Muli na naman akong napahagikhik habang panay ang tungga ko ng alak. Nang naubos ko ang laman ng bote ay muli akong tumayo para lumapit sa harap ng maliit na cabinet para muling kumuha ng alak. Muli ko itong binuksan at tuloy-tuloy kong nilagok. Sa totoo lang ay sarap na sarap akong uminom ng alak ngayon. Ganito yata kapag nabibitin.
Hanggang sa bumalik din ako sa pagkakahiga ko sa bathtub upang ilubog ko ang aking katawan. Napansin kong nawala na rin ang init ng aking katawan na kanina lang ay para akong sasabog. Napangisi tuloy ako ng wala sa oras at tanda na rin na tinamaan na ako sa alak. Ngunit panay pa rin ang inom ko ng alak. Hanggang sa maubos ko na naman ito. At ngayon ko na nga naramdaman ang matinding pagkalasing ko. Parang umiikot na ang buong paligid ko. Ngunit kailangan kon
