من انتي لتملكيني

لا تحبني .. الدنيا ما خلتلي واهس وارجع اهوه... الدنيا **رتني بشكو ابن ادم كلت بس هو يسوه! - الو منو - هاي شبيك علاء أني ذهب - هلو ذهب شنو هذا رقم جديد اشو خطج مقفول -لا مو خط جديد هذا رقم امي - ليش وين رقمجً - كل عاده احمد فلش تليفوني - هذا شنو قلمه رحمه لمحمد - هاي هو بعد شرس من غير كلشي واكو من يقره براسه - زين عوفج من هذا كله مو مهم عود أني اشتريلج واحد - خاب ماتسكت يشتريلي واحد - انجبي وخلي اكمل - كمل بله - دراستج شراح سوين ماقنعو تعيدين - لا علاء والقراءن البيت صاير جحيم كله ضدي - ذهب هذا مو حجي شنو المشكله بعيدتج - قافلين بعد وخاصه اكو عريس بالموضوع -شنو. .... ههههههه راح تتزوجين - شوف هذا كل عقلك ازوج واحد داز امه شوفله مره - شبيج يجوز خوش إنسان - علاء اني وياك من شوكت اصدقاء - راح يصير تقريبا تلث سنوات - وماعرفت تفكيري - ولج انتي شي مستحيل ينفهم وحيل غريب - اي مو جايه من المريخ -دولي بابا انتي خبله - اي ادري بروحي المهم خابرتك حتى اكولك ليش راح اختفي ...... - ليش - شكد أثول غير تليفون ماعندي - ها اي صدك - زين علاء انته راح تقدم عل جامعه - اكيد اصلا مكيف وراح اقدم معهد نفط ذهب تعالي وياي. شبيج اهلج مراح يخلونج تعيدين لا تخافين عود اذا ماصرتي دكتوره متعنسين أني ازوجج ا**ب بيج اجر -والله. مطي مثلك ماشفت بحياتي ولا راح اشوف - كبر لذيج الشوفه محد مطي غيرج انتي - اكلك صدكً وين. صندوق الرمان - والله العضيم محضره وحتى علساس اسماء رادت. تجي وياي واتصل عليج وانتي ماكو - غير هذا تخبل عليه وفلش تليفوني ولما محمد ماعرف شصار - زين امج متعرف تصده تكول لا لا شبيه - هههههه علساس متعرف شكو ماكو - الله كريم يله هسه خلي اروح للقاعه - يا قاعه - قاعه جم غير سجلت بيه - وتعوف التشريب والباجه - هاااا لا ماعوفهن بس العب حديد - هههههههههه - يله ولي موضوع العريس فكري بي واسمعي الولد - الله كريم مر الوقت واجه اليوم الي لازم العريس يلتقي بالعروس لا الولد شارط يشوف البنيه ويكعد وياها قبل الزواج وهذا حق شرعي طبعًا ذهب جانت عاديه مو مثل باقي البنات لا حضرت نفسه ولا شي لان هيه راح ترفضه على كل حال ومن اجه الولد كالت محد يكعد ويمنه اخذت الصينيه الي بيه عصير ودخلت لا باوعت عليه ولا هتمت لشكله ولا سالت اي شي خلت الصينيه كدامه وكعدت مقابيله هو نفس الشي يكلب بتليفونه واصلا مامهتم للي دخل وره عشر دقايق ذب التليفون وكال - شوفي يبت الناس أني جاي مجبور لخاطر أسكت امي وأهلي. من هسه اكلج شروطي قبلتي هله بيج وحياج ماقبلتي تخدميني خدمه العمر -هههه وبله شنو شروطك حضرت النقيب - اهااا تعرفين أني نقيب - اها ابني الجميل الي ماكو منه اثنين النقيب بيته وحده وحده وعده سياره ويدلل بتكم اكيد هاي المغريات كل سبب في اجباري عله شيله الصينه ودخولي عليك. واكيد قبولي بيك بعد ماتقبل بشروطي بس خلي نسمع شروطك بله - ههههه شوفي اطب اطلع أتأخر ارجع من وكت معليج بيه اروح لجهنم للجنه معليج بيه لا تسألين ولا تكولين أما بالنسبه الج طلعه طبه دياحه ماكو. وماتحاسبيني على اي تصرف - انته تشرب - شنو - انته تشرب واكيد ماقصد تشرب مي - لا اكيد الله يبعدنه عنه -ماشي وهسه راح اناقشك بشروطك وتسمع شرطي - اي بله - شوف انته تريد زواج مجرد حبر على ورق مو حتى تسكت امك واهلك - ايي عاشت ايدج هذا بيت القصيد - ماشي بس توافق على شرطي - وشنو شرطج بله - اولا شغله طب وتطلع تروح تجي فهمتك سالفتك سهر ونسوان وهذا اخر همي عسى ما حتىً وجهك متشوفني إياه ثانيا. شغله الطبه والطلعه لا اعذرني. اني شرطي الوحيد دراستي. وهنانه اجباري اطب واطلع. يعني طلعتي وطبتي لا فرة من بيت لبيت ولا مولات ومطاعم وآخر همي هل سوالف اهم شي عدي دراستي خط احمر وماكدر اتجاوزه من گالت هيج ضل يفكر يعني وحده قبلت بكل شروطي يعني يضل يطلع ويطبً براحته محد يحاسبه. اجتي من جانبه أما شغله طلعته الدراسه عود يراقبه - ماشي......... زين واهلجً - هههههههه ..... اهلي لويدرون بكلامك هذا جان سوولوك زفه خلوك بعد بحياتكً متفكر تتزوج او تخطب اي بنيه هذا الكلام الي دار بيني وبينك يبقه بينه زواجنه الي حبر على ورق يبقى بينه محد يدري بي بس أني وانته - زين انتي شنو درسين - شوف أني سادس علمي امتحنت وزاري بس عندي ماده ماجلته وماريد امتحنهه يعني أعيد السادس - يعني بعدج طالبه مدرسه - اي - خوش لعد متفقين راح اطلع واكول قابل وانتي كذالك وخلال فتره الخطوبة نمثل دور الي جمعتهم الصدفه وحبو بعض وراها نزوج ومطلع شهر عسل حتى ميشكون اهلي بشي لان اعرفهم زين بعدها بيتنه وحدنه مراح تكعدين ويه اهلي ومحد راح يعرف شديصير - بس امك كالت لاهلي انته تروح للدوام وتتأخر ولازم أني أعيش ويه اهلك - معليج أني اصرف. - خوش طلع الولد من بيتهم وهو علساس فرحان وأمه وأخته الفرحة تارستهم واخيرا (( أسيد)) قبل يزوج بالوقت نفسه اهل (( ذهب )) الدنيا ما واسعتهم نسيب الكل يتمناه بغدادي ونقيب وهيبه راح يخلصون من ذهب الي همه خلق المشاكل والطلايب. وصار واجه يوم المشيه قبله بيوم جان (( أسيد )) يفكر ويه نفسه (( شهل ناس المنافقه من سالت عليه سوهه البنت الي كل رجال يتمناها الأدب والأخلاق والشرف العفه والطهارة وهبه هههههه قبلت بهيج. زواج اكيد مسويتله شي م**وره وتريد تسده بهل زواج لا وشلون عريس لگطه عباله غ*ي متدري شظامله)) صحه من أفكاره على صوت امه الي ذكره بان باجر المشيه مال الزلم بس الي خلاه يستغرب من سمع البنيه طالبه مهره مقدم وماخر قراءنً وبدهه الشك يضاعف ثاني يوم لبس زي عربي وراح للمشيه لان اخته كلتله البنيه هيج طالبه وحتى يبين قبوله بهل زواج وفرحته بيه اظطر يلبس الزي العربي اثناء العقد يله عرف اسمه وعرفت اسمه وراها كالو لازم العريس يشوف العروس ويكعدون سوى انجبرو عله هل شي اول مدخل الغرفه كال - السلام عليكم - وعليكم السلام أسفه خليتك تلبس هيج بس الكل جان يعرف انو جان من شروطي العريس يلبس زي عربي يعني. اهلي وبنات خالي وعمي فماحبيت الفت انتباه - عادي مصار شي أني هم لبسته حتى مالفت انتباه - اوك - شنو قصه المهر ( قرءان) ليش ماطلبتي مهر وخاصه زواجنه هههه بحاجه لضمانات. - اعتقد هذا الشي خاص بيه - اوك - يله نطلع - دقيقه تعالي - شكو - گلت تعالي اقتربت ذهب من أسيد سحبه قوي عليه وعض شفته الجوه حس بشعور اول مره يحس بيه وكان. اخله يطلب اكثر باسه بوسه عنيفه. بالوقت الي جانت ذهب تدفع بيه واخير شي دفعته وكالت بغضب - انته منو سمحلك تقترب مني باي حق تبوسني. - اششششش صوتج لا ا**ر راسج واسمعيني زين - شسمع بله - لج ثوله. انتي. يعني النقيب أسيد. الي يتخبل من الزواج وهل السوالف بالصدفة يطير من الفرح ويه وحده. ويقبل يزوج واليوم عقدهم ويدخل وحده وياها بغرفه اكيد مراح يصلون عل اقل راح ياخذله بوسه ? - اوك وصلت الفكره. بوسه مو عضه وشوه خلقتي - شوفي لج لا تمثلين دور البرائه عليه ويله نطلع - دقيقه -شكو - اولا أني ماحب التمثيل .... ثانيا. اخذ هذا الكلن** امسح الحمره الي بحلكك زحمه لابس هيج ومخلي حمره