أنثى في معتقل الخطيئة

أُنثىٰ في مُعتقل الخطيئة الجزء الاول نورا ناصر القصة من وحي الخيال... وهي قديمة وأيضا من بداياتي .جنت لاغية نشرها لان ممقتنعة باحداثها بعد مرور وقت على الحذف شفت يسألون عنها بالفيس ويدورون عليها رجعت قريتها ?وصراحة تندمت حذفتها كل هالمدة وهسه رجعتها مع تعديلات بسيطة عليها . الكثير من المتابعين مايحب قصص الخيال ويعتبروا تسفيط مما خلى هواي كاتبات ميكولون هاي من خيالنا وهالشي بي ظلم لخيالهم وابداعهم .. كتاب عالميين كتبوا خيال وهالشي نوع من انواع الادب وخاصة اذا بي فكرة حلوة ومضمون ومحتوى هادف .. قصة أنثى في معتقل الخطيئة بيها هدف مو فقط سرد .. من جنت اشوف اخبار الاطفال البريئة مشمرة بالشارع جنت ابجي وفكرت بهاي الرواية ، ام شمرت طفلتها بدم بارد هل هالشي راح يمر مرور الكرام!! ام للقدر حديث أخر ، لكل ام فكرت بان ترمي طفلها وعبالها هيه خلصت منه وكلها مسالة ايام ممكن تتندم وتبجي وبعدين تنسى .. لكن هيه متعرف الزمن شنو ضام الها ! وحوبة هالطفل راح تلاحكها حتى لو بعد مرور سنوات طويلة من فعلتها .. نبدي الرواية بقصيدة للاسطورة نزار قباني ♡ لاتمتقع ... هيَ كِلْمَةٌ عَجْلَى.. إنّي لأشعرُ أنّني حُبْلَى.. وصرختَ كالملسوعِ بي.. "كلاَّ".. سنُمزِّقُ الطفلا.. وأخذتَ تشتُمُني.. وأردتَ تطرُدُني.. لا شيءَ يُدْهِشُني.. فلقد عَرَفْتُكَ دائماً نَذْلا.. * وبَعَثْتَ بالخَدَّام يدفَعُني.. في وحشة الدربِ يا مَنْ زَرَعْتَ العارَ في صلبي وكَسَرتَ لي قلبي.. ليقولَ لي: "مولايَ ليس هنا.." مولاهُ ألفُ هنا.. لكنهُ جبُنَا.. لمَّا تأكَّدَ أنني حُبْلى.. ماذا.. أَتَبْصُقُني؟ والقيءُ في حَلقي يُدَمِّرُني وأصابعُ الغَثَيان تخنُقُني.. ووريثكَ المشؤومُ في بَدَني والعَارُ يسحَقُني.. وحقيقةٌ سوداءُ.. تملؤني هي أنني حُبْلَى.. ليراتك الخمسون .. تضحكني لمن النقود.. لمن؟؟ لتجهضني؟ لتخيط لي كفني هذا إذنْ ثَمَني؟ ثمنُ الوفا يا بُؤرَةَ العَفَنِ.. أنا لم أجِئْْكَ لمالِكَ النَتِنِ.. "شُكْراً.." سأُسقِطُ ذلك الحَمْلاَ أنا لا أُريدُ له أباً نذلا .... صدح صوتها بغضب : صالح انه حامل ولك شصخمت بيه انت مو كلت ماخذ احتياطاتي .. ولك ننذ*ح انه وياك اخطبني من ابوي عفيه حبوبي الله يخليك رد عليها بقسوة وعجرفة : خاب دولي محد كلج تسلمين نفسج الي وانه متزوج مااكدر اتزوجج جا غير اخوان مرتي يكتلوني اذا عرفوا تزوجت على اختهم ! ردت عليه بعد ماغيرت نبرتها من الغضب الى التوسل :- لافدوه جاا انه شراح يصير بيه الله يخليك اخطبني من ابوي الله يخليك اعلن زواجنا صالح عفية لا تصخم وجهي لا تتسبب بكتلتي اترجاك دمي يظل بركبتك ليوم الدين ترى جاوبها وهو يصد عنها وينطيها ظهره :- ولج خبل انه اتزوجج خلك ارملة ماعليج شي دولي طلعي ذبي الطفل شمري لاتتاملين .. اتزوجج ع زوجتي حبيبتي هاي وانت نزوة بس اقتنعي بهذا الشي ويله ولي ... هاي و انت عود ابن شيوخ .. وهجي تسوي بيه اي راح اطيح الطفل وامري لالله شكد حقير انت الله ياخذك .... والله يجازيك على السويته بيه يااحقير الله يجازيك وحسبي الله ونعم الوكيل بيك رحت للبيت ..خفت اگل لامي انه حامل .. انه شويه ضعيفه وبطن ماعندي ..مرت الاشهر وماادري شسوي صار الطفل ابطني ست اشهر بطني كبرت .. وانه طول هذيج الفترة وانه مترددة احجي ويه امي ظليت اللبس كله هدوم عراض حتى لحد يشوفني من نسوان اخواني .. وابتلي بلوة شكبرهه على عمري تالي امي لاحضت عليه واعترفت الها بكل شي .. يمه صالح قشمرني وگلي احبج وعقد عليه سيد وبالغلط حبلت .. الام ...عزا العزاج مصيبه صابتج شراح اسوي هسه وانت ارمله صارلج سننتين ..ولج شكل لاخوانج شكول لابوج مصخمة الوجه لطمت خدي جاا شسوووي هسه يمه بس كليلي شسوي يمه ماريد امووت يممه سويلي جارة كالت وهيه تغمني و**ة حتى **ة كون امشي اوديج للدكتوره .. انت فكر فكر امير كرطتي راسه (موتي)ومتزوجه بالسر .. ومنو صالح طالح الحقير يمه شسوي حبيته الام ..حبتج حيه ..حبج برص يااخذج الله كون امشي ولي للدكتوره خنشوف حل اخخخ كوون اسلمج لاخوانج يذ*حووونج بس اخخ كلب والدة ماينطيني كلبي هيه ترزل بيه وانه ابجي وابجي ... رحنه للدكتوره كالت الطفل .. جبير مااكدر اوكعه رجعنا للبيت ومحتارين مااندري شنسوي .. امي عود راحت الصالح تتوسل بي لكته مسافر .. امي كالت ابوج واخوج بعد شهر يروح للحج وراح اخذج واروح لبيت المزرعه مابي احد ومااخلي احد يجي .. اسويلي زعله ويه نسوان اخوج واروح تولدين وناخذ الطفل ونشوفله صرفه .. وصدك راح ابوي للحج ..واخذتني امي لبيت المزرعه وهناك صار وكت الولاده ..ولادتي وظليت الوب من الالم وادعي على صالح الله ينتقم منه امي جابتلي مره اتفقت وياهه تجيبني وتاخذ الطفل .. جبت طفله والمره انطيناهه فلوس فوك الطفله بس شرطت اله تاخذ كلادتي كالت عجبتها .. الكلاده جانت مالت رجلي المرحوم امير وهي ع شكل قلبين الحب وتصير كلادتين بي حرف رجلي Aوالقلب الثاني حرفي Z شلعت القلب الي بي حرف žوانطيته الها هو طبق الاصل نفس الت**يم بس الحرف يختلف اخذت الطفله وراحت بعد ماشفناهه وهم وانزاح من گلبي .. بس بقى فكري وياهه بس موبيدي شي عليهه ... بقيت افكر اشهر بيها ها كبرت شون صارت هسه شصار وياهه وين ودتها هاي المرة بس حاولت اعيش حياتي وانسى ودائما اذكر نفسي الدنيا حلوة ونعيشها مرة وحدة وهذا المقسوم بعد شسووي الله اكيد يرعاها بمكان هو يرعى كل عباده وخليت كلشي ورى ظهري .. بعد مرور 16سنه قياد ... فتحت عيني على الدنيا امي متوفيه من يوم ولادتي .. ابوي شيخ ومتزوج اربع نسوان .. امي ماتت الله يرحمها بقن تلاثه على ذمته.. ربيت بيناتهن بس جنت طفل وهن يكتلني لان ابوي يحبني كلش جيف يتيم .. جان يكولي منو الي يض*بك مااحجي اسكت اخاف منهم بعدها عمتي تزوجت ببغداد وهي بالاصل جانت تحبني وتدافعلي هواي فمن تزوجت زادو اذيتي .. عمتي ماصار عدها طفل ابد فاخذتني وياهه ..واعتبرتني ابنها هي وزوجها ..وصرت اصيح الهم ماما وبابا .. كبرت يمهم وتخرجت من كلية الاداره والاقتصاد .زوج عمتي . ولاني المسؤؤليه على معارض سياراته الي يملكها .. لان هو وعمتي على سفر دائم .. يتونسون لان ماعدهم شي يتلهون بي غير السفر .. ابوي الشيخ جان يجي يشوفني ومن كبرت اني صرت اروح اله ازوره .. ابوي عنده ابن عم اسمه صالح .. عنده بنت اسمها ورده هي ورده فد شي مميز اعتبرها جمالها شخصيتها كلها ع بعضها حلوه .. ماجننت التقي بيها بس بالمناسبات رغم.بينه وبينهم فقط سياج بس حبيتها وصرنا نتواصل على طول وخطبتها بس الكل عارض هالشي امها ابوها وحتى عمتي .. والسبب مجهول للاسف ورده ماتقبل تعاند اهلها وكالت الي مااريد اتعذب بحبك واعرف مصير هالحب شنو اريد ابقى بعيده عنك افضل وانفصلنا ..من سنه عندي صديق اسمه رضا ..متزوج وماعنده اطفال من 5سنين هو اكبر مني وويايه يشتغل بمعرض سيارات رجل عمتي .. بيوم من الايام كنا اني وياه بسيارتي راجعين من المعرض ساعه عشرة بالليل ..ووكفنه يم اشارة المرور ... وصار رضا يسوي ..بسبس ... قياد باوعتله بفضول ...لك شكو شبيك تبسبس انكلبت بزون رضا ...لك دتشوف ذيج البنيه الواكفه هناك باوعت من الجامة بتفحص وشفت البنية المقصودة وجاوبته ...هذيج الواكفة هناك العدهه طفل رد لك اي شبيك ترة بس هي واكفة جاوبت : اي جاي اشوفها شبيها شبيها رضا. .يمكن محتاجه مساعده رايح اشوفها قياد ..لك اكعد واسكت الدنيا مو امان خلي تولي خاف تابعة لعصابة شي رضا ..عقلك وفكرك كله اكشن انته لك جوز تنتظر احد ترى مبينه محتاجة شي خطية انتظرني دقيقه وارجع الك .. رضا ..نزلت من السياره رحت باتجاه المره طفلها عمره اشهر منيمته ع كتفها وايدها ع ظهره .. لابسه بنطرون جينز وكوت اسود والشارع مبلل قبل كم ساعه كان مطر .. گتلها مرحبا المراه باوعتله وجاوبت بتلعثم ...مراحب رضا ..محتاجه مساعده المراه ..-----سكتت محتاره رضا ...ها محتاجه توصيل المراه ...خاف تخ*فوني خاف عصابه رضا ..لايمعوده هههه انت دباعيني شكلي شكل عصابه يمعوده بس استعطفتج الدنيا ليل وانت والطفل. جو بارد امشي نوصلج اذا تحبين ... ظلت تتلفت بكل الاتجاهات وكالت زين بس ماعندي فلوس رضا ...يمعوده شكلي مال واحد محتاج فلوس اني امشي نوصلج .. اجت تمشي ورايه واني اعبر الشارع سابقها بخطوات قصيره وصلنا للسياره فتحت الها الباب وصعدت .. رجعت كعدت يم قياد باوعلي رافع حاجبة وباوعتله وهزيت راسي اطمئنه التفتت عليها ...كتلها وين نوصلج ..هي سكتت كم ثانية وكالت بعدها الفلان مكان .. وصلناهه للمكان الكالت عليه .. نزلت بسرعه فتحت الها الباب .. انطيتها ورقه (100دولار)ووياهه رقمي .. وكتلها اذا تحتاجين مساعده .. اخذتهم وراحت بدون متحجي ..... قياد ...هي شنو الحركه السويتها بالله رضا ..انطيتها فلوس خطيه قياد ..فلوس لو رقمك بنتر وخزر رضا ..وشنو يعني خاف تحتاج شي قياد ... انت ناسي نفسك تره انت متزوج وحركت السياره .. دار وجهه ع الجامه وكال رضا...اسكت وخليهه زواجيش قياد ..ليش شكو هم رجعت المشاكل بينكم بسبب الاطفال ؟! رضا...اه تحسرت ...ليش هي شوكت انتهت يمعود تعبت صار خمس سنين من اول سنه واحنه نراجع ..سوينا زرع واطفال انابيب وتحاليل وعلاجات واعشاب حتى سحوره وشيوخ وعلاوي واشكال والوان وهم ميفيد بزعتني هي شوكت وكفت هالمشاكل حتى ترجع ... هسه تريدني اعالج من جديد واني هالشي مرفوض خلص لان دتأثر ع نفسيتي كل شويه دتذكرني بهالشي احسها تلمح الي بان اني عاجزز وعقيم قياد ...لا يابووي حشاك ..بس دائما تذكر «اسع ياعبدي وانا اعينك » رضا...يمعود وصلت لمرحله خلص بعد استسلمت ولاتراجع بعد خلص نسبتي صفر بعد متصعد وهذا حقي من الحياة اعيش بدون خلفه وشذى مداتفهم داكوللها اطلكج وروحي تزوجي وخلفي متقبل يابه ابقي يمي هيج معززة مكرمة همين لازم تلح وتنك قياد ... البنيه مخلصه الك وبنفس الوقت حقها تريد اطفال منك انت بالذات ولو وحده غيرها صدك تعوفك انت هم على كيفك وياهه وقدر الوضع الي هي بي رضا...مامجبورة ترى مثل مااني ممجبور اتحملها او اتحمل العلاج الي مامنه فايدة ... الله كريم تدبر يمعود ... ..يلا وصلنا للبيت تفضل تعشئ ويانه قياد ...هسه اكيد امي تنتظرني يمعود ع العشا مااكدر اعذرني يلا انزل الله وياك رضا....دخلت للبيت ... تلكتني شذى شذى ...وين كنت ؟؟ رضا...نزعت القمصله ..تحسرت جاوبتها المفروض تكوليلي الله يساعدك شذى...اخذت منه القمصله ..نكتتها مبلله من المطر ..وهي اصلا مطريه .. مو تاخرت ياعيني عبالي مراح تجي يمي زعلان مني ع الي صار البارحة رفعت حاجبي تدرين بنفسج غلطانة مو ؟ حاولت تغير النوضوع وكالت :- گلت اكيد هسه رحت يم امك تبات وحضنته .. اووف ريحتك مطر ترد الروح رضا...حضنتها وبوستها بس گلبي مليان منها احسها من تلح عليه ع موضوع الانجاب .. تعيرني او تسيئ الي واني مابيدي شي على روحي الله ماقسملي طفل وصاير اضوج منها .. قياد ...دخلت للبيت شفت عمتي تنتظرني كالعاده ع العشا وزوجها نايم لان هو من عوايده ينام ع وقت وهذا نظام ماشي عليه ... زهره ... هلا حبيبي اشو تاخرت بالي بقه يمك قياد...بوستها من راسها ..لتخافين صادفنه مريه ووصلناهه وطريقها بعيد زهره ...حبيبي فديته ابن شيوخ وعنده غيره قياد...هههه لا لو مااصرار رضا جان موصلتها لان شكلها يوحي انها غريبة الاطوار زهره ..المهم وصلتها حبيبي وحصلت اجر وهم دير بالك الدنيا مو امان . قياد...ع فكره امي تره باجر طالع لبيت ابويه الشيخ لاتنسين صار فتره مورايح اله وتوه اجه من العمره هسه يزعل عليه زهره ... اي روح حبيبي الف سلامه وعندي كم شغله اتوصلها لامي واني غير مره ازورهم تدللين انت والحجية وابتسمت .. مدت ايدها لوجهي حضنته ... يوم ثاني ... طلعت الفجر بسيارتي وانطلقت لاهلي بغير محافضه .. وصلت الضهر اول ماطبيت رحت ع بيبيتي دخلت عليها جانت متمدده بالفراش بوستها من راسها وگتلها شونج حبوبتي گالت هلا ياهو هذا گتلها اني قياد غياد هله هله شونك بعد عمري شون كيفك والله طاك كلبي عليك هي ليش هالغيبه عمتك زهره هالكاطعه شونهه لاتجي لاتسأل عليه وتشوفني .. گتلها والله ياحبوبتي هي ناويه تزورج من يصير الها مجال گالت هالجذابه تولي تفتر الكون كله وناسيه امها وناسها واهلها تولي مااريدها وتاشر بيدهه غدي ماريدها العيارة زهروه گتلها بعد انت وياهه تنجازون هي شغلات دزتهن الج ونطيتهم لام فلاح الي هي مسؤؤله عن بيبيتي وتداريهه كيفت حبوبتي ووفرحت بالغراض وسكتت بعد ماجانت تدردم على عمتي طلعت من غرفتها تلگاني اخوي حسين سلمت عليه .. گتله وين ابوي كال طلع لديوان القبيله عدهم عراضه وفاة شيخ محسن .. عفت حسين وطلعت للبلكونه .. الي ع الشط اخذت نفس عميق .. وباوعت ع بلكونة بيت عمي صالح هو يصير ابن عم ابويه بس نكوله عمي بقيت واكف اباوع للبلكونه بلكي المح خيال ورده ريحتها اي شي شكد مشتاق الها ولااكدر انساهه ابدا .. بقيت صافن وهالمره من صدك حالفني الحظ وشفتهه .. لابسه فستان برتقالي مثل الغجريات مكركش من كلوشته ومخليه شال ع اكتافها وشعرها نازل من اكتافها بشويه وبني بلون عيونها ضحكتلي وبادلتها الضحكه حسيت ردت روحي الي الاشتياق متعب .. اكو حوض بالشط يفصل بينه وبينهم .. هي نزلت من الدرج مال البلكونه .. ومشت بالحوض الماي كان يوصل لحد بداية سيقانها رفعت فستانهه وصارت تمشي وتباوع الي وتضحك لحد ماوصلت الي مديت ايدي الها .. وكتلها ياخبله الجو بارده هيج تنزلين بالمي هسه تتمرضين ورده.... انه وحيدة اهلي عمري 18سنه تركت سنه دراسه بسبب مشاكل صحيه لان عندي مرض بالقلب .. حبيت قياد هواي بس اهلي واهله عارضو ميقبلون بسبب مشاكل قديمه .. بيناتنهم محد يعرفها .. لذلك طلبت منه ان يعوفني احسن لانتعذب ..اليوم طلعت ع البلكونه شفته واكف ع البلكون مالتهم لابس ستره كاجول وقميص ابيض وبنطرون جينز شافني باوعتله شفت عيونه الي بلون الزيتون. لحيته المحدده جسمه عضلاته كلشي بي انه متشوقه اله ماقاومت ابد نزلت بالماي ورحت اله بدون وعي خليت ايدي بايده گتله كلي شوگ الك قياد .. ممممم اعتقد احنا افترگنا مو ؟ ورده .. اي بس شوگي الك كصديق كأخ مو حلو هيج ؟ قياد ضوجتني كالت اخ وين اكو حب يتحول صداقة واخوة بطرانة هاي ناوية تعذبني كتلها ..لا محلو اعتذر تعبان توني جاي راح ادخل اغير ملابسي ورده ..اعذرني قياد هالشي اقوه مني بهواي قياد... ورده رجعي لبيتكم بس رجعي من الباب لان تتمرضين باي ودخلت .. نرفزتني حييل ليش هيج تسوي ..كاخ كصديق شنو كدامها اني حجر لو بشر .. من دخلت شفت ابويه كبالي بوست ايدي وراسه .. ورحب بيه وكعدنا .. الشيخ كريم ..قياد ابني نورت بيتك ليش طولت علينه هالغيبه يعني لو ما جاي من العمره جان هسه ماشفتك ولااجيت هالايام جاي تزغلط ولك .. قياد ... لا ياب والله مشاغل اعذرني وهي راسك ابوسه. الشيخ كريم ...يله ابني ارتاح وتغده والعصر حتى تطلع وياي للديوان .. قياد...ان شاء الله ياابه بس ليش اطلع وياك للديوان خير ان شاءالله الشيخ كريم .. انه جاي اختبركم واحد واحد حتى اكتب وصيتي حتى اعرف منو الملائم للشيخه من بعدي قياد .. يابه عمرك طويل ان شاءالله .. بس انه اعفيني منها انطيهه لاخوتي يستاهلون انه تعودت ببغداد على العيشة هناك شيخ كريم ...محد ينعفي منها وخاصة انت اريد اشوف منو منكم الحكيم ويستاهلهه اليوم العصر تلبس الدشداشه والغتره الجبته الك وتروح وياي ..شكد باقي هنا ؟؟ قياد هزيت راسي باستسلام ودنكت وجاوبته ...ان شاءالله باقي اسبوع شيخ كريم ...هذا هو هالاسبوع تگضيه يمي بالديوان وتتعرف ع مسؤؤلياتي وهسه روح ارتاح قياد ..صار يابه ..عفته وكمت وسلمت ع الباقين خواتي واخواني ونسوانهم ومرت ابوي الكبيره هوائل و الوسطانيه هيله اني كلهم اكوللهم يمه نسوان ابوي ..والاغلبيه بالبيت يصيحولي غياد مايلفضون حرف القاف مستشهد عدهم مدري شبي ههه....... بعدها صار وقت الغدا وتغديت وياهم والظهر نمت شويه .. صحيت ع صوت اخويه حسين اقرب اخواني اليه هو ابن مرت ابويه الجبيره وازغر مني بسنه .. گال يلا قياد ابوي يكول جهز نفسك .. وطلع ...كعدت تمطيت وفركت عيوني والله لهسه تعبان من الطريق .. كمت سبحت غسلت ..جيكت التليفون لكيت رسائل ومكالمات فائته من امي ورضا .. مالحك هسه ارد عليهم .. واني اصلا مطمن امي من وصلت .. فتحت الكنتور طلعت الدشداشه الي جايبها الي ابوي شفتها مت**ره صحت على رحمه اختي تكويهه الي .. وره شويه جابتهه الي لبستها جان لونها نيلي .. لبست وياهه غتره نيلي ومحدده برصاصي لفيتها ع راسي لف بدون عكال .. طلعت من الغرفه صارت بوجهي مرت ابويه هوائل ياما تعذبت ع ايدها واني طفل تباوعلي بنضرات وكانه معاجبها .. او ماتريد استلم مكان ابوي .. عفتها ورحت يم ابوي. صبو النا جاي شربنا وطلعنا .. وصللنه للديوان .. كعدت يم ابوي وكل شويه يجون جماعه عدهم مشاكل ابوي بحكمتها يحلها .. وشفت الناس شون تحترم ابوي وتقدره. .. لشويه راح تفكيري الورده ..يعني ابوي يريدني شيخ اذا رضى عني واكيد اذا صرت شيخ محد يرفض الي طلب واكدر اخذ ورده تحمست كلش رغم جنت رافض الفكره لان السيارات عشقي بعد ورده هي الشغله الي اشوف نفسي بيها بس ورده تستاهل .. اترك عشقي على مودها لان هي العشق الوحيد والاصلي .. رجعنا للبيت مرت الليله عاديه تعشينا كعدت يم ابويه ..بعدها رحت للغرفه انام خابرت رضا .. وحجالي ع البنيه الي شافها بالشارع متواصله ويا وحاجي وياهه كتله صاير غريبه افعالك دعوفها انت متزوج كال شذى زعلانه يم اهلهه تعبتني .. شكد حجيت ويا مايفيد .. عفته ع راحته ..ونمت ..كعدت الصبح ..غسلت ورحت يم ابوي وبيبيتي ..صبحت عليهم .. وكعدت يمهم ننتظر الريوك ..جابو الريوك وكعدنا تريكنه خبز التنور الحار لان ابوي مياكل اله خبز تنور .. ولازم يخبزو ويخلو كدامه ريحته طيبه وي الجاي والكيمر والجبن العرب ..والزيتون الاخضر والاسود ونلتم كلنا ونكعد كملنا اكل .. ابوي بقه كاعد يم بيبيتي وكال بعد ساعتين نطلع للديوان .. طلعت للبلكون شفت ورده .. كاعده ع الدرج الي نازل بالمي من بلكونتهم .لابسه روب قديفه جوزي وشال اسود وملغلفه نفسهه بي ومتكتفه وكاعده .ابتسمت الها وابتسمت كالت صبحك الله بالخير بصوت مبحوح مبينه مريضه .. عرفت لان البارحه نزلت بالماي .. نزلت من الدرج وصلت لاخر بايه قبل الماي وكابلتها وكعدت .. تمرضتي مو ياخبله ورده...ههههه زعلان مني مو ؟ قياد ..احد يزعل من روحه ورده ..ابتسمت فدوه الروحك قياد ..ورده ..اريدج ..ابوي عرض عليه الشيخه .. واذا شديت حيلي وهميت نفسي وصرت شيخ محد راح يكدر يمنعني من شي وراح اكدر اخذج حتى لو فصليه ورده ..هههه ضحكت ..قياد الموضوع مو يمي ومنتهي ..امي وابويه اهم شي عندي انه مااكدر اعاندهم وهم يحبوني ومدلليني اريد اافرحهم مااكدر ازعلهم .. وانت تعرف المشاكل بين امي وعمتي زهره يعني احنه هم مراح نرتاح من المشاكل قياد ..ساعديني ورده حتى تصيرين الي تره مو معجزه تصيرين الي .. بعد كل هالحب ورده ..قياد العندي گلته بس مراح اتزوج غيرك صدكني .. قياد...طمنتني من كالت مااتزوج غيرك ادري بيها تحبني وعيونها فاضحتها كتلها يلا رايح انه ورده رجعي للبيت الجو بارد وهوا الشط ابرد لتتمرضين .. ابتسمت الابتسامة الي اعشقها منها ومن عيونها .... خلص الاسبوع .. وبعد ماطلعت ع البلكون بس شفتهه تكعد تنتظرني ماردت اعذبها اكثر ويايه وادري بيها مريضه ..ودعت اهلي ورجعت لبغداد .. وصلت البغداد ..اخذتلي يوم ريست ورجعت داومت بالمعرض .ومرت الايام واداوم بالمعرض بفد يوم . طبيت للمعرض شفت رضا سلمت عليه كعدت ع كرسي مكتبي وهو كعد كبالي ع الكرسي.. رضا ..قياد اريدك بشغله قياد ..خير شكو كول خويي عيوني الك رضا..اريدك تراقب ريهام قياد ..ريهام منو هي بعد رضا...لك شبيك الي شفناهه بالشارع قياد ..ايييه ؟! رضا..ريهام ارمله وعدها طفل .. اللتقيت وياهه كم مره .. اخذتها للشقه بس مقبلت اتقرب الها قياد..صدك جذب معقوله مو انت متزوج شلك بهالسوالف هاي ماعهدتك هيج رضا لاتزعلني منك رضا ...اسمعني هسه ..تره هي شريفه اريد اتزوجها بزعت روحي من شذى ختروح تتزوج واني اتزوج ريهام واربي الطفل اخلي يصير ابني .. لان تعلقت بي هوايه ف اني اوصلها المكان بس الي اكتشفته تدخل البيت اريد اسئل ع هذا البيت شنو ... قياد ...ولك تخبلت تتزوج على شذى ولك ختى الجلب احسن منك وعنده اخلاص ووفاء كال يعني تريد تقنعني الجلب متزوج اخلاص ووفاء واني مااتزوج ريهام على شذى ؟ طاااح حظك على هالتفكير هذا ددولي شكد غثيث ولك قياد افهمني ماريد شي بس هذا الطفل ...يصير ابني بلكي شذى تقتنع وتعوفني مليت من ملحتها ومشاكلها وترى واصلة للطلاق وهسه شنو المطلوب مني اني!! بس سوي الي اكلك عليه .... ممم ماشي شوكت رضا ..اليوم اروح نسئل لان مااكدر وحدي قياد ..اوك بس تره ماانصحك تتخلى عن زوجتك تحبك وخوش بنيه ..اشرلي بايده عود تولي .. هزيت راسي بعدم رضا خلصنا شغل .. وكملنا طلعنا العصر رحنا شفنا صديق الي بنفس المنطقه ووكفنا يم البيت المطلوب وسئلنا ع البيت ضحك وكال وهو يغمز يعجبونك كناله شنو يعني كال هذا بيت دعاره حشاكم ... يتبع ‏أنضجتني الليالي التي قضيتُها وحدي وأنا في حاجةٍ لمن يسمعني أو يهتَم لأمري، الليالي التي كانت من مرارتها أيأس من فكرة أنّها ستنقضي، وأنّي سأظلُ أعيشُ في متاهاتها كثيرًا، نجوتُ منها لكن الأثر الذي أحدثتهُ بداخلي لا يُنسى لأنّها جعلتني أكبُر عن عمري الحقيقيّ بمراحل..