
Lumipas ang mahabang sandali. Sa wakas na tapos na rin ako sa magdamag na trabaho. Agad akong naghanda para sa aking pag-uwi. Tuloy-tuloy na akong lumabas ng bar. May nakita akong tricycle kaya agad akong sumakay rito at nagpahatid sa bahay na tinutuluyan ko. Hindi nagtagal ay nakarating ako sa tapat ng bahay namin.
Tuloy-tuloy akong pumasok sa loob. Agad ko ring ini-lock ang pinto. Pumasok ako sa kabilang kwarto na kung saan ako natutulog. Noong nakaraan ay magkatabi kami ni Carmela na matulog. Ngunit nais
