bc

عشق

book_age18+
72
FOLLOW
1K
READ
drama
like
intro-logo
Blurb

العناق يجعل كل شيء على مايرام خذني بين يد*ك وضمني اله ص*رك هذا المكان اماني الوحيد من هذه الحياه فمن دون حبك لا أكون شيء

chap-preview
Free preview
الحلقه الاولى
يمرني أسمة و أدفّع بالحياّطين مثل دخـٰان أدوّر علـ شبابيچ .. ! احمد اني الشيخ احمد اني شيخ اب عن جد طالب صيدله جامعه البصره طولي ١٨٥ وصاحب جسم رياضي اني. الوحيد من اخوتي اشبه امي يعني بيه خيط سمار صح عيوني بيه لون عسليات بس اني اشبه امي طبعا اني اصغر واحد بإخوتي. وعندي فنار ومنار اخواتي التوم ذني ازغر مني ذني سادس عدادي ومتحنن وينتضرن النتائج وعندي اخوتي اكبر مني تلاثه ( سلطان وسلمان ومحمد) عندي تلث عمام وأبوي ابوي الي هو شيخ عدنان وعنده (سلطان وسلمان ومحمد واني وذني التوم فنار ومنار ) والي بعده عمي الشيخ قحطان عنده (كرار وساره وعلا) طبعا ساره مزوجه اخويه سلطان وعدهم طفل (ادهم) وعلا هم مزوجه اخوي الثاني سلمان وعدهم ( لاره) وكرار هذا اخوي وحزام ضهري وعمي الثالث الشيخ فيصل عنده ( حسناء وشفاء وحسين ) طبعا حسناء وشفاء تخرجن معهد تقني وكعدن وحسين ثالث متوسط وعمي الرابع الشيخ محمدالله يرحمه عنده ( الشيخ وهب وعذراء ) عمي هذا متوفي الله يرحمه هو وزوجته. من جان عمر عذراء سنه. وهسه عذراء سادس عدادي ويه. فنار ومنار طبعا احنه ولد عمي محمد عايشين بيت واحد وكلنه تحت ضل الشيخ معدالله يحفضه النه الي هو شيخ عشيرتنه وجبيرنه وجدي والشيخه طوعه الي هيه الخير والبركة بيتنه يوم الي مانشوفه يعني البيت اضلم اني عدي تلث اخوه وكرار وهب ذوله هم حسبه اخوتي بس عندي اخ غيرهم ساهر. اخوي وصديق عمري. الي الكل يعتبره واحد منه وبينه وما كو فرق بينه ساهر اني ساهر. ابن رجال من اكبر المحامين بالبلد وامي مو اقل منه. اني من سكنه بغداد. انباري الأصل. وحيد امي وأبوي. كل عمامي طالعين بالخارج بعد السقوط جان العراق كلش خطر عليهم اصلا حتى احنه جنه بألمانيا بس من جنت سادس إعدادي قررو اهلي يرجعون لان اصلا ماكدرو. يكملون حياتهم بالغربه اني عدي اخت.وحده والي هيه ( عشق ) ماعدي احد بهل دنيه غيره هيه وامي وأبوي اعز شي عدي بهل حياة اني طالب صيدله بجامعه البصره طولي ١٩٠ اني اشكر وعيون زرك ولحيه كثيفه وشعري شويه كفشه حتى ابقه بهاي الجامعه واثبت لاهلي اني بأمان. وماكو خطر على حياتي جاهدت جهاد من داومت بالبصره الله انعم عليه باخ مو حي الله اخ لا هيبه بكل صفاته مجرد تمشي وياه لو تكعد وياه على نفس الطاولة صير العالم تحسبلك احساب الشيخ احمد. ابن الشيخ عدنان. ال الشيخ معد بس همه وحدهم عم وابن اخ عشيره بكامله. حسبونيي واحد منهم وبيهم. حتى ام احمد. جانت تكلهم. ساهر واحد منكم. قله جنت اطبخ لو اغسل ملابسي. كلشي يجيني جاهز الأهل الي جنت احن الهم لكيتهم. بيت الشيخ معد الي هو ماشفت هيج إنسان. مثله عادل حكيم. والكل يسمع كلامه صارت البصره دكات كلبي عشق اني عشق. روح ابوهه أميره بجاه اخوهه. امي. علمتني عله امري. وكلشي حاضر. اني ماعدي غير اخ واحد هو كل دنيتي. والشئ الوحيد الي اخاف عليه ساهر أنقبل. صيدله جامعه البصره وهاي الحضه جانت لحضه رعب بالنسبه النه. سني ودخل البصرا يعني مات حيه عل صلاه ليل الي تنامه امه محمد احنه مانعرف بي طعم النوم. الشيعه يمكن همه اكثر شي اكره بهل كون. ربيت وكبرت بغربه والسبب همه تهجرنه وتركنه بلدنه وهمه السبب رغم عمامي مجانو لا حزبين لا بعثين لا شي بس اسمهم سنه. هذا الي ربيت عليه جنت كل ماروح لخوالي اكرهم اكثر وأكثر. واني اسمعهم يكلون لامي. عوفيهم عله هذا الناصبي وتعاي. جنت متخيله الشيعه همه أداة شغله ذبح السنه. ومن طلع. قبول ساهر. بصرة متنه خوف. خاصه همه يكولون علينه ارهاب. وداعش وكومه القاب. رغم احنه ابد مو هيج. احنه بشر مثلهم حالنه من حالهم بس ماعرف ليش هيج يكرهونه من جنت طالبه بالمتوسطة الى ان دخلت الإعدادية ونقبل ساهر بصرا اني. مستحيل أتقرب من بنيه شيعيه او اكعد وياها. احسه اكيد باي لحضه تغدر بيه. اصلا اخر فتره حتى صداقات كمت ماسوي. علاقاتي محدوده بعد مراح ساهر للبصره. بابا كله شهر وآكلب الدنيا على واسطه اشوفلك. اي شي مابقيك. بس بعد شهر ساهر قفل وكال مارجع. همه مو مثل مافكرين كله جذب الي يوصلنه عشته رعب. البصرة تعتبر منبع الشيعه. دائما اسمع. بنات جانن يكول((( اويلي بصراوي ذوله دمهم يفور))) يعني مكان كله تحكم بيه العشائر مو القانون. المهم وبالمختصر المفيد. جانت فترة رعب. بعد تلث اشهر. رجع ساهر للبيت. ماصدكنه من شفناه. سالم وكلشي مابي امي كلتله ام ساهر روحه للبصره بعد ماكو ساهر كل عقلج هاي عود انتي شيعيه. ومنهم وبيهم ماما ترى. مو كل الي ينكال صدك مو كل العالم مثل اهلج. ترى اهل البصره مثل طيبتهم وكرمهم وخوتهم وغيرتهم ماشفت ولا راح اشوف شتحجون انتو ابو ساهر ابني اتريد تخبلني لو شنو ساهر ترى الأهل ولد العم. الي حرمتوني منهم بالبصره لكيتهم. ابو ساهر ابني. شهل حجي ساهر يعني شنو مثل اني بايع روحي لو شنو. تدري اني قبل سبوعين. شبعني شيخ احمد رزايل من وره هل فكر الي تحجون بي ام ساهر منو هذا شيخ احمد ساهر هذا اسمه الكامل احمد عدنان معد ال***** ابو ساهر وانته شوداك يم هل ناس تعرف ذوله منو ساهر لازم تعرفهم ابو ساهر ابني ذوله من الشيعه الكبااار كلش بالعراق. الهم وزنهم بالمجتمع الشيخ معدرجل ماينكاله لا ساهر تدري هذا الي اسمه شيخ معد . فتح عيوني على امور. جنت غافل عنه وهل العقل الي عندي طافي ومحجر ام ساهر شلون يعني ساهر ماما اني اصلي مثلج يعني ماچتف اديه واذكر اسم الإمام علي ( كرم الله وجه ) بصلاتي مو ام ساهر اي انته وأختك اختاريتو هل شي ماجبرتكم على شي بس ليش ساهر ويايه واحد سني بالقسم. يعني اني وياه بنفس القسم وهو صديقي بس مشايفه من يصلي احنه الشيخ احمد صديقته حيل هذا اخوي. المهم الشيخ احمد عزمنه عل غده يمه. وصار وكت الصلاه. اني اصلي مثلهم عادي بس هذا الولد شفته جاتف يصلي. فكتله انته شجاي تسوي تريد يطبخونك مكان الخروف جان مستغرب وسألني ليش كتله جاتف صلي بنص الشيعه وبهل اثناء سمعني احمد. وغسل حظي وعباله اني اصلي هيج اخاف منهم. وكال الجده عله تصرفه ام ساهر عزززه بعيني عرفو انته سني ساهر تدرين الشيخ معد الي هو جد احمد كال. اني مراح اكلك اي شي بس خلي اسالك كم سوال. وجاوبني اني كتله كول شيخ كال ياهو. ربك. كتله الله. كال هو نفسه ربي كال منهو نبيك كتله. محمد (ص) كال نفسه نبي. كال شنو كتابك كتله (القرءان). كال نفسه كتابي. لعد بويه شنهو الفرق. بينه. ربنه واحد نبينه وأحد وكتابنه واحد. وكلنه أولاد ادم وحواء واني أمام مذهبي امير المؤمنين. علي (ع). يكول. الناس. صنفان. اما اخ لك في الدين او نضير لك في الخلق لذالك ابني كلنه إسلام. كلنه اولاد بلد واحد. لاتخلون. هل ناس الي مابيه خير تخرب بينكم ترى هاي سوالف الطائفية. ماتنجيب غير الخراب. وتفكك وحدتكم وتخلي العدو. يستغل هل شي ويخليكم ناس تاكل ناس وهمه يضحكون عليكم والدليل. انته واحمد واحد سني والثاني شيعي بس انتو اخوه وأكثر مو بس اصحاب وهذا دليل. انتو داخلكم نضيف واحد محترم معتقدات الثاني. ابني كلكم ولد بلد واحد. الي يسوي تفرقه بين ابناء الدين الواحد الشعب الواحد. هذا مخرب بري منه. علي وعمر. شغلو عقولكم بابا ابو ساهر هذا إنسان واعي ويعرف حق الله ساهر بابا اني باقي بالبصره ومكمل. جامعتي. صح اني سني بس بابا كلبي يعشك علي. واكو حديث للرسول (ص). يگل للأمام علي ( ياعلي لا يحبك الأمن طهرت ولادته) ابو ساهر هاهيه ابني سوي الي يعجبك على راحتك بس هم لازم نتعرف على شيخ احمد واهله ونرد كرم ضيافتهم بسبب الي صار ويه ساهر وعلاقته. بيت الشيخ احمد. صارت البصره بالنسبه لامي وأبوي وساهر. العشق الثاني بعد بغداد صارو حتى مرات يباتون بالبصره. بيت الشيخ. وهم اكثر من مره. يعني كل مايجون. جماعه ساهر. اهل البصره لبغداد همه يمرون بينه. اما اهل احمد حتى اذا اجوي. وساهر ماموجود. بغداد همه يمرون يسلمون على ابويه ومره رجعت لكيت خطيه الشغاله ام صلاح. غاطسه بالمطبخ. سالته كالت هسه راحو بيت الشيخ احمد جانت امه وجديته وبت عمه. هنانه وماعرف منو من الزلم هم جاي يعني بين قوسين. صارو عائله وحده بس اني بعدني نفسي صح. غيرت نضرتي. بس لهسه ماعدي اصدقاء منهم. للعلم اني حاليا جامعه مرحله ثانيه هندسه مدني صار اربع سنوات من راح ساهر للبصره بس اني ما رايحه من يرحون اهلي اني تجي بيبي. تبات يمي لو اموت. ماروح بيت جدي وخاصه هذا ابن خالي الحقير العوينج للعلم اني ماشبه لا امي ولا ابويه ولا ساهر. اني الوحيدة. بالعائلة عيوني. سود فحم. عبالك ليل. صح بيضه. بس شعري اسود ليل خشمي حد سيف الحمد لله بس هذا البيه يشبه ساهر. وحلكي زغير مليان جانو صديقات يضحكن عليه يكللي رموشج جنهن مكناسه لان كثيفات هوايه المهم اليوم صار الحدث الي غير حياتي وقلبه راس على عقب اني سولفتلكم كتلكم اخويه جن جنونه باهل البصره. صاريروح للبصره من وأحد محرم لحد الأربعين هو هناكه. يجي مشي من البصره. مشي لكربلاء. يأدي الزيارة وياهم. وره الزيارة. بسببوع تعودنه عله هل شي صارت السالفه عاديه بس هل مره لا شي مختلف هل مره قبل محرم بأسبوع. اهلي سافرو ألمانيا. عمي مريض بقيت بس اني وساهر. زين ساهر. حاير شيسوي لا يگدر يعوفني ولا يگدر. ميروح اصلا عنده تدريب صيفي وآخر قرار توصله اروح وياه للبصره طبعا أني رفضت هل شي رفض قاطع بس من وافق ابويه وامي بعد ماكدرت أناقش سكتت بس مجبوره لميت جنطتي حالي من حال ساهر. اتخيلو الوظع الي اني بي بت بغداد الي خلصت نص عمره بألمانيا تروح للبصره لمنطقه ريفيفه بيئه شيوخ وعشائر وفووك هذا كله بحياتي مشايفتهم شكول عليك ساهر ساهر جانت عشق أمانتي بعد مسافرو اهلي بس شلون اني مستحيل أفوت محرم. دون مجالس وزياره وخدمه ومن غير كلشي التدريب الصيفي اني مخليه مثل كل سنه بالبصره بس عشق شلون بيه مستحيل اكدر اخليه. بيت خالي. ضليت حايره بزماني خابرني احمد كال احمد اكلك شو ماكو مختفي ساهر حاير بزماني احمد وسفه والله تحير وأخوك موجود ساهر عساك سالم. احمد سوالف شبيك ساهر اختي احمد خيرك شبيه اختك ساهر تدري اهلي سافرو وين اخليه اذا اجي احمد طاح حضك يول عبالي عندك سالفه اكيد جيبه وتعال حاله حال خواتي ساهر يمعود ماريد أزحم عليكم شهر باقي لا يوم ولا اثنين احمد انته ليش ضل تمظرط دجيبه وانجب ساهر ههههههه. راح اجيبه بس نكعد فندق. احمد اسمعني. تجيب اختك وتجي لبيت الشيخ معدلا وحق هو علي لا صديقي ولا اعوفك ساهر خلص خلص صارت بيه حلفان جاي بس خلي اشوف ابوي احمد انتضرك اني ادري بيت الشيخ معد أأمن مكان لعشق بس هيه شلون ادري باختي ماتوالمهه أجوائهم بس ابوي وافق وكال اخذه هيه بعد انحطت تحت الامر الواقع لمت جنطته طلعت الحلوه لابسه جنز ازرك وقميص زيتوني كتله ساهر هاي شلابسه عشق شلابسه. ملابس ساهر عشق. احنه رايحين بيئه مختلفه عن هنانه عشق عود اخذت. شي ثاني ويايه. شفت الوضع. مو هو اغير ملابسي واصلا مالهم حكم عليه ساهر طبعا. عشق مو السان عده رشاش وهذا الي خايف منه. اني صارلي اربع سنوات وياااهم صوت لوحده منهن ماسامع رغم همه بيت بصف بيت اخذته ورحت طيران للبصره وجان احمد بانتضاري بالمطار عشق نزلت من الطياره طلعنه جانت اكو سياره سوده عاليه كدامنه من طلعنه نزل منه شاب لابس قميص وبنطرون لون اسود. بس شنو بويه هذا مو شاب طركاعه شهل جمال يل كائنات شلون. شخصيه أنوب اجه باتجاها. من وصل سلم عله ساهر عبالك اخ وسلم على اخوه. بس ابد مارفع عينه عليه. وكائني شيء مرئي ساهر كله ساهر شيخ هذي عشق اختي الشيخ احمد أهلا وسهلا خويه نورتي البصرا عشق منوره باهله طبعا هو بعد مارد عليه. وشنو هاي خويه. انته منو ضحك عليك وكلك اني اختك. بس اوووف ربي صدك الشيخه مفصله عليه شهل خلقه. اخذنه ورحنه. لبيت اهله طبعا هنانه كلت راح انحبس وانسجن طلعت اني رايحه للجنه. قلعه اي هاي قله وداير مدايره قصور. وسط غابه. ونهايه شط دخلنه. بالشارع. أشجار من الجانبين. وقبل منوصل البيت الجبير سوري القلعه جانت اكو حدائق من الطرفين ضليت صافنه. شهل عمران واني عبالي راح اكعد بيت طين جانو يحجون بيت ضيافه وهل سوالف. عبالي راح اكعد. بيه طلع هذا بس الرياجيل خاص بيهم عمي حقه اخويه ميجي. اذا عده خدمه خمس نجوم. جان من امي تكله زحمه باقي يم العالم. هل كد يكله والله يزعلون اذا ارجع قبل الأربعين. من دخلنه نزلنه. كبال القلعه. اني وساهر دنزل جنطنه. احمد دخل قبلنه وطلعت وياه مره متوسطه. اول ماشافت ساهر ابتسمت وكالت ام سلطان يمه توهه نورت بصرتنا ساهر منوره بهله ان سلطان شلونج اخبارج ام سلطان الحمد لله يمه انته شلونك اهلك ساهر الحمد لله خاله وهاي عشق جبته ادري راح اتعبكم وياي بس تعرفين وضعي ام سلطان يمه هله بيه اخت الغالي هاي البيت بيته هله بيج بنتي عشق أخذتني ام الشيخ احمد بالأحضان عبالك تعرفني من سنين. ورها اجتي بنيه اخذت جنطتي عرفت هاي عامله عدهم. احمد وساهر راحو وأعافني ويه هاي المره جان تكلي ام سلطان شوفي بنيتي البيت بيتج. وحسبي روحج حالج حال فنار ومنار وعذوره ماكو كل فرق بينج وبينهن هذا بيتج عشق اشكرج خاله. ادري راح أزحم عليكم بس..... ام سلطان لا بنتي هل مره سمعته مرة الثانيه لتعديه دخلت جوه بيتهم. ماشاء الله داخله قصر ملكي من العصور الوسطى يعني بيتهم داخله نضام. تراثي. مو معاصر. واكو. كرسي ملكي اله شويه كاعده. عليه حجيه جبيره. مبينه مهيوبه. رغم البيت متروس عالم بس حضوره طاغي. اجني بنات ثنين. كل فرق ماكو بشكلهن. فنار ومنار. يمكن اجمل ماخلق الله. يجنن مو خلقه. حيل جميلات. الفرق الوحيد بينهن. وحده عده شامه وحده لا مو بنات عسل. هلو بيه عبالك شي شخص مهم. وراها صاحتني هاي الحجيه من وصلت يمه كالت الشيخه طوعه ام سلطان هاي البنت ياهي ام سلطان شيخه هاي اخت ساهر صديق الولد الشيخه طوعه يااا شو هاي ماتشبه ساهر يبرج برج جنه بركت شمس ماتشبه عشق ليش حجيه اني مو حلوه الشيخه. طوعه ياهووو هذا الي كال مو حلوه جنج عيون المها فلعت گمر تبارك الرحمن عشق تسلمين حجيه عيونج الحلوه سلمت عل حجيه وكالت كعدي يمي. ظليت عاده بصفه كالت شيخه طوعه يمه غطي راسج زحمه انتي بعزه عشق حاضر حجيه شيخه طوعه اني الكل. هنانه لو يكلي الشيخه لو جده اختاري وحده منهن عشق جده حلوه عجبتني اكثر هاي المره صح مبينه صعبه وطباعه حاده بس تنحب اني الي ماحب احد يتامر عليه صرت أنفذ الي تكوله. دون نقاش بعدين من كملت غده وغسلت سمعت وحده مدري منين كالت. شگد متستحي. لابسه ألوان وجايه عزه سويت نفسي ماسمعت رحت كعدت يم الحجيه هيه مكان امن ضلينه نسولف شويه احسه عرفت شبيه جان تكول الشيخه طوعه يجده الحزن حزن الكلب مو بالبس شفايده الاسود الي لابسته واني مامحترمته وراها أخذني. فنار ومنار لغرفتهن هههه مثلهن جننن عبالك غرفه باربي جانت اكو وحده نايمه كتلهم عشق منو هذي منار هاي اختنه الثالثه عذوره أميره بيت الشيخ معد سوده عليه جانت. بكركوك الصبح اجتي. عشق رايحه زياره لاحد فنار خطيه جدته ام امه مريضه وصت عليهم وراحت شوفه عشق خطيه حقه تنام اني جيت طيران وميته تعب فنار اي ست انتي هسه تسبحين وتنام عشق لا خلوني أساعدكم فنار لا حبي الأوامر صادره من المجلس الأعلى شيخ احمد كال ترتاح يعني ترتاحين اووووي فدوه العمررره شكد ذوق هل احمد غير ينكرط كرط سبحت ونمت للمغرب يله كعدت احمد ماتروح تنام مجلس عدنه بليل ساهر ترى متعبان سلطان كوم ناملك ساعه خويه مبين التعب عليك جاي من طريق بعيد ساهر والله ابو ادهم ماتعبان خلوني أساعدكم سلطان تروح تنطمر لو شلون ساهر هههههه رايح بس سوال احمد كول ساهر وهب ماكو كرار دسكت اسكت خلي العالم تعرف تشتغل تندل دربه لو الجلب يحب خناكه ساهر ههههههههههه والله لكله عليك. بس صدك وينه. مو من عوايده يعوف الديوان احمد غير جدي وعمي قحطان رادو يشكًون هدومهم يله راح ساهر ليش شبي احمد جان البارحه بكركوك واجه الصبح وقبله جان عده شغله وهم اجه أشرف عل طبخ قبلك بنص ساعه صعد لغرفته راسه يوجعه ومريض خلي نايم خلي نعرف نشتغل ساهر هههههههه والله صنته الديوان من دونه كرار مواكلك تحب خناكك كرار الشيخ كرار اني احد احفاد الشيخ كاظم الحفيد الي ماشبه احد اني إبن خيرت شيوخ البصره والعراق واني ابن الانباريه سليله شيوخ ال**** ابوي بصراوي وامي انباريه. اني عزوتي بالدنيا ولد عمي ذوله حزام ضهري الي يرشهم بورد أرشه برصاص الكل يعرف كرار وطبعه الصعب. اني العادل الظالم لا تستغربون هذا اني عادل لان ماخذ. حق احد. وحكمي عادل وظالم لان اني كلمتي ماصير ثنين. والي ي**ره يشوف عذاب الشيخ كرار يمكن اكثر شخص أذيته بهل دنيه هو اقرب إنسان الي. اليوم يمنه ساهر العشق الظلع ماريد أعكر مزاجي هو راح نام. والمغرب رحت كعدته وكتله يله. كوم ويانه حتى جدي سال عنه اكثر من مره ظلينه اني. وساهر واحمد ومحمد نشتغل عدنان وسلطان عفنه عليهم جدي وأبوي وعمامي ذوله همه والديوان يردلهم خلك كل مره وهب يستلم المضيف بس اليوم. تعبان. بس يافرحه ماتمت هل اجانه. يفر بسبحته. جنه صحه فنار اني ام شامه. وحده من حفيدات الشيخ كاظم اني بت الشيخ عدنان اني وأختي التوم منار نسخه من ابويه الفرق ابوي شعره اسود احنه اشكر اليوم اجتي اخت العشق مالتي يعني هيه اسمه عشق بس اخوهه عشقي طبعا مع الأسف هو اصلا مشايفني ولا يعرف اي شي عني بس اني هيج احبه من بعيد وروحي معلكه بيه جنت من اسمع بي جاي اضل مكابله الشباك وذني الحقيرات. عذراء ومنار مسوياتني تصنيف مره احمد جاب. ملابسه كال للشغاله اغسليهن واكويهن بس اني خليت احمد يروح واخذتهن منه وغسلهن وخليت واحد من قمصانه ضامته عدي جنت بوكته ميته خوف. لا احمد يسال عنه بس الحمد لله محد سال اليوم من اجتي اخته حبابه جنه ورده وحيل تنحب اغلب كلامه عنه هيه وساهر والله كمت اغار شنو هلكد يحب اخته وقريب منه المهم هيه خطيه جانت تعبانه. صعدت نامت. المغرب. دزتني ساره كالت روحي صيحيله وخلي تلبس منجن كلجن نفس القياس هاي أومر الشيخه طوعه. الحقيرات عذراء ومنار يكلي روحي كعدي عشقج سوووري نقصد عشق اني توني اصعد. الدرج وجان اشوف وهب. بوجهي. لا يربي. هذا شكعده مو جان. نايم هو كال وهب اني مو كلت كعدوني قبل العشه فنار اي هو اني صعدت اكعدك وهب منو هنانه فنار شمدريني. قابل كاعده بالديون وهب ثول حتى ثووول اقصد جوه هنانه فنار هااا اي. شسمه نسوان عمامي. وخالاتي وهم نسوان من المنطقه جدي كال اعزمو الكل وهب شهل ورطه هسه شلون انزل فنار خويه هسه اسويلك درب. وهب بسرعه يله. نزلت اركض كدامه سويتله طريق. وهذني أكلنه بالسلام عبالك. بوراك التركي نازل. لو عمر ابلكجي صخونه تلفجن كون. والله لو يعيط عيطه وحده بيجن ينسيجن اساميجن. مدري على شنو. هل مسودنات متخبلات عليه. كبووور هو. راح واني صعدت العشق. لكيته لابسه عود دشداشه هيه ههه كل عقله هاي بس يله خطيه ماريد ا**ر خاطره لابسته صح سوده بس بيه فتحات. من الجوانب ومخصره المهم نزلنه للمطبخ طبعا احنه منطبخ بهيج مناسبات خاصه احنه سالفه الطبخ تبلش عدنه من واحد محرم ويخلص الأربعين واحنه اذا مو يوميه بين يوم ويوم جدي يسوي طبخ خاصه اول عشرت ايام. حيل يصير هوسه البيت والمضيف. عاد ساعدناهم. وهم عشق خطيه ذبينه عليه غسل ستكاين الجاي البنيه كلشي ماتعرف سوي. وره العشه. وكعت الماعين بروسنه. هيه شافت الماعين جان تكول عشق يااااا عزززه هاي كله شراح يخلصه علا هههه لا حبيبتي احنه هوايه وذوله خطار ابو علي يدللون. خدم احنه الهم عشق يعني تكدرون تكملوهن هسه منار لا حياتي نعوف منهن لباجر. عشق اي مو اكول هوايه ساره بله لغوه زايده وخلي نكمل بساع اريد اروح اسبح اني وبابني وسلطان من الصبح مشايفته عذراء اي هو هذا المهم ماشفت سلطان من الصبح. ترى صارله سبع سنين مكابلج. مامليتي ساره ولج عذيره وعلي الزمج بهل جفجير. تروحيله فدوه عذراء هههههه ترى هو هم ابن عمي فدوه الكلبه بس انتي تبالغين مو هاي وياج علا. اشو ماشفته تسال على سلمان ساره فدتج سليمه كون شعليه بهاي الفاهيه اني شيخ سلطان عدي يسوه الكون. علا عمي ولي شوفي سلطان احنه نكمل شغل منار اكول ذني المسعدات مالهن نيه يحسن ويكومن ترى والله مايستحن هسه مو هاي عشق اشو اليوم أجت وهل لزمت السنك والماعين فنار هسه يدخلون احمد وهب وشوفي النداره شلون صير يكومن يطيرن طير والعقل والثكل مدري منين يجي عشق اكلكم هاي الحلوه كلش احسه مامحبويه عذراء منو نعلاء عشق هههههه شنو نعلاء ليش هيج سموه شسمه عذراء اسمه حسناء. طبعا حسن شكل بس. احمد اجيت للمطبخ اريد اخذ كم شغله واباوع هاي اخت ساهر طابه بالجذر ههههههه الحمد لله تأقلمت وياهم جنت شايل هم اني ماباوعت عليه هاي عرض اخوي وصاحبي. اني متعود حتى لو محد بلبيت من أطب اطلع صوت كلشي. يصر وحده ملابسه حجاب شي عاد. منار. نبهته. واني فتت جوه. لان جديتي من سمعت صوتي. دزت علي فنار اباوع على عشق شكله يخرب ضحك. مشلحه الدشداشه. وطالعه الرجلين ومتربعه وكاعده ومسويه الشال مثل المصريات. اصلا هيه ماتعرف تلبسه شفت احمد اجه احنه ولده ميطبون دون ميسون صوت عاد نبهته هو اصلا مابوع. من دخل. هاي حسناء واخته صارن يردن يطيرن طير جان تكول عذراء عذراء ها شكتلجن. شوفن. النداره طلعت هسه عشق اهاااا يعني حسناء وشفاء يحبون احمد منار ههههههه لا ولج مو ثنينهن. شفاء سوده عليه تسيح ذوب من شوف احمد عذراء بس الحلو احمد مايعبره جنه نسولف. ومندمجين بالمطبخ. اجتي ساره وكالت. بهدوء وصوت ناصي ساره صوتجن. الولد. دخلو يم الشيخه عذراء وصل الإنذار حبي. وراها. صعدن البنات بقيت بس اني ومنار بالمطبخ. هنه خلص المجلس. ودخولوً ولدهم يسلمون على بيبتهم. شويه ودخل ولد للمطبخ. اباوع. ادري ذوله. ولدهم وبناتهم. هيج جمال. الي ادري عنه اهل البصره. سمران ذوله شبيهم. هيج. عبالك. شمس واحدهم. كال محمد السلام عليكم منار /عشق وعليكم. السلام محمد سونله عشه. ترى لا اني ولا الولد متعشين منار اي تدلل ابو جاسم. من عيوني الي عرفته هذا اخو. احمد الي أكبر منه. وهم كعدنه نسولف. انطتني منار السيڤي مالته. خريج هندسه. ويحب بت خاله بس محد يدري غير منار وفنار وعذراء طبعا علاقتهم بعذراء كلج قويه اصلا هنه عبالك خوات مو بنات عم احنه اخذتنه السوالف. جان يدخل. شاب بس احسه. ينطي شبه لاحمد طبع طابع. وهاي منار صفرت من كال. كرار العشه وين منار هاي خلص. كملته كرار خوش لعد خليلي لبن بارد. وياه منار اي تدلل راحت منار جيب. لبن. وهذا. نضراته عليه غريبه احس بيه هواي معاني بعدين كال وهو يباوع وره منار كرار انتي منو ماشايفج. قبل عشق عشق اسمي عشق. اني اخت ساهر. صديق الشيخ. احمد كرار كل الهلا والله انتي اخت الضلع. هله بيج بويه البصره كله. تحت امرج. عشق تسلم ماقصرتو. منار راحت ورجعت بسرعه بس شو احسه عصبيه. وهيه تباوع بعيونه هو اخذ الأكل وراح. كتله عشق هذا منين الحلو منار كرار. الغضب الإلهي الي بالعشيره عشق ليش احسه لطيف منار لا مالحك يهين منار مستعجل. راح تبقين شهر هنانه وشوفي المصايب. هل بشر احد هوايته مغثتي عشق عشتو وشكو ساكتتله. منار لا والله الي يوم اخلي وهب. يصرف وياه عشق هذا منو منار هذا العشق مالي الحارس المدافع عني. اخو عذراء عشق الله يحفضه الكم منار تسلمين يعمري. عشق زين ليش متكولين. لاحمد لاحد من اخوانج منار أولا مو كل واحد يوكف. بوجه كرار صح اخوتي ماعليهم زود بس احمد عنده كرار ويه النفس ومره لمحت اني ضايجه من كرار. كال لو ماغلطانه مايدخل عشق هاي شنو ماصورت احمد هيج منار احمد ذهب مصفه بس بهل مواضيع مايتساهل ظلينه نسولف شويه وراها صعدنه للغرفه كلمن سبحت ونامت اله منار سمعت صوت ولد كال ... بويه منو بيجن كاعده عذراء هذا وهب منار اني نازلته منار هله شيخ. امر وهب جديتي تريد وحده تنزل يمه منار اي هسه بس شيخ أريدك بشغيله وهب كولي واختصري ترى. راسي صاير طبل منار لعد. روح نام الصبح نسولف وهب تحجين لو شلون منار خلص خلص بله عصابك هسه احجي وهب واني جاي اسمع منار كرار وهب كرارنه شبي منار شيخ والله حيل صاير يضوجني وهب شلون ولج شني يعني يضوجج منار هدهدي شيخ لا يروح بالك بعيد يضل هذا شيخ كرار. الي اقصده مادري شبي وياي من يوم الخلقني. ربك لليوم هو ماعديني بس هل ايام. زايد ماناقص وهب روحي نامي اني احله وهل سالفه ممنوع توصل للكبار ادفنجً حيه اذا سمع احد من الولد منار اني اجيتك حتى ماتطلع. للكبار لو الولد وهب يله انزلي يم جديتي وهب اني الشيخ وهب اني الشيخ من بعد الشيخ معد. الي هو جدي. صح اكو عمامي الي همه والنعم منهم وهم ولد عمي الي اكبر مني بس جدي اص*ر قراره والكل سانده بهل شي اني يتيم الأهل بس عمري ماحسيت بهل شي ام سلطان مره عمي عدنان. مرات احسه تحبني اكثر من ولده. وعمي عدنان. جان يقدمني على ولده وجدي وجديتي ذوله حاله خاصه اصلا. اني كبرت على كلمه انته الكل بالكل. وهب الي ماتنرفضه كلمه. ولد عمامي ذوله عزوتي وسندي. بهل كون واحدهم يفديني. بروحه اني طولي ١٨٧ حنطاوي بعيون خظر. اني جسمي رياضي. خريج ادرب انكليزي ماكو تعين. واني اصلا مكاني الديوان. اروح مرات بشركه مال العائله الي مستلم. الشغل بيه. عدنان ابن عمي وهم كرار مرات يروح يسانده اني وكرار. مو من جماعه الالتزام لذالك انروخ نشوف رواحنه ونشرد المهم اني ههههه من كدما عصبي. مسوي رعب للعالم شسوي. ماقبل بالغلط ولا يصرفلي. السوالف العوج. اليوم اني ماموصي احد يكعدني ومن كلت. لفنار ليش ماكعدتوني خطيه من خوفه كالت صعدت اكعدك وحتى نست اني منبه محد توصل غرفتي. من اني نايم المهم اني رجال تقليدي. وأحب العادات والتقاليد مأمن بالحب وخرابيطه راح الزوج المره الي تكون مناسبه الي واكيد تحمل الصفاة الي بالي. المهم اليوم بعد الكلام الي حجته الي منار. صار لازم احط الكرار حد. طبعا هيه شوف تصرفات كرار عداوه بس كرار. شخص حريص. مو اكثر. بس هم طوخه شماجان ابن عمه وعنده حق. يبقون اهله همه اصحاب الكلمه الاولى. خابرته وكتله. وهب ها كرار وينك كرار بلبيت وهب تعال. كرار توني انخمدت هسه لو يكلولي. طوعه ماتت ماجي وهب تجي لو اجيك كرار جايك كافي. لتكوم ترعد كرار جنت راجع من بيت الشيخ. سبحت ولبست شورت وتعلاكه اريد انام. وخابر وهب ابن عمي. الشخص الي مايرفضه طلب. رغم كل فرعنتي وجبروتي وهب ماكله لا. هذا وكفاتحه ويه الكل هذا يفدي وأحدنه بدمه . طلعت مثل ما اني رحت لبيت شيخ ادري دنيه ليل وكله نايمه. والمهم. سلطان نايم لان يتخبل من يشوفنه طالعين هيج. دخلت لبيت الشيخ. شفت منار طلعت من الستقبال وصعدت. اباوع. هاي شسوي بهل وقت هنانه صحت بيه كتله كرار شسوين هنانه منار ترى بيتي هذا كرار من شوكت تكعدين بله بالستقبال منار ماكعده بيه. جنت يم وهب. كالته وراحت. وهيه تباوعلي صفح. اني الج. اااخ. ربي. دخلت. وهب لابس كلبيته وحاط. جايه وجاي يشرب بيه. سلمت وكعدت. هو بيده جكاره كال وهب سمعني كرار. منار بعد مالك شغل بيه كرار وضح كلامك شنو قصدك. وهب قصدي واضح كرار. خويه اني ادري بيك انته حريص عليه وبنت عمك وحقك تخاف على عرضك بس ترى. منار ماتغلط صح السانه طويل. بس عوفه. عليه. اني اعلمه شلون تبطل تعلي كرار شنو شكتلك مني وهب كرار. منار خط احمر. سمعتني كرار ترى ماجاي افهم. شنو الفرق بينك وبيني. ترى مثل مابنت عمك هم بنت عمي وهب صح وماكو فرق. بس اليوم البت أجت تكول. كرهه الي زايد. كرار. اني زين ادري انته ماتكره. وهذا. طبعك. بس البت هيج جاي تفهممه كرار خلص وهب الموضوع منتهي كرار. طلعت. من يم وهب واني اريد اشرب دمه. هل حقيره. راح تخبلني. شعده ويه وهب كل مره ألكه وهب بوجهي. اذا. جان بينه وبين وهب شي. يعني اني انته امري. طلعت واني بس اريد هوى. لكيته كاعده. بالحديقه. وحده وصافنه. من شافتني كامت مثل المخترعه. اجيت بتجاها ماجان الي نيه احجي وياها بس مجبور اعرف شغله وصلت يمه. صافن بيه بس ماحجيت كملت دربي. ورحت ساهر. اتصل على عشق وهيه ماكو اخر شي جنت مظطر اشوفه اشوف شسوت. اتاقلمت وياهم لا جنه كاعدين بعد ماكملنه الريوك كلت لاحمد ساهر احمد خويه. ماشوف احد من اهلك يشوف المحروسة وين اتصل عليه وماترد احمد لاتخاف. مندمجه ويه الكل. كرار لاتخاف ماناكل بشرر ساهر عمي اختي اريد اشوفه جنكم ذبحتوهه وطبختوهه البارحه. عشه الي. اكول الأكل جان موطيب عبن لحمه مر ماينجرع عدنان هههههههههه عمي البارحه ام لاره. ماسكتت وهيه تمدح بيه. جنه اختك راح صير من وبينه. بعد ماترد الكم سلطان. ماخذه عل كل لا يضل بالك. ساهر هسه اختي اريد اشوفه صار خمس ايام . مادري عنه. بس تليفون عمي اختي شني اريده احمد ههههههههههه يله كوم عشق صارلي خمس ايام. اني بيت الشيخ كاظم الصراحه كل أموري تمام. ماعدى ذني الاثنين. حسناء وشفاء ينكطن سم بس اوي شعليه بيهن جنت كاعده ويه البنات بالمطبخ. اجه احمد. سلم وكل عاده راسه مارفعه وكال احمد عشق ساهر يريد يشوفج يكول ليش ماترد عشق اي والله اني هم اريد اشوفه. احمد يله لعد خويه حطي شي عله راسج ويله ينتظرج بالحديقه. الخلفية رحت ويه احمد وهاي الي اسمه شفاء رادت تموت طبعا احمد قمه بالأخلاق. وأبد ماحط عينه بعيني. وصلني وراح اني سلمت على ساهر وسولفنه. شويه وراح رجعت للبنات وراها خلصة سوالف وشغل لليل كمل كلشي بس الكل مخبوص اعتقد باجر يوم مهم علا كالت خلي نغسل البيت وصدك جابن صوندات مي كبار. وذبن منظفات ومعطرات وصرنه نشتغل. وفنار ماكو مختفيه كالت عذراء عذراء ولجن هاي وين شردت فنار عشق هسه اصعد اسحله سحل ساره عشق لا ظلين تكمزين لا توكعين وشيخلصنه من احمد رحمه لاهلج عشق هاااا يعني انتن خايفات من احمد مو خايفات عليه. منار صعدت عشق صيح فنار واحنه ظلينه نضف والله هل عشق مسويتلنه جو ومانتبهنه عله صوتنه خاصه ناصبين على ساره. وجان نسمع صوت هز البيت اي هذا الصوت كلنه نعرفه بس الي اعرفه هل وحش نايم منو الي كعده خلص اقرو الفاتحه علينه

editor-pick
Dreame-Editor's pick

bc

معشوقتي

read
1K
bc

رواية " معذبتي “ لنوران الدهشان

read
1K
bc

أنين الغرام

read
1K
bc

جحيم الإنتقام

read
1.7K
bc

فتاة انحنت من اجل........الحب

read
1K
bc

بنت الشيطان

read
1.7K
bc

عشق آسر. (الجزء الثاني من سلسلة علاقات متغيرة ).

read
2.5K

Scan code to download app

download_iosApp Store
google icon
Google Play
Facebook