حنين

#حنين1 بقلم:فلة على الساعة كانت بتشير للحداشر قبل منتصف الليل يعني 11:34مساء بالضبط كده كان جوكر بطل قصتنا قاعد في واحده من المظلات بتاعت المحطات راجي المواصلات البتوصلو للمكان اللهو عايزو تلفونو رنه ..عاين وشاف اسم علاء اتذكر انو علاء عازمو سهرة ظاااابته .كلها نسوان و شراب و..و.. الموهم .كلها حاجات فارغه . طنش المكالمه و خت التلفون في جيبو ..الشارع كان تقريباً فاضي إلا من شوية العربات الملاكي و المواصلات العامه المعظمها ملانه جوكر كان شاب ثلاثيني من شكلو كده زول خطير وانت لو فعلا عندك عقل نهائي ما حتقرب منو حفاظا على حياتك طبعا . طويل و معضل ياخ بتعرفو رومان رينز !!؟ هو بطلنا ما زيو لكن نفسسس الطول والقوام . قمحي شعرو كتييير كده ولابس نظارة سوداء و طاقيه لبسو اسود في اسود استايل عجيب .انا غايتو بشوفو زي الممثلين . لكن ما ننسى برضو انو زول خطير جداً جوكر عاين لي يدو ولاحظ إنو فيها أثر دم طوالي اتذكر العملو قبيل يلا تعالو احكي ليكم عن شغلو . جوكر طبيعة شغلو الإجبار على الكلام يعني لو في زول عايزنو يتكلم والزول ده راكب راس وما عايز يتكلم طوالي بنادوهو ..بمارس معاهو أقصى انواع التعذيب بدون رحمه او شفقه لغاية تتكلم ولو قلت تعاند زيادة . حتموت في يدو بس والموضوع منتهي . وهو في قعدتو دي جات بت . طويله كده بيضاء لابسه النضارة بتاعت النوابغ ديك ولابسه شنطة ضهر سوداء البت بصراحه مزززة وقفت وكانت خايفه .. بيناتهم مسافة تلاته أمتار كده . جوكر رفع راسو عاين ليها طوالي قامت صرت ليهو وشها. استغرب بس ما اشتغل بيها ورجع يطبظ في تلفونو ..وعلاء يشيل ويضرب ليهو البت وقفت لغاية فترت والساعه عملت 12 .. وخلاص المواصلات انقطعت .. دموعها نزلو وحست بي ورطة شديدة وندم على الشي القررت انها تعملو وعملتو ده .كانت خايفة شديد خصوصاً من جوكر وشخصيتو الغريبة المخيفة دي .. جات عربيه سوداء وقفت قدامها . نزل منها واحد وشغال يقول ليها : توصيله ولا اي خدمة ؟؟؟ هي : اخدمني خدمة واحده واركب عربيتك وفحط من هنا! هو : ههههههه حلاتها القطامه في خشيمك الصغيروني ده.. وعمل ليها حركة لعيب الشفع د*ك ( اجقو جقو جقو وحلاتي) سكتت خلتو و غيرت مكانها . الود كان معاهو صحبانو ..وكانو هم زاتو بشاغلو ..: ارح ياخ .هو زاتو حرام نسيب واحده زيك هنا في الحته دي براها . الود جا مسك ليها يدها وعايز يسوقها غصب عنها بكل قوة عين جوكر كان مراقب الأحداث .و ولا اشتغل بالموضوع ولا فكر يتدخل حتى . بدل كده قام على حيلو و مشى خلى ليهم المكان بحالو ! البت كفتت الولد وقالت ليهو : فك لي يدي وهو كان بضحك عليها ! ما لقت مفر غير انها تناديو : يا اخ لو سمحت يعني ساعدني ! ولا لفت عليها زاتو.. حقار كيف! هنا كوركت فيهو : ياخ انت اللابس طاقيه دا انا بتكلم معاك ! جوكر وقف و لفت عليها وقال ليها بكل الكبرياء الموجود في الدنيا : انتي معاي ؟ طبعا اتغاظت منو شديد .: لالا مع الجمبك عاين جمبو طبعا ماف زول طوالي واصل مشيهو هي : ياخ انا معاك انت ياخ وبدت تبكي طوالي.. جوكر مشى عليهم والولد واقف زي الاهبل بعاين ليهو جوكر : عايز منها شنو انت ؟ الولد : وانت دخلك شنو ؟ دي حبيبتي وانا حر البت ما قدرت تعبر زاتو جوكر : دا حبيبك ؟ هي : ما حصل مرة شفتو زاتو حبيبي بي وين هنا طوالي استلمو : بتكذب لشنو انت ؟ الولد بدا يعرق جوكر : انت ما عارف انو انا بكره الناس البتكذب؟ الود بدا يعرق ويتمتم : ااانا بعرفك من وين عشان ا ا اعرف حاجة زي دي جوكر أشر على البت : ودي بتعرفها من وين عشان تقول هي حبيبتك الود : ااسمع يا استاذ انا م م م قصدي كف واحد بس وربي ما حتلقى ولا سنه في خشمك عشان تاني ما تكذب الود ؛: وقسماً م م م حتشوفني تاني خلي اكذب ليك بس ابوس رجلك نزلني هنا جوكر نزلو بالراحه الولد جرا ركب عربيتو وصحبانو الجوه سكتو ولا علقو زاتو من الخوف جبانين كيف نفض بدلتو اللابسه و واصل مشيهو البت كانت مزهوله من الحصل وكانت بتعاين ليهو بس طوالي جرت بي وراهو هي : اسمعني ..شكراً ليك عاين ليها وما علق تاني واصلت : انا اسمي حنين برضو ولا علق تاني واصلت : الووو..هنا في واحده بتكلم ! جوكر وقف وشكلو صبرو انتهى : في شنو ! مش قلتي اساعدك ؟ هدا ساعدتك تاني عايزه شنو ! اختيني بالله حنين : الحمد لله قاعد يتكلم جوكر اتغاظ منها لانو كل القالو ولا هماها الموهم .. واصل مشيهو ولا اشتغل بيها كانت مبارياهو وماشه معاهو اي محل . جو بالسوق بتاع ام درمان وكان يعني فيهو ناس بس معظمهم رجال حنين طوالي مسكت في قميصو جوكر سكت و واصل جا باص من بصات الوالي أشر ليهو وقف طوالي نفض منها يدو وركب حنين ما لقت غير انو تركب بي وراهو .. وقت جا دور الدفع أدى الكمساري 20 جنيه حنين : اعمل حساب نفرين لو سمحت جوكر ما علق وبس سكت حنين ركبت سماعتها وشالتها نومه . تفتكرو لمن جوكر يصل محطتو حيصحيها ؟ ما معروف ❣ في حته تانيه كان طارق سايق . الزمن كان متأخر الساعة عامله واحده و34 دقيقة صباحاً . كان جاي من الكلاكله ومتوجه للخرطوم . معاهو بتو العمرها 14 سنه رهف شايله نينه الصغيره ( آمنه) رهف : لسسع يا ابوي !؟ انا نعست ياخ طارق : قربنا اصبري بسسس رهف : حاضر طارق : حلاته بتي طارق اتأثر كتير وحسه انو ضاغط على بتو شديد كونها تتحمل مسؤلية زي دي وهي لسسع في سن الاربعتاشر مرتو عفاف اتوفت وهي بتولد آمنه و من وقت ماتت البنات كانو في بيت حبوبتهم في الكلاكله..مرت ابوها لي عفاف لانو عفاف امها اتوفت من بدري بسس مرت ابوها ربت آمنه من وقت كانت عمرها يوم لغاية وصلت 7شهور ما قصرت بس قبل شهر اتصلت على ابوهم يجي يشيل بناتو لانو ما بتقدر علي الغلبه خصوصي آمنه صغيرة وبتبكي شديد ودا طبيعي لانها فاقده حنان الأم . رهف اتحملت مسؤلية نينه بالرغم من عمرها الصغير . هم ساكنين في شقه في المعمورة .كانت نينه بتقعد الصباح مع جارتهم طيبه كده اسمها سعاد والضهر لمن هووفه تجي بتمشي تجيبها . طارق فتر من الحاله دي عشان كده قبل يوم مشى الكلاكله لي ناس خالة عفاف عشان يتقدم لي نهى اخت عفاف المرحومه من ابوها بالمرة تربي العيال بس امها حلفت قسسسم لا وما كده وبس طردتو من البيت عدييييييييل مرة شوم خلاص هو طارق بترفض؟ طارق رااجل حلنقي قرررض عمرو 37 راسو فيهو حبة شيب اداهو هيبه و وقآر.. نهى بصراحه كانت م**رة فيهو بسس امها رافضه الفكره بتاتاً .. نهى زاتها ما كانت بتحب عيالو بسس عشانو مستعده تعمل اي شي طارق نعس شديد أثناء ماهو سايق عاين لي بناتو لقاهم بشخرو ساي وقت رفع راسو لقى نفسو داخل في زول ! الزول ركب لي فوق العربيه و وقع بالأتجاه التاني ! طارق حكه فرامل لمن البنات صحو .. نزل وجرا يشوف هو هبب ياتو مصيبه ! الكمساري : يا بت هووي اصحي انتي قايلة نفسك وين بس! .. حنين اتمغت كدااا وهي بتتثائب خييير يا ابوي في شنووو مصحيني هسع ! الكمساري : ههههههاي البو يا روح ابوكي البوو الياكلك . كمساري زريف زرافة تنطحو حنين فتحت عيونها مخلوعه: انا وووين !؟ وانت منو؟؟ قومي يا عثل ابوكي لأنو زولك المعاك نزل خذذذلك و مشى خلاك عشان كده صحيتك لو بتقدري تحصليهووو نحن ما ناقصين بلاوي الفيا مكفينا.. حنين قامت سريع سريع في اللحظه الناس البص بشمتو فيها .صرت ليهم وشها وشالت شنطتها ونزلت . حنين عاينت وما شافتو ..قالت في نفسها : هو انا كم ما غ*يه .اباريهو لشنو ! بعرفو من وين زاتو ولفتت عشان توقف البص لقتو فحححط قبيل حنين : وااا مصيبتك يا حنين ..وااامصيبتك وقعدت تلطم خدودها عاينت لي تلفونها لقت عوشرمية مكالمه من ابوها وامها وصحباتها . حنين : الليييله نهائي ما برفع .نهاااعي بالعين طوالي اتحركت عشان تلحق جوكر غايتو جنس شي الكلب بريد خناقوو لمحتو من بعييد جرت عليهو . اتفاجأ لمن شافا : انتي تاني! ما تباريني يا بت هوي! حنين : خوتك خوة لستك ضااارب .الكمساري يطلع احسسن منك ! جوكر اتن*د تنهيده طويله وقال : استغفر الله العظيم تاني صرخ في وشها :يا بت انتي نصيحه ! حنين : اعصابك يا ابن العم . مبارياك لاني بت ! وبراي ! الساعه هسسع عامله 2 و انا ما عارفه امشي وين لأني ضعت من بيت حبوبتي وانت الوحيد الوثقت فيهو جوكر عرف كيف يتخارج من البلوة دي عشان كده قررب منها : انتي يا بت حنين خافت وصرت ليهو وشها هوووي مالك؟ جوكر : هواء ملان مزز زيييك كده حنين : اوعه تقررب مني جوكر : ماهو ما بنفع ما اقرب منك لانو انتي واااو وبعدين شايفك مبارياني تكوني من البنات ديلك حنين بدت تبكي طوالي جوكر : ههههههه دموع حمام يا حمامه انتي..سيبي الدلع والعناد وأرح معاي فوق ..لانو بصراحه لو كنتي بت ناس ما كنتي برة بيتكم للوقت دا حنين بكت وبكت طوالي جوكر مشى خلاها حنين اتهانت .يا حليلك حنين طوالي رجعت محل الظلط قعدت في حجر واتكت في العمود وقعدت تبكيي هسسع انا الطلعني من بيتنا شنو ! الزول ده كلامو صاح ماف بت ناس بتكون بره البيت للزمن ده براها لكن انا بت ناس والله وتاني قعدت تبكي خافت كتير ..هسع انا امشي ويين !! مشكلتي ما بحسبها صح لمن اقرر أعمل حاجه..يلا تعالو احكي ليكم حنين قررت شنو بطلة قصتنا عمرها 19 سنه امتحنت شهاده سودانيه وعملت 85 النسبه ما بتقريها طب ..عشان كده ابوها قرر يقريها خاص في الأحفاد لأنها كانت قريبه منهم..ابوها مليارديست بسسس حنين ما كانت عايزه تقرا طب..هي رغبتها تدخل كلية الموسيقى والدراما بتعشششق الغناء كمان صوتها حنيييين زي اسمها . امها وابوها رفضو الفكرة تماما . عشان كده قررت تأدبهم وقامت طلعت على أساس ماشه لي صحبتها وزاقت من السواق هسسع اهلها حالتهم بالبلا وتمت ليهم الناقصه بي إنها قفلت تلفونها . وهي قاعده في الحجر شغاله تتلفت زي سواق الركشه سمعت صوت زول بكورك . ❣ طارق نزل و اتخلع خلعه الجن شاف ليهو بت واااقعه وكلها دم ! راسها بنزف ساااي وانفها طارق : لا حولا ولا قوة الا بالله العلي العظيم ! انا هببته شنووو رهف : ابووي في شنو نينه زاتها قعدت تبكييي الأبو راسو جاط : ارح ارح اركبو سريع رهف : والبت يا ابوي طارق : هسع الأسعاف بجيها ارح اركبو سريع رهف : لالا يا ابوي كده غلط انت عملت الحادث لازم تتحمل المسؤليه . طارق عرف انو لو ما رفع البت رهف حتفضحووو.البت كلامها صح بس هو خاف على بناتو لو البت ماتت واتسجن بناتو حيتبهدلو في بيت الشمطاء د*ك ده لو رضت تربيهم وما جدعتهم في ميتم طارق اتوكل ورفع البت .واتحرك بيها سريع لي اقرب مستشفى . عملو ليها اسعافات بعد ما طلعو الأورنيك طبعا عملو ليها صورة اشعه لقو في **ور في الجمجمه . دخلوها بعد داك غرفة العمليات . الدكتور طلع بعد ساعتين ..قال نجحت العمليه بس ما حيطمنو إلا بعد ما تصحى . الدكتور : أهلها انتو !؟ رهف : لالا دي لقيناها في الشارع ابوي دقشها غايتو يا هووفه بليلة في خشمك ما بتتبلا طارق : اي صح الدكتور : ما معاها بطاقه هويه او جوال ! طارق : لالا الدكتور : امممممم طيب انا متضطر اتعاون مع الشرطه يحققو معاك ..تمام !؟ طارق : بسس انا م ع الدكتور : قصدك ما عملت الحادث ؟ طارق : لالا قصد.. الدكتور قاطعو : قصدك قولو للشرطه هد*ك جات دكتور حقار خلاص فعلا جو اتنين من العساكر وحققو معاهو واتفقو عشان ظرفو انو يمش بس يومي يجي لغاية ما تبقى كويسه نهائي ممنوع يسافر برة الولايه خليهو من برة السودآن . طارق وافق.وقال عاوز يخش يشوفها كانت غايبه عن الوعي ويالله منها بالرغم من الرضوض الفي وشها . بس موبالغه .. مززة ياخ وله العجب الشعر انسو بس البت دي حبيتها ياخ . حنين تحكي الليييلة وووب ! دا صوت شنو كمان ! تاني سمعت صوت الزول.. الغريزه الجواها حلفت عليها قسسم انو تمشي تشوف دا منو ؟! ومالووو! يا ربي انا اسوي شنو هسي بس لازم امش اشوف دا منو والحاصل ليهو شنو اتسسلت شويه شويه وشفت تلاته نفرر زي السسسم بضربو ليهم في واحد بس ما يكون دا الزول اب عضلات الششرير الأنقذني داك المهم ..جازفت قربت منهم و الحمد لله طلع دا ما ابو عضلات الساعدني قبيل وخوفني التلاته كانو بشلتو فيهو و كان واحد بسألو : البت وينها ! و و ين الشنطة ! رد ليهم وهو ببكي : انا م م عارف مشت وين ..خلوني الله يرضى علييكم بس ولاااا رحموهو .وفضلو يشلتو فيهو طلعته تلفوني واتصلت على الشرطه .ما كنت عارفه نفسي وين بس جازفت وصفت ليهم . وهم بضربو فيهو قلبي أكلني .. ورب الكعبه ما قدرت استحمل جني جن الحركات دي شلت حجر كبير وياريتني ما شلتو و اتقدمت شويه شويه والله من الخوف قربت اعملها اقرب واحد فيهم فنيت فيهو الحجر .بس الحجر التقول متفق معاهم ولااا هبشو .لكن ما قصر وراهم مكاني وين وكلهم اتلفتو علي حاولت أجري بس حسيت بي طعنه في رجلي صرخت و وقعت هبشته رجلي لقيت فيها سائل وكانت بتوجعني شديد طلع الحيوان ضربني طلقه ف رجلي ! عديم الأنسانيه والهارت والضمير بتاعو اوسسسخ من ضمير الدواعش.. واحد قال : دي البت صح! رد ليهو : لالا دي ما هي عليكم الله خلوها دي ما عندها ذنب قلت ليهم والألم مقطعني :اي اي عليك الله يا أخ خلينا. .وان شاء الله تلقى البت كولهم ضحكو عديمين الهارت تاني قلت ليهو : ربنا يرضى عليك ويفتحها في وشك خلينا .بس ولا إشتغل بي كلامي المغفل المغرور وسخ الخور اسمع هوي. .انا م عندي ليك زمن تفتح خشمك ولة يفتح الله ! . والله ما عارفها جرت وين.. من وقت لقيتونا هي شالت الشنطة جرت في اتجاه وانا جريت في إتجاه صدقني الله يخليك واحد منهم قال : بس السيد كمال قال لو ما جبنا البت ما عايز يشوف خلقتنا سكتو مسافه كده ( عقبال السكته الأبديه ياااارب) طبعا الأسم السمعتو دا م غريب علي طوالي سألتو : كمال منو ! الكتيابي ..ما بتعرفيهو دا . وطوالي المعاهو قال :وانتي مالك ومالو ! وانت بتوريها ليي ! غ*ي! وطوالي بقلب بااارد ضربني في كتفي طلقه وربي حرام ياخ انا زوول في النهايه ما دمية رمايه !! ابوي مت حصل ضربني ويجي واحد تافه كده يضربني رصاص كمان ! الأسم القالو انا بعرف سيدو بس يا رب يطلع ما هو الزول البعرفو بديت افقد الوعي وجسمي خدر وما حاسه بي شي..اصواتهم بقت لي بعييييييده ! شايفه طشاش طشاش انو الزول المعاي حركاتو سكنت .. مسكييييين م معروف حصل عليهو شنو وطوالي مشو انا بي باقي الروح الفيني تاني زحفت اتجاه شنطتي .شلت التلفون حقي النمط ما لحقت فتحتو قريبي دا . قام شلت لي يدي الحسسسسود الماقت شحدت ربي يموت بي دقشت لوري شايل حطب سمعت صوت عربية شرطه ..طوالي بديت اتبسسم . واحد قال : تمها بالله لانو ديل لو جو اكيد حتوريهم وهي سمعت حاجات كبيرة أكبر منها. رد ليهو : ههههاي تذكرة لي شخصين ذهاب بلا عوده اهبل خلاااس بسسسس عليهو عديم الهارت فجأه الدنيا ضلمت ..وبقيت ما شايفه شي ..ي ربي عمييت! ولة فقدته الوعي ! ولة خلاااص حكاية حنين خلصت قبل تبدا حتى! م معروف ❣ طارق وهو سايق البنات كان متذكر منظر البت الدقشها وبدا يتبسم قال في نفسو ياخ عسل والله..التقول شارده من بنات الحووور عاين لي بناتو : مساكين والله بهدلتهم سااي معاي . الأذآن الاول أذن زاد السرعه شويه .نص ساعه كده و وصل العمارة . طارق: رهف يا بت .قومي وصلنا رهف : وييين انااا .انا نعسسانه ياخ وتعبانه خليني انوم.. طارق : الزول اليسمعها يقول سايقه من الساعه 9 و كمان عامله حادث وهي هسع في ورطه قوومي ياخ سريع وصلنا البيت ! يا داب رهف فاقت واتذكرت الحصل ليهم .شال نينه ونزلو من العربيه . طارق : هو زاتو الزمن هسع اتأخر وعلبان ما تنومي الساعه 6 بتكون جات .وياهو زمنك حق المدرسه .يعني هي هي ما حتلقي . رهف فرررحت كتيير : اي اي .وحتى لو مشيت ما حأفهم حاجه من الحصه ..حأقضيها نوم بسس طارق : ااي دا العايزاهو موش ! رهف : لالالالا معقووله يا ابوي واصل مشي وهي اتنفست الصعداء فتحت عيوني #ببطء وبس شفت الغرفه بيضاء لونها ماشاء الله يا حنين دخلتي ألجن واا فرحتك يا حنو واااو موووبالغه !! توووحفه .هااايل واااو هو شنو الهايل؟ عاينت كدااا شوفته لي واحده أمووورة كده لابسه ابييض قلت ليها أكيد انتي الحور العييين موووش ! البت ضحكت كدااا وقالت : شكلو الغيبوبه أثرت على عقلك على العموم حمدلله على السلامه غيبوبة!؟ انا وين ! والحصل شنو ! الممرضه : انتي هسع ف مستشفى رويال كير . كنتي في غيبوبه . قاطعتها : شنووو الممرضه خلتني في زهولي وطلعت في الفترة دي بديت اتذكر الحصصصل لي .اتذكرت كل الحصل .بعد شويه جات الممرضه معاها الدكتور وكان عاوز يطير من الفرح الجميلة النائمة آخيييراً صحيتي. اهلاً دكتور. الدكتور : انا عمر .ناديني عمر يا معجزة انتي طبعا قريبي دا حير ام عقلي زاتو فهمني ياا عمر عمر : انتي كنتي في غيبوبه 9شهور .وكل الناس فقدت الأمل في انك تصحي الا انا وامك وابوك طبعا يا داب افتكرت انو انا عندي أهل : امي وابوي وين ! الممرضه: هسع كلمناهم جايين في الطريق ممرضه بارده كييف .د.عمر : طبعا انتي معجزه يا حنين وبما انو انا طبيبك .لازم اكون معاك واضح اتفضل يا دكتور .قول الحصل شنو ! د.عمر : ليش انتي ما متذكرة الحصل ليك طبعا انا متذكرة بس حبيت أمثل دور فاقد الذاكرة عشان لازم اتأكد من الكلام السمعتو قبل 9 شهور زي ما بقولو لالا يادكتور ما متذكرة حاجه د.عمر : معناها فقدتي الذاكرة وبما انك متذكرة اهلك .معناها فقدان ذاكرة جزئي حنين : امممممم ودا شي خطير يا دكتور عمر ؟ د.عمر : لالا ما خطير .وانا بتابع معاك لحتى اعرف فاقده كتير ولة حبه من الذاكرة طبعا انتي عندك اصابه في الراس اتخلعت طبعا واصل كلامو : اي جابوك لينا وعندك اصابه بي طلق ناري في نخاعك الشوكي طبعا يا داب اتذكرت وقت المغفل داك شلت لي يدي ورمي التلفون منها . وفجأه الدنيا ضلمت في وشي عديمين الهارت والهيومنسيتي واصل د.عمر كلامو : اسمعي يا حنين انا خبرتك من هسه عشان اتفادي اي صدمه حتجيك لا قدر الله وانا عارف انك زوله قويه وطبعاً اول مراحل العلاج انو المريض يكون على درايه بي حالتو الصحيه سكت مسافه وقلت ليهو : اها الرصاصه حتطلعوها لي ؟ عمر : لالا عاينت ليهو باستغراب عمر : في الوقت الراهن .لانها حاليا ما مؤثرة عليك.هي اخترقت المخ ومستقرة في النخاع الشوكي ..و نحن وقت جابوك لينا اكتشفنا اصابة الرجل والكتف .بس اصابة الراس انتبهنا ليها بعد ساعه من دخول العمليه . وطبعا ولا قطرة دم ما طلعت من مكان الأصابه و لمن لاحظنا لي انو حالتك مستقرة ما هبشناها وبس عقمنا الجرح وقفلناهو وانتي عارفه انو عملية زي دي خطر تتعمل هنا في السودان عندك المناضله ملالا يوسفزاي .عملو لي العمليه ف مستشفى برمنغهام تحت اشراف الملكه إليزابيث .والآن عايشه .وانتي كمان عايشه والرصاصه جواك.بس بما انها ما مؤثرة حاليا .نحن ما حنعمل اي عمليه حتى إشعار آخر .سكت مسافه .بعدين سألتو : اها يا دكتور .بأختصار كده انا حأموت صح? د.عمر : لالالا يا بتي ما تقولي كده بعدين الأعمار بيد الله وانتي بس تابعي معاي واخدي ادويتك في زمنها واوعك تجهدي نفسك عشان الرصاصه ما تتحرك . لانو لو اتحركت حتدخلنا في مشاكل نحن في غنى عنها .. طبعا بس يا داب حسيت بي خطورة الموضوع وبدون ما احس بس بديت ابكييي وجاتني هستيريا كده الممرضه طعنتني حقنه مهدئة بعدها استكنته و نمت تاني .فتحت عيوني #ببطء وشفت لي خيال مرتين ..واحده قاعده وماسكه كتاب وبتقرا ..والتانيه ماسكه راسها ومدنقرة الرؤية اتضحت لي وديل م كانو الا امي ومرة ابوي ماما مريم ناديتها بصوت مجهد : اووومي انتبهو لي وسريع سريع جو علي امي : بتي ونور عيني انتي حبيبتي انتي يا حبغسساي و وجع اساي منهم لله الكانو السبب الله لا **بهم لا دنيا ولا آخره حسبي الله ونعم الوكيل فيهم امي ما تبكي انا كويسه . مريم : حنين يا عمري انتي ان الشاء الله الجاك دا كان فيني انا يا عمري انتي ماما مريم بعد الشر عليك .انا كويسه ما تخافي ابوي جا خاشي ودموعو عشرة عشرة ابوي الغالي كيف يكون الأسم داك اسمو !! ابوي قدوتي انا يستحييل يكون القاصدنو المجرمين ديلك ابوي حضني وبس بقينا نبكي لغاية نمت مره تالته في حضنو ❣❣❣ طبعا الأوضاع مع طارق اتظبتت شديد. الحصل قبل 9 شهور معاهو انو البت الدقشها د*ك سموها رشا لغاية تتذكر اسمها عشان فقدت ذاكرتها وطبعاً ما كان عندها محل تمشي ليهو عشان كده مشت بيت طارق يعني انتو كمان ما تفهموها خطأ عيب والله حتشتغل معاهو بي انو تعتني بي نيينه الصغنتوته وتهتم بي امور البيت مقابل مبلغ من المال طبعا محترمه شديد..وفي البيت بتحوم بي طرحه بس ولبسها زاتو ساتر وهي بتطبخ اتذكرت قبل 9'شهور لمن كانت في غيبوبه لمده خمسه يوم يوم العايزين يخرجوها من المستشفى ( طبعاً مستشفى ي رويال كير ) شافت الزول الكان سبب هروبها عشان كده عرضت لي طارق انو تشتغل معاهو كانت محتاجه مأوى حمايه من براثن الزول داك اتن*دت مسافه واتذكرت الحادثه الهزت حياتها وبدون ما تشعر جرحت اصبعها يا ربي تكون مالا !! انا غايتو شااكه