bc

اليتيم ج 3

book_age16+
5
FOLLOW
1K
READ
dark
drama
comedy
like
intro-logo
Blurb

الجزء الثالث من رواية اليتيم و تكملة الجزء الثاني تتحدث الرواية عن عائلة فهد الحديدي و تدور احداثها حول حياتهم العاطفية والنفسية والاجتماعية

chap-preview
Free preview
البارت الاول ج3
فهد: لا يا حبيبتي آسر و لورا بيحبو بعض لورين: ده من امتى ده ليقص عليها فهد ما فعله آسر من اجل ابنتها لورين: كل ده من ورايا فهد: و من ورا عا** و انچي و الكل لورين: طيب انت متاكد ان لورا بتحبه فهد: فاكرة لما رجعت من عندهم معيطة ساعة اخر مشكلة لورين: ايوة ساعة ما ض*بت آسر و ض*بها فهد: وقتها آسر و لؤي كانو عامين خطة عليها يوهموها ان آسر هيخطب و الحالة دي كانت بسبب كده لورين: يعني هي فضلت تلات ايام حزينه علشان كده فهد: اه لورين: ربنا يهديها يت ربن و يصلح حالها و يكتبلها الخير معاه و الله آسر كويس و ابن ناس و يستاهل و على كلامك ده بيحبها فهد: ايوة بيحبها و انا واثق في دي مليون في المية لو مش بيحبها مكنش عمل كل ده علشانها لو مش بيحبها مكنش استحمل زن عا** و انچي انه يتجوز و يفرحهم كل السنين دي لورين: ربنا يفرح قلبه و قلبها يا رب فهد: يا رب لورين: و كمان ميران قمر اوي و بنت حلال فهد: علشان هتحققلك حلمك صح لورين: هو انا لو كنت بحبها قراط ف دلوقتي بحبها 24 لأنها بجد عرفت تخ*ف قلبي و مستنيه اليوم اللي تيجي تعيش فيه معانا بفارغ الصبر فهد: قريب ان شاء الله يا روحي و هي الصراحة عرفت ت**ب قلب الكل ان شاء الله الباقين يعرفو يختارو كده لورين: و نور و الله شوفتها امبارح قمر هادية و طيبه و خجولة بتفكرني بنفسي زمان و قلبي اتفتحلها من قبل ما اشوفها فهد: وصي بقا ابنك يحافظ عليها طلامة مسبتنيش ابعده عنها لورين: و الله شايلها في عينه يا فهد دا مرضيش يخليني اروح ازورهم في البيت و افاتح مامتها خاف عليها من نفسه و قال لما نتكلم كا اخوات هيكون في حواجز كتير مقدرش اتخطاها معاها لكن لو عرفت اني بحبها ممكن يحصل تجاوزات و ممكن تسيبني انا شخصيا اول مرة اشوف تميم حاسس بالمسؤولية تجاه حد كده و بيحبه كده فهد: يلا ربنا يكرمة ان شاء الله و تكون من نصيبه لورين: ان شاء الله يا حبيبي فهد: طيب يلا نطلع نرتاح احنا و اهم الاولاد كل واحد في اوضته لورين: حاضر اطلع انت و انا هعمل ساندوتشات و شوية فكه و عصير اطلعهم اوضة لورا و اجي وراك فهد: مهي لسه اكله معانا لورين: لا دول علشان ميران مكالتش كويس و كانت م**وفة مننا و من آسر و طبقها منقصش حاجة فهد: و كمان خدتي بالك اكلت قد اي لورين: ايوه طبعًا و فهد كمان مبيكلش كويس الايام دي شكله خايف من النتيجة فهد: طيب يلا يا روحي طلعي ال**ندوتشات و تعالي اهتم بيكي شوية زي ما بتهتمي بالكل لورين ضاحكة: حاضر ليتوجه فهد الى الاعلى و هو يحمد الله الذي رزقة هذه الزوجة اما لورين فقد توجهت الى المطبخ لتفعل ما قالت عليه ثم تتوجه الى غرفة لورا لتطرق الباب لورا بصراخ : متدخلششششششش لورين: انا ماما يا لورا لورا: ادخلي يا ماما لتتوجه لورين الى الدخل و هي تضع الطعام على الطاولة امام الاريكة لورا التى تصفف شعر ميران التى ترتدي فستان قصني يصل الى اعلى الركبة اعطته اياه لورا: لمين الاكل ده لورين و هي تنظر اليهم بفرح: لميران علشان مكلتش كويس ميران و هي تنظر اليها: اكلت يا طنط ليه تاعبة نفسك لورين: هو انتِ مثلاً فكراني مخدتش بالي انك م**وفه و مكملتيش حتى ربع طبقك لورا: اوبا وقعتي مع المخابرات ماما بتبقي بتاكل و عينها مع كل الاطباق ميران: اكلت قد نفسي لورين: لا يا حبيبتي انتِ مكلتيش علشان كنتي م**وفه مننا و من آسر و انا جبتلك اكل اهو كلي انتِ و لورا علشان تاخدي راحتك ميران و هي تتقدم اليها و تقبل رأسها : ربنا يخليكي يا ماما بجد انا بقي عندي ام تانية مش حمى لورين: لا اوعي تفكري في موضوع الحمى ده خالص انا هعاملك بما يرضي الله و يوم ما دخلتي البيت ده كان عندي 5 اولاد بقيو 6 ميران: ربنا يخليكي يا حبيبتي و اكون عند حسن ظنك يا رب لورين و هي تربت على كتفها : و يخليكي يا حبيبتي و يسعدك يا رب يلا كلي علشان انتِ راجعه من الشغل لو مكلتيش كويس زي البيت مش مسمحاكي ميران: حاضر يا ماما لورين: يحضرلك الخير يا حبيبتي لورا: ماما انا بحبك اوي لورين و هي تقبل ابنتها قبل ان تخرج: و انا بموت فيكي يا حبيبتي يلا اسيبكم انا علشان تكملو اللى كونتو بتعملوه و اقفلو الباب من جوه علشان اخواتك ممكن حد فيهم يفتح الباب ع طول ميعرفوش ان ميران هنا لورا: حاضر يا مامي لتغلق الباب خلف والدتها لتتوجه الى صديقتها لتجرها من يده لتجلسها على الاريكة امام الطعام لورا: تاكلي خدي بالك ماما قالت هتزعل لو مكالتيش يلا كلي كويس علشان اكملك شعرك ميران: طيب كلس معايا لورين: انا شبعانه لسه اكله هاخد تفاحة و اقعد اسليكي ليجلسو معًا ليتناولو طعامهم معًا اما لورين فبعد ان مرت على غرفة لؤي و اوصته ان لا يذهب الى غرفة لورا و يضايق ميران ثم توجهت الى غرفتها فهد: لولو انتِ ما بتصدقي تبعدي عني كل ده بتعملي اي يا ست هانم لورين: حبيبي انا ما بصدق اجيلك و اقعد جمبك بس كنت بتكلم شويه مع ميران و جيت ع طول اهو فهد: لا اتأخرتي لورين: خلاص يا حبيبي حقك عليا فهد: لا زعلان صالحيني لورين: اخد شاور و تجي اصالحك على طول فهد: اجي معاكي و اتصالح لوحدي لورين: لسه بتحبني يا فهد حتى بعد العمر ده كله فهد و هو يحتضنها: عمر اي يا قلبي دا احنا لسه في عز شبابنا لورين: شباب اي دا انا عديت الاربعين فهد: لسه في عيني في العشرين و الله انا بفكر اطلعك شهر عسل جديد في المالديف لورين: مالديف اي بس بعد العمر ده فهد: طيب اي مكان استفرض بيكي كام يوم بعيد عن دوشة الاولاد و مشاكلهم لورين: عايز تروح فين فهد و هو يحاوط خسرها بذراعيه: اي مكان يكون في بحر و انا و انتِ و بس لورين: نروح يا حبيبي المكان اللي يعجبك فهد: خلاص هاخد شاليه في الغردقه شهر بعيد عن كل ده لورين: شهر بعيد عن الاولاد كتير فهد و هو يقبل عنقها مع كل كلمة : بس مش كتير على جوزك و حبيبك و ابو ولادك لورين: حاضر يا روحي فهد: و هو يحملها و بتوجه بها الفراش طيب يلا علشان تصالحيني ليغرقها معه في جنة عشقهم التى لا تشترط عمر او مكان او زمان معين فهي باقيه ما زال الاثنين على وجه الحياة اما عند لورين فقد دق لها آسر ان تتجهز بعد اذان المغرب مباشرة كي يعودو قبل الساعة العاشرة لتفعل ذلك هي و لؤي و ميران على المعاد المحدد ليتوجه كل منهم بسيارته و بجانبه محبوبته ليقضون وقت ممتع معًا ليعود آسر و لورا في تمام الساعة التاسعة و النصف و يتوجه لؤي الى منزل ميران لورا: كنا لغينا الحوار ده و كملنا الفسحه آسر: الفسح جاية كتير علشان ابويا اصلا مش طايقني من ساعة ما عرف اني كنت مظبط مع بباكي من وراه لورا: يعني هو اونكل زعلان علشان عملت كده آسر: لا هو زعلان علشان عملت كل ده من وراه لورا: طيب انت عملت كده من وراه ليه آسر: اولا مكنش هيوافق بده زي ما انتِ عارفه بابا عايز يجوزني من زمان مكنش هيخليني استنى كل ده ثانيا مكنش هيوافق ان اونك يرفض كل اللي بيتقدملك من وراكي و كان هيقول سبوها تختار حياتها براحتها و كان هيبوظ الدنيا و بعدين حتى علشان منظري قدام ابويا اني بعمل كل ده و انتِ و لا هنا لورا: هو عمومًا شوية و هيهدى ان عن نفسي مكنتش هوافق على حد بعيد حتى لو بابا كان سابلي الخيار و كان ممكن وقتها عرفت انا عايزه اي بدل اللي انا كنت فيه ده بس عاظي يعني اللي حصل حصل و اللي عدى مش بيرجع المهم اننا بقينا سوى في الاخر مش مهم الطريقة اللي بقينا بيها سوى آسر: الله على الناس العاقلة الله ابقى قولي الكلمتين الجامدين دول قدام عا** علشان يهدى عليا لورا ضاحكة: حاضر آسر: يحضرلك الخير يا حوريتي لورا: و ليك يا رب آسر: انا و انتِ يا حبيبتي لورا ضاحكة: حبك برص آسر باستفزاز: مهو حبني و خطبته اجمل برص و الله لورا: آسسسررررررررر آسر: قلبه لورا: اتلم آسر : لا لورا: يخربيت رخامتك يت اخي اي ده تصدق هروح اقلب اونكل عليك اكتر و اقولو اني رضيت بأبنك علشان بايرة و محدش معبرني آسر ضاحكًا: خلاص يا بايرة قصدي يا حبيبتي هسكت لورا: اممممممممممممممم آسر: اهدي و الله خلاص اما ميران كانت بجانب لؤي في المقاعد الامامية يستمعو الى صوت الاغاني الرومانسيه معًا ميران: انت ماشي بالراحة كده ليه لؤي: مش عايز اليوم معاكي يخلص و ترجعي بيتك و تسبيني ميران: ما انا هشوفك الصبح لؤي: الليل من غيرك طويل اوي و انا مش عايز ابعد عنك ثانية ميران: محنا طلعنا رومانسين اهو و بنقول كلام حلو لؤي: صدقيني مش كلام دي مشاعر قويه اوي من ناحيتك حاسس اني عايز ادخلك حضني مخرجكش منه ابدًا عايز اخبيكي عن عيون العالم كله و انا بس اللي اشوفك عايز اشيلك في عيوني و افرحك عايز نتمشي سوى و ناكل سوى و ننام سوى و نصحي سوى عايز اتنفسك انا ادمنتك يا ميران ميران بخجل و قد اعتلت وجنتيها حمرة الخجل: و انا كمان نفسي في كل ده معاك و اكتر كمان لؤي: مستحيل يكون اكتر انا قلبي بيدق بأسمك ميران: بس يا لؤي بقا لؤي و هو يصف السيارة على جانب الطريق: ميران ميران: نعم لؤي: اي رأيك نتجوز في اوضتي لحد ما الجناح يجهز هي كبيره زي اوضة لورا ميران: حبيبي اهدى مفيش داعي للاستعجال انا عن نفسي معنديش مانع بس بابا اكيد هيعترض و هيقول ليه الاستعجال و انت قايلة حاجة و تيجي تغيرها لؤي: قوليله لؤي مش قادر تعبان اوي يا ميران ميران: مالك يا حبيبي لؤي: عايزك جمبي بقا انا دايما لوحدي معنديش صحاب غير آسر و حتى آسر مقدرش احكيله مشاعري و اللي انا حاسس بيه انا اصلا مبعرفش احكي اللي جوايا ميران: احكيلي يا لؤي لؤي و هو يدير السيارة ليتحرك سريعًا: بعدين بعدين يا ميران هوصلك دلوقتي و هبقى اكلمك في الفون ميران: مالك يا لؤي لؤي و هو يمسح عرق جبهته: مليش يا ميرا انا كويس ميران: انت هتقلقني عليك ليه لؤي: انا كويس و الله يا روحي ما تقلقيش ميران: بجد لؤي: اه ليقود السيارة سريعاً اما بمنزل فهد فقد اوصل آسر لورا ثم توجه الى ڤيلته: بابا بابااااا عا**: تعال يا آسر آسر: انا جيت هتروح لأونكل كمان ربع ساعة علشان معادنا الساعة 10 عا**: فاكر متقلقش تعال عايزك آسر و هو يجلس بجانبه: نعم يا بابا عازني في اي عا**: انت متاكد من مشاعرك ناحية لورا آسر: طبعاً يا بابا انا بحب لورا من زمان اوي و محبتش و لا اعجبت ببنت في حياتي غيرها بتقول كده ليه عا**: طيب انت متاكد من قرار كتب الكتاب دلوقتي و لا بعد ما نكتبه كام شهر و تقولو نسيب بعض و لورا تبقى مطلقة آسر: بعد الشر يا بابا انا عن نفسي متاكد من قراري مليون في المية و مستحيل اسيب لورا مهما حصل لو هموت مش هطلقها و مهما تعمل مستحيل اطلقها حتى لو هي مش عايزاني برضو مش هسيبها انا ما صدقت وصلتلها فهد و هو يأتي من الخارج: شفت يا عا** مش قولتلك انا اختارت لبنتي راجل و انت مصدقتش آسر: اونكل انت اي اللي جابك هنا فهد و هو يجلس: ابوك يا سيدي مكلمني يقولي بلاش كتب كتاب اقولو ليه يقولي خايف يسيبو بعض و ده هيأثر على لورا و انا قولتلو اني واثق ان ده مش هيحصل آسر: انت بتعملي كمين يا بابا و قدام حمايا و مخبيه و مخليه يسمعني دا انت لو لاقيني قدام جامع مش هتعمل كده عا**: بس ياض بطل هبل زي مانت ابني لورا بنتي و اخاف عليها اكتر منك علشان انت راجل و هي البنت آسر: و اي لازمة الكمين ده افترض قولت كلمه كده و لا كده تفضحني قدام ابوها انت عايز تبوظ الجوازة ليه يا بابا مش فاهم فهد: آسر بطل هبل ابوك خايف على مصلحتك و مصلحة لورا و بعدين انت زعلان ليه انت مقواتش حاجة تعيبك بالع** قولت كل خير آسر: الحمد لله ربنا نصرني و ثقتك في محلها يا اونكل فهد:عارف هااااا هنعمل كتب الكتاب امتى عا**: طيب حتى نروح بيتك علشان ناخد رأي البنت فهد: معرفش مكبر المواضيع و عامل فرق ليه بس ياا يا عا** يلا يا آسر ليتوجه الى منزل فهد ليجدو لورا و والدتها يجلسون في غرفة المعيشة امام التلفاز فهد: اتفضلو ليتوجه معًا الى الداخل فهد: نقعد في الصالة عادي و لا لازم في الصالون عا**: اي مكان فهد: طيب اعدل بوزك تعالو لورين: اتفضل يا عا** اتفضل يا آسر آسر: يزيد فضلك يا حماتي لورين: اسمها ماما بقا آسر: حاضر يا ماما ليجلسو معًا آسر: اي يا جماعة انتو جايين تحددو معاد خطوبتي و كتب كتابي و لا جيين ساعة حداد على روح الشهداء فهد ضاحكًا: ما المشكلة ان كلنا عارفين ان هو بعد اسبوع هنقول اي آسر: متقولوش حاجة لولي كتب كتابنا الاربع اللي جاء اي رأيك لورا: خليه الخميس علشان يكون بكرة اجازة آسر: ماشي يا ستي الخميس زغروطة بقا يا ست الكل لترتفع زغاريط لورين آسر: تمام كده يا بابا عا** و هو يشير باصبعه: تمام بس اعملو حسابكم انتو الاتنين اي مشكلة بينكم تحلوها بينكم انا وصاحبي ملناش دعوة انا مش مستعد اخسر صاحبي علشانكم لورا: اي يا اونكل بس انا و آسر متفاهمين و متفقين على كل حاجة و ان شاء الله ربنا ميجبش مشاكل عا**: ربنا يستر منكم آسر: ان شاء الله بعد اذنك ياةعمي هتمشى انا و لورا في الجنينه برة شوية فهد: ماشي لورا: ثواني هو انا ليه حاسه اونكل مش موافق عا**: لا انا موافق جداً و اتمنى ان ده يحصل و تكونو لبعض بجد بس خايف منكم و من طيشكم توقعوني انا و فهد في بعض و انا مليش غيره فهد: عيب عليك يا عا** يعني انا معقول اقع معاك علشان الولاد هم حرين الولاد كبرو و ده حقهم و اي حاجة بينهم احنا ملناش دعوة بيها حتى لة قطغو بعض عا** باطمئنان: الحمد لله طمنتني و ريحت قلبي ليربت عا** على كتفه: عيب عليك يا عا** دا انت صاحب عمري عا**: ربنا يخليك يا رب روحي يا لورا مع آسر و خدو بالكم من بعض لورا: حاضر يا اونكل بعد اذنكم ليتوجه معًا الي الخارج آسر: متزعليش من كلام بابا هو خايف نتخطب و نرجع نتخانق و نعمل مشامل زي الاول و نسيب بعض و يخسر اونكل بسببنا لورا: واضح انه مش واثق في قرارنا أبدا آسر و هو يتوقف عن السير ليقف امامها و ينظر في عينيها: لورا انتِ ممكن تسبيني لأي سبب من الاسباب يعني ممكن تطلبي الطلاق علشان اي مشكلة تحصل بينا لورا: واضح ان انت كمان مش واثق مش بس بباك آسر: انا واثق فيكي اكتر من نفسي بس عايز اسمعها منك لورا: لا يا آسر انا مستحيل اطلب الطلاق انا اختارتك بارادتي محدش اجبرني و عيزاك و عايزه اكمل حياتي معاك و اي مشكلة بينا هنعديها بخناق نعديها بالحب نعديها بالوقت اكيد هتعدي انا واثقة فيك و عارفه انك اكتر حد بيفهمني و هتحتويني يمكن انا عندي نقص في حاجات كتير و انت متقبلها علشان بتحبني يبقى اكيد هتعدي علشان الحب ده يستمر آسر: انا مش بحبك بس انا بعشقك و بموت فيكي و راضي اقسم بالله و ما صدقت و اي نقص غي حد فينا التاني يكمله و هنعدي اي حاجة مع بعض و مش هندخل حد بينا و لا هنخلي حد يفكرنا باليوم ده و يقولو كنتو بتقولو كلام مش قده لورا: ان شاء الله آسر و هو يمد يده لها: وعد لورا و هي تترك كفها الصغير يعانق كفه : وعد آسر: هو انتِ بقيتي عاقلة اوي كده من امتى لورا: من يوم ما عرفت انت اني بحبك آسر و هو يجذبها ليجلسو على النجيلة الخضراء تحت احد الاشجار: اقعدي لتجلس معه آسر: عرفتي ازاي انك بتحبيني لورا: عارف يوم ما اتخنقنا اخر مشكله يوم ما تنيت صباعي و ض*بتك آسر: اه لورا: وقتها انچي زعلت مني و جيت اصالحها بعدها بيومين كده آسر: اه لورا: وقتها انت كنت قولتلي انك بتحب كنت فكراك بتغيظني او عايزني اغير او كده آسر: اه لورا: فبعدها بسأل طنط قالتلتلي انه بجد عارف حسيت بأي آسر: أي لورا: عارف لما تدي حد الامان و يطعنك في ضهرك او تأمن لحد و ي**نك عارف لما حد يض*بك فجأة على دماغك او يض*بك بسكين هو انا مش عارفه اوصف قدر الوجع ده بجد بس صعب اوي آسر و هو يجفف دموعها بأصابعه : و ده عرفك انك بتحبيني لورا: اه يمكن ده اللي فوقني و لو مكنتش فوقت وقتها كنت فوقت على خطوبتك بجد او على ارتباطك او حتى مكنتش فوقت لدلوقتي آسر: مش عارف افرح انك فوقتي و حسيتي بيا و بقينا مع بعض و لا ازعل علشان كنت سبب انك تحسي احساس زي ده و تدوقي الوجع ده لورا: مش عارفة انت المفروض تفرح علشان وصلت للي عايزه آسر: بس وجعتك لورا: حتى لو وجعتني شوية و كنت سبب اني افضل تلات ايام في دوامه مش حاسه فيها بنفسي و لا بأي حاجه انت فوقتني و انا نفسي مش زعلانه آسر: حاولت كتير و بكذا طريقة بس مفيش حاجة فوقتك غير كده لورا: يمكن الض*بة كانت قويه بس استاهل انا واحدة الحمد لله ابويا و اخواتي مديني حب و حنا و دلع يكفي العالم عمري ما كنت هحس اني ناقصني حاجة غير لما اوجه احساس اني الدنيا كلها جمبي بس لنت ناقصني آسر: انا آسف بس اوعدك عمري ما اوجعك كده أبداً لورا: و انا اوعدك اني ابطل ارمي دبش في وشك و احاول اغير من نفسي آسر: و انا معاكي في اي حال فضلتي كده او اتغيرتي لورا: هاغير بس اكيد مش بالساهل فا اصبر عليا و يا ريت خطوة الجواز تسبهالي بجد لحد ما اكون جاهزه اتي اكون زوجه كاملة آسر: لولي ما تحسسيش نفسك بالنقص يا حبيبتي انتِ ختبقى احسن زوجه و ام في الدنيا حتى لو اتجوزنا انهارده بس حاضر خدي وقتك و انا مستنيكي انا كان كل حلمي ان اقعد معاكي قعد زي دي و نتفاهم و نخطط لحياتنا سوى و دع يكفيني منك و اقل من كده كمان يكفيني لمست ايدك بتحييني و ان شاء الله هانت و هتبقى حلال دي كمان علشان مبقاش بغصب ربنا فيكي لورا: ان شاء الله آسر: متزعليش مني مهما حصل لورا: و انت كمان استحملني آسر: هستحملك مش هستحملك بس دا انا اتمني ليكي الرضا كمان هو انتِ اي حد و لا اي هو انا كنت اطول بس اقعد معاكي لورا: متحسسنيش اني حاجة كبيرة كده آسر: كبيرة اوي بالنسبالي يا لورا اوي لورا: هو انا مش عارفه ارد على الكلام الحلو ده بأي و لولا ان اونكل عينه معانا كنت حضنتك آسر: يا روحي دي و ربنا كفاية بس انا مش عايز الحضن ده دلوقتي خليه بعد كتب الكتاب اما اونكل ده مراقبنا من وقت ما قعدنا اصلا مستنينا نض*ب بعض علشان يقول لبباكي شوفت قولتلك مش هينفعو و هيخسرونا بعض لارتفع ضحكات لورين: بابا مد*ك ضهره و واثق فيك و ابوك لا آسر ضاحكًا: هو انا مش متاكد من حوار انه ابويا ده اصلا لترتفع ضحكات الاثنين معًا

editor-pick
Dreame-Editor's pick

bc

أنين الغرام

read
1K
bc

فتاة انحنت من اجل........الحب

read
1K
bc

رواية " معذبتي “ لنوران الدهشان

read
1K
bc

جحيم الإنتقام

read
1.7K
bc

معشوقتي

read
1K
bc

بنت الشيطان

read
1.7K
bc

عشق آسر. (الجزء الثاني من سلسلة علاقات متغيرة ).

read
2.5K

Scan code to download app

download_iosApp Store
google icon
Google Play
Facebook