bc

أرهنتُ عمري

book_age16+
328
FOLLOW
1.5K
READ
drama
like
intro-logo
Blurb

كنت أسمع أطراف الحديث عن الحب

كان يقتلني الفضول

كيف يكون الشعور!

حتى التقيتك

رأيت فيك هذا المجهول..

أرهنت عمري أن أحبك ..

فما حصدت الا الخذول..

فقدت شهية الاحلام..

واستعمرني الذبول..

فأمسيت ضحيةً لرجلٌ مغرور.. منتقم .. ناقم ..مغدور

أراد اخماد جمرات انتقامهِ فلم يجد سوايَ في طريقهِ، حتى تهاويتُ قطعةٌ قطعة ..

chap-preview
Free preview
أرهنتُ عمري
#أرهنت_عمري نورا ناصر بارت ١ كنت أسمع أطراف الحديث عن الحب كان يقتلني الفضول كيف يكون الشعور! حتى التقيتك رأيت فيك هذا المجهول.. أرهنت عمري أن أحبك .. فما حصدت الا الخذول.. فقدت شهية الاحلام.. واستعمرني الذبول.. فأمسيت ضحيةً لرجلٌ مغرور.. منتقم .. ناقم ..مغدور أراد اخماد جمرات انتقامهِ فلم يجد سوايَ في طريقهِ، حتى تهاويتُ قطعةٌ قطعة .. جيت من المدرسة ، بدلت هدومي ورحت ركض للمطبخ حاسة بجوع شديد ، دخلت لگيت امي ومرة ابوي ومرة اخوي ومرة ابن عمي مشغولات ، منهمكات وجاي يشتغلن ، تلكتني امي بيدها الجفجير حضنتني ... _ هلا بنيتي شلونج جاوبتي اليوم بالامتحان؟ _ اي يمه جاوبت .. _عفية حبيبة .. _ يمه جوعانة ماصار الغده؟ _ اي صار بس يجي ابوج والولد نصب روحي هسه المطبخ حار .. هزيت راسي موافقة وطلعت من المطبخ متوجهة لغرفتي ، صارت كدامي سميحة مرة عياش ابن عمي وهيه بنفس الوكت تصير بت خالي اخو امي.. احنا بيت واحد وجبير كلنا كاعدين سوا .. جرتني سميحة وحجت بلهفة .. _ اي جيتي والله جابج تعاي كعدي يم مهند خاف يبجي اريد اروح اسبح . بدون مااحجي وجهتني لغرفتها وطببتني وراحت ... دخلت شفته يحوس ع الجرباية مالتهم ، مكمط ع النص ومطلع ايديه ، ومخلي وحدة بحلكه ويمص بيها .. اخذته من على الجرباية لحضني ، اضوج ادخل لغرفتها خاف يجي عياش فجأة اخاف منه عصبي كلش وكله عركة هيه ويا يخوف من يكتلها مايرحم .. اخذت الطفل واريد اطلع بي وعيني ع الباب وخايفة باي وكت يطب عياش ، كبل لا اوصل للباب انفتحت ودخل وتحقق الهاجس الي جنت خايفة منه .. دخل باوعلي ببرود تقرب مني وحجى وهو يباوع لأبنه _ وين امه ؟ ويأشر ع الطفل واخذه مني .. بقيت رافعة راسي اباوع اله بوس الولد على خدوده وظل يضحكله .. كتله؛ ر ر راحت تسبح وخلته يمي واريد اطلع باستعجال .. صاح عليه بصوت فززني خليت ايدي على گلبي .. كال ؛ تعاي اخذي مو جان عندج انه جاي تعبان هسه لاتخلينه يمي.. تگربت منه واخذته وانا ارجف ، وطلعت برة بسرعة اجاني صوته وراي يحجي بعصبية .. _ على كيفج لايطيح من ايدج الولد ليش مستعجلة من راكض وراج ؟ ماجاوبته ولادرت عليه وبطيت بمشيتي وحاجيته بگلبي راكض وراي جلب بعد منو؟ غير انتَ تخوف واريد اشرد منك ... اخذت الطفل لغرفتي وخليته على جربايتي وظليت العبه .. بعدهه ماصارت ربع ساعة من جية عياش وجان تكب العيطة والصياح وصوتهم عالي طالع من غرفتهم.. عياش؛- انتِ شون وياج مصرة اله تنكتلين جلدج يحكج يعني ، مو جاي تعبان بدل ماتريحيني بحجاية حلوة تنكدين عليه ؟ جاوبته سميحة ؛- مليت منك مليت اكو رجال يعزل فراشه عن مرته انتَ بهاي سوايتك شنو الي تريد توصل اله؟ جاوبها ؛- انتِ جبرتيني اسوي هيج من ورة سوالفج ، عنادج ول**نج الوصخ "واهجروهن في المضاجع " نفذت الي يكوله القران لان هاي الاية تتطبق عليج ... جاوبته بصياح ونتر ؛- لا والله كلش انتَ تعرف القرآن اصلا انتَ بهاي سوايتك صرت مثل النسوان لان بس الحرمة تعزل فراشهه .. عياش "بصياح" ؛- شنوو؟؟ شووو تعاي خل اطبطبج مو كلنه جلدج يحكج تردين كتلة .. وبس نسمع صريخ سميحة وصوت الربد .. سميحة بصياح مؤلم ؛- يبوووي عمة لحكيني كتلني المايخاف من الله ... طلعت من الغرفة للهول خايفة وارجف عبالك انه الي جاي انكتل متت من الخوف حتى الطفل عفته بالغرفة .. طلعوا كلهم من المطبخ تتقدمهم امي ووكفت يم باب غرفة عياش وسميحة .. وظلت تدك عليه وتصيح .. _ ولك عياش اتركها راح ادخل عياش عوف البنية بحالها عوفها ولك موتتها .. وفتحت الباب ودخلوا كلهم .. نزلت فخرية اخت بيبيتي من الدرج وتصفك وتكول _ الله عركة شكد اتونس ع العركات ... وظلت تغني وتهوس وسميحة كتلوها وحل حل حل .. صاحت عليها بيبيتي من جوة الغرفة ولج ام فخري شنو صاير ولج تعاليلي طلعيني من الغرفة .. فخرية اخت بيبيتي الاصغر منها ، يصيحولها ام فخري هيه مامتزوجة بس لان جبيرة احتراما الها مايصيحولها بأسمها وهيَ نص عقل .. راحت تركض لغرفة بيبيتي ، كلتلها كومي لايفوتج عياش كتل سميحة امشي خلي نتفرخ بلله شسوة بيها وشنو **ر منها ايد رجل شلع عينها **ر سنها ... طلعت بيبيتي وام فخري وبنفس الوقت طلعت سميحة لازمتها امي وتمشي بيها ، مكفشة ومزوركة .. وامي تدعي على عياش وتتحسب عليه وسميحة تون وتسب وتغلط بي .. خليت بيبيتي دخلت لعياش تحجي ويا وتعاتب بي ورحت ورة امي وسميحة لغرفتي دخلن .. وهم زين الطفل ساكت مايبجي .. امي ؛- صدك جذب سميحة يومية على هالاسطوانة المجروخة هاي ، عزل فراشه يولي شعليج منه طبه طووب عليج بابنج انتِ اعتبري ماموجود .. سميحة بنحيب؛ - عمة دزي على ابوي يجيني عمة اريد اتطلك مابقى ويا هذا الوحش ما ابقى .... _ لا شنو ادز على ابوج تردين تسوين مشاكل كعدي وسكتي هو قابل جديدة عليج هاي الكتلة شو من ورة العرس بشهر انتوا هاي طلايبكم ، استهدي بالرحمن وبس يجي الشيخ انه اخلي يطيح حظه .. دخلت ام عياش وبيبيتي وفخرية .. بيبيتي وفخرية كعدوا ع الجرباية ، ام عياش اجت وكرفصت كبال سميحة وصارت تباوعلها وتحجي وياهه .. _ لج عيني عليمن هالمشاكل كل يومية ، ماتكليلي رجلج جاي تعبان اتلكاه بچلمة حلوة بحجاية زينة هو يصير خاتم بيدج .. جاوبتها سميحة وبعدها نبرة البجي مسيطرة على صوتها المتحشرج .. _ عمه جاي اكلج عزل فراشه عني من كبل لا اجيب مهند عزل روحه مني شون ترديني اسكت شلون .. وتض*ب على فخذهه ... فخرية ؛- فراش فراش هذا الهامجن بس الفراش خايبة كون اجيب صطل ماي بارد واكلبه عليج بلكي اخمد حرورتج عفية نسوان اخر وكت مايحترمن زلمهن علواه انه معرسة جان هسه عين غطا وعين فراش لرجلي ادارييه مثل الماي بالصينية .. بيبيتي تجاوب فخرية ؛ - سكتي فخرية البنية غادية نار وتوهه مكتولة لاتحطين روحج بالنص مو وكت شقاج المصخم .. ام عياش بضحكة ؛- خيبة ام فخري هسه انتِ لو معرسة جان حالج مثل سميحة وارده بعد من حالها.. كامت عليها حيلها فخرية وكالت ؛- ياااع انه مثل سميحووو لا والله مو مثلها جا اخلي رجلي ابطن عيني بس هو وينه محروك الصفحة الي سنين اتاني مالفه ادور على حظي مدري بيا خيسة نايم ... ام عياش ؛- يلله يمه سميحة اخذي وليدج وروحي طيحي على رجلج واطلبي منه السموحة ومنا وجاي صيري ويا زينة انتِ بعد هسه صار عندج جاهل خطية موزين العركة يم راسه .. ام ميسم ؛- لا عيني ام عياش لا ، لا تروح ولاتوصل شوفي شسوة بيها المايخاف من الله زوركها تزورك اذا اجو اهلها على غفلة شاريد اكل لخوي انه ، على عمايل ابنج السودة المصخمة شدعواه هو هيج عصبي وعيونه براسه شكلتله هيه وهيج كبب .. ام عياش ؛- صيري واسطة خير خية ام ميسم ولاتهجمين بيتهم خلي ترد لغرفتها وتصير ادمية وتحترم رجالها عياش ابن شيوخ ومتربي بالديوان بين الزلم شون يرضاهه مرته تكله انت بحسبة حرمة وتكعد تشبهه بالنسوان ؟ ام ميسم ؛ - انتِ ابنج وماترضين عليه وانه بت اخوي وماارضى عليها وماطول هيه تزوجت هنا وانه واسطة زواجها لازم اباريها وخلي يجي الشيخ ابو حاتم وانه احجي ويا .. ام عياش توجه كلامها للحجية ام الشيخ عزام ؛ - عمتي الحجية احجيلج جلمة ؟ الحجية ام عزام ؛- خليها هنا ياام عياش جا تردينها تروح يمه حتى تكب العيطة مرة ثانية جا والله هالمرة يجنزهه تجنز وهيه ماتكعد راحة ول**نهه اطول منها خليهه وانه بعدين هم احجي وي عياش وانتِ صباح لاتجيبين سيرة للشيخ خليها بيناتنه احسن .. ام ميسم ؛- اي بس عمة الشيخ لازم يدري مايصير هالمهزلة هاي شوفي شسوة بيها.. فخرية ؛- شسوة بيها ؟شسوة بيها! كلساع وكلتي شسوة بيها شو لا كاسر الها سن لاشالع الها عين ولا كاطع الها رجل هو جم بو**ي على جم جلاق وهسه تكوم مثل ا****ر جنها البخت عليمن مسويتهه علينه قصة .. ام ميسم ؛- اي حقج ماضايكته جان ماحجيتي هيج .. فخرية؛- اخخخ كون اضوكه ... وتعض شفتها السفلية جان ابوس ايدي وجه وكفه .. ام ميسم ؛- عيب عيني ام فخري مو كدامج ميسم طفلة عيب هالحجي ، ماتحجين وياهه عمة .. ام عزام ؛- ام فخري طلعي برة جفينه شرج يلله .. سميحة؛- اي طلعي طلعي موتيني انجان ماتعورت من كتل عياش جاي اتعور من حجيج الي يسم البدن سم .. فخرية؛- دولي ام ل**ن تتعزز موزين من صحلج رجل غمتها وطلعت .. ام عزام؛- ماعليجن من حجي فخرية تدرن بيها مو بعكلها وانت ياصباح مثلما وصيتج خلي البت هنا يمج وعياش انه احجي ويا وافهمه هو ياخذ حجايتي .. هزت امي راسها بدون قناعة ، بعدها طلعوا كلهم بقت بس سميحة ظل يبجي ابنها ماقبلت تاخذة ومصرة تروح لبيت اهلها اخر شي لفت راسها ونامت وبقى ابنها يبجي يريد يرضع .. امي ؛- ميسم روحي سويله ممه .. _ اي بس هو مايشرب الممه انه شايفتها اكثر من مرة تخليهه بحلكه مايريدهه .. _ ميخالف جربي ماخسرانة شي مدام هو جوعان هسه ياخذهه .. _ خوش .. رحت سويت اله ممه وجبتها خليتها بحلكه ماقبل ياخذهه هرج الدنيا بالبجي .. سمعت صوت الباب تندك وعياش يصيح ورة الباب ... شبي مهند يبجي ؟ باوعت امي مهي وسميحة متلفلفة ونايمة وانه اخاف واستحي من عياش شون اطلعله ، اجه ي**ر الباب من الدك .. لحظات وفتحها خلاني اطفر من السرير وبيدي مهند شافني خزرني حجه بعصبية ؛- شبيج ماتجاوبين مو جاي اصيح؟ شبي مهند ولج؟ ظليت واكفة كباله وبيدي مهند وارجف خوف منه اريد اطلع الحجاية ماتطلع .. ماتاناني احجي خذاه من ايدي وخمط الممه بسرعة من الجرباية ، باوع لسميحة وكال .. _ نايمة!نومة اهل الكهف نومة بليه كعدة كون .. غماهه وطلع .. ظليت اضحك على سميحة ياهو اليجي يغمها ويطلع اول شي فخرية وهسه عياش ، زين انه سامعة روحة بلا ردة ، نومة بلا كعدة منين جايبها ... مرت دقايق طلعت من الغرفة وصلت لنص الممر انفتحت غرفة عياش وطلع منها ... كال ميسم .... التفتت عليه عين ع الكاع وعين عليه .. ناوشني الممية .. كال هاج غسليها وفوريها ورجعيها يمي بالغرفة وجيبي قوطي الحليب وياج خلي يمي .. مدري منين طلعت فخرية ظلت تهز بيدها وتحجي .. _ تهي بهي ابن الشيوخ صاير دادة ويخض مميات .. عياش ؛ - مو احسن من الفختية لا شغلة لاعملة لاصوت بي خير لا جهرة حلوة .. حجت بنبرة عصبية؛- انجب واحترم نفسك انه حسبة بيبيتك ، لك انه فخرية فخر واسمي عليه .. جاوبهه ببرود؛- والله الي يدك الباب يلكى الجواب .. _ روح روح سوي ممه لابنك حلوة هايه من الديوان مالة الشيوخ للمميات .. _ هو انه المن مسوي لواحد من الشارع غير مسويهه لابني يا بيبي فختية أ أقصد فخرية.. _ والله ماتنلام بيك سميحة حييل بيك مطلعتلك كلب بصف كلبك تستاهل الخبيثون للخبيثات .. _ الخبيثون للخبيثات ها؟ اشوفج مامتزوجة لان لهسه مالاكية الخبيث الي يناسب خباثتج . والتفت عليه كال ولج ميسم بعدج واكفة؟ من خوفي طكيتها ركضة من الممر وعبرت الصالة ورحت للمطبخ كله ركض ، شاف*ني امي .. كالت ؛- ها شرب الممية واخيرا.. جاوبتها؛-لا هذا عياش خذاه وشربه وهسه كلي غسليها وجيبيها .. لوت شفتها وحجت؛- خوش والله وهم يتأمر الافندي .. اجت ام عياش ؛- خذت الممة من عندي كالت جيبي انه اغسلها عجز خو ما عجز .. ام جاوبتها ؛- على كيفج ام عياش شبيج شدعوة سبينه العنب خو ما سبينا يا جلمة ردي لمكانج .. فخرية بلحظتها توها داخلة كعدت على الكرسي وحطت رجل على رجل وكالت ؛- الله وناسة اليوم وين ما اروح عركة .. شافتهم ماتعاركوا وام عياش سكتت ورادت تطلع من المطبخ .. كالت ؛- يلله شبيجن مو حضرت روحي للعركة تمالخن تكافشن خل نتونس شبيجن .. جاوبتها امي؛- وعليمن نتعارك ماتسوة .. رحت انه تبعت ام عياش واخذت الممة منها وانه احجي .. _ لا لا عمة انه اغسلها واالله ... كالت ؛- فدوة شكد حبابة انتِ لو عندي ولد ثالث جان خذيتج اله وكرصتني من خدي .. ابتسمت وانه افرك مكان الكرصة وبداخلي اكول مو هالله بالله اغسلها اخاف من عياش خاف يخزرني اذا درى ماغاسلتها اموت من خزراته .. غسلت الممية وعقمتها باوعت لام عياش ماموجودة دورتها شفتها جاي تصلي ، وانه بيدي قوطي الحليب والممية اريد احد يوديهن لعياش بغرفته استحي اوديهم انه .. طبيت لغرفتي وعيت سميحة .. _ سميحة سميحة كومي ودي الممة والحليب لابنج .. كامت مخروعة خزرتني وتغطت مرة الثانية وحجت من جوة البطانية ولي عني انعل ابني لا ابو ابني .. تافأفت وطلعت من الغرفة ، شفت فخرية بالهول كاعدة كتلها بيبي روحي ودي الممية وقوطي الحليب بغرفة عياش .. خزرتني وكالت بيبي شنو اشايف*ني هازة كاروك ابوج هو انه بعمر ابوج كولي عمة افتهمتي ! _ افتهمت بس وديهن .. _ ولج لو ما كبل شوية تعاركت ويا كدامج وخري وخري .. اووو هاي شون سالفة ، فكرت خلي اجازف واروح توجهت لغرفته فتحت الباب على كيفي وطليت شفت الغرفة شوية ظلمه الضوة مطفي وبس مهند بالغرفة عايش ماهوه ، خليت القوطي ع الدولاب وطلعت بسرعة .. للظهر اجه ابوي وصبينه الغدا النسوان وحد والزلم وحد .. خلصنا الغدا وانه رحت للغرفة ، كعدت سميحة وامي جابت الها غدا وكعدت تتغده وامي يمها تحجي وياها تصبر وتتحمل ول**نها تضبه مهما يكون عياش رجال ومايقبل تتجاوز عليه .. ورة نص ساعة طبت فخرية تضحك .. كالت ؛- سميحة الشيخ يريدج .. لطمت امي على فخذهه وكالت ؛- الله اكبر يا فخرية رحتي حاجيتي الشيخ ع العركة .. فخرية ايديها على خصرها وحجت باحتجاج ؛- اي جا شني لازم يصير عنده علم بكل شي .. _ مرة ورجال بيناتهم تعاركوا انت شعليج تتدخلين .. _ اريده يحل السالفة .. _ ياسالفة الرايدتلهه حل شو انتي لا تحبين سميحة ولاتحبين عياش وتموتين ع المشاكل وتتونسين بيهن .. كبل لاتجاوب فخرية كامت سميحة على حيلها حطت حجاب على راسها وكالت ؛- اي انه لازم احجي ويا الشيخ خلي يحط حد لابن اخو مايصير كل مرة يكتلني .. طلعت سميحة ووياهه امي ، بقت فخرية ظلت تأشرلي كالت ؛- كومي يردونج تشيلين الطفل بالهول .. حجت هيج وطلعت كمت وراهه ورحت للهول وهم مجتمعين بالديوانية .. وصوتهم يجيني .. الشيخ عزام بحدية؛- شصار بيكم ماتكوليلي جهال انتم؟ ماصار الكم سنتين من تزوجتوا ومشاكلكم ماتخلص عيب عليكم استحوا شوية صار عدكم ولد لخاطيره اهجعوا .. سميحة بصوت عالي ؛- عمو ترة هو قاطعها عياش ؛- نصي صوتج واحجي عدل هيه انتِ الخبلة ام ل**ن .. الشيخ عزام ؛- اسكت انتَ ولك .. عياش ؛- صار شيخي .. _ كملي بوية اسمعج .. _ عمو ترة والله مايصير شوف وجهي شون زوركه تزورك !حرام عليه هيج يكتلني انه ابيت اهلي مامكتولة هلكد وانه هم بت عالم وناس وعندي اهل ويكدرون يوكفو عند حده .. رد عياش ؛- جا صيري ادمية وجري عدل ول**نج الطويل دخلي بحلكج وال**ي ولاتتطاولي على تاج راسج ماتنكتلين . الشيخ عزام ؛- عياش مو كتلك اسكت خل نحجي .. عياش ؛- صار شيخي على امرك . الشيخ عزام ؛- بنيتي ام مهند هو الرجال شيريد غير الاحترام ، احترمي ولا تمدين ل**نج عليه انت بنت عالم وناس وهم مو حلوة بحقج ديري بالج على زوجج هو هم يداريج .. عياش؛- هيه خلي دير بالها على ابنها هذا الطفل مو مخليته نهار كله عند ميسم هاي الطفلة هيه ميسم يراد واحد يداريها .. ميسم ... لا ياخبيث ياعياش انه طفلة؟ لعد مدام طفلة ليش تتأمر عليه والله يتأمر عليه اكثر من اخواني حاتم وحازم ، دومه جيبي هذا ودي ذاك ماعبالك عنده مرة ولو هيه شنو مرة نهار كله عركة ويا .. حجيت بكلبي خذيت مهند ورحت لغرفتي نومته وطلعت دروسي اقرا .. سميحة بعد مارجعت لغرفتي والظاهر راحت يم عياش وتصالحوا! للعصر طلع ابويه وعياش واخواني وراحوا كالعادة للديوان والبقية على اشغالهم ، اجه خالي ابو سميحة ، سلمت عليه ورجعت للغرفة ورة ربع ساعة طلعت اشوف سميحة لابسة عبايتها وبيدهه جنطتها .. وامي واكفة تحجي وياها .. _ روحي ويا ابوج وارتاحيلج جم يوم من يجي عياش انه اكله امها مريضة كلش وتعبانة اجه ابوها اخذها وانتِ هم نصيحة مني لاتحجين لابوج واخوانج على عركتكم تدرين بيهم اعصاب وكل شي يصير خلي مشاكلج ويا رجلج بعيد عنهم احسن .. جانت سميحة واكفة وتعدل بعبايتها وبس تهز براسها بقبول والظاهر على هيئتها عدم الاهتمام بكلام امي واكو شي براسها وتريد تسوي . تناوشت مهند من امي وامي وراها تمشي لحد ما طلعت من الممر وراحت لخالي اخذها وراح لبيتهم .. المغرب دخل عياش علينا للمطبخ وسأل بعصبية ؛- سميحة وين ؟ امي ؛- اجه عليها ابوها اخذها وراح امها مريضة وراحت تشوفها .. عياش بصياح ؛- وانه شنو طرطور وماتكلي موليه جاوبته بصوت عالي ؛- على كيفك صوتك لاتعلي عليه افتهمت انه مرة عمك واكبر منك .. _ كل الخراب من حدر راسج ، انتِ الي توزينها ومشيختها عليه .. _ احترم نفسك شنو من بشر انتَ هاي فوك ماكتلتها زوركتها وورمتها وهم الك عين تحجي . _ وا**ر راسها واذ*حها همين فد وحدة صلفة ومامترباية وماتحترم . _ ما اسمح الك تحجي على تربية اهلي خووش؟ حدك لهنا وبس شوف روحك منو تكدر تتكايش وياك طايح الهه كتل ؟ ام عياش ؛- صلوا على محمد شبيكم .. عياش ؛- يمه كلتلج من ولت لو لا ؟ ام عياش ؛- يمه انه العصر ماجنت هنا رحت اشوفك اختك زينب .. عياش؛- لعد برخصة منو طلعت ها ماتكلولي ! صباح ؛- برخصتي انه عمتها اخت ابوها ومرة عمك الشيخ والبت راحت ويا ابوها مو وحدهه .. دخلت بيبيتي للمطبخ تمشي وبيدهه عوجيتها تلكتها فخرية .. حجت باذنها بصوت شبه مسموع ومن بين اسنانهه ؛- لحكي حجية تعاركوا تمالخوا واحد طك الثاني لين سميحة شردت شردتها صباح .. جاوبتها ؛- سكتي فخرية وخليني افتهم منهم .. ميسم ... انه كلش خفت من صوتهم العالي واشوف عياش قمة بالعصبية عيونه مخنزرهم وايديه مكورهن وعبالك مخليهن بوضع الاستعداد يحجي ويصيح وراسه يهتز وخصلات شعره تطيح على كصته .. ركضت من المطبخ واشوف فخرية هم طلعت من المطبخ وراحت لابوي واسمعها تكله؛- الحك شيخ الحك .. الشيخ ؛- ها ام فخري شنو شصار ؟ _ عياش وصباح تعاركوا ، صباح شمرت الجفجير على عياش وعياش راح يكتلها . انه من سمعت حجيهم خفت تكبر الشغلة رحت بسرعة لابوي وكتله لا يابه والله امي ماشمرت الجفجير . ابوي ظل يباوعلي وابتسم ونظراته توحي ان هو يعرف بفخرية تهول وتكبر الامور وتسوي من الحبة كبة . راح ابوي للمطبخ وانه اريد اتبعه حسيت انجريت من اذني جرة قويه وصار صوت فخرية قريب مني تجر باذني وتحجي .. _ ولج طايحة الحظ انه تجذبيني كدام ابوج اشلعها ذانج هسه .. خلصت روحي منها كووة وركضت ورة ابوي .. سمعته يحجي بصوت عالي ومعصب ؛- كافييي ماتملون ماتشبعون من المشاكل هالبيت اله حرمته ماريد اسمع صوت نفس واحد منكم .. لك عياش احنه الى متى شعواطتنا گايمه وصوتنا طالع هاي واحنه شيوخ وما عدنا امان بيتنه شلون ولك نحافظ علئ أمن العشيرة .. عياش ؛- اسمع عمي ترضاهه مرتي بدون علمي وتروح لاهلها ومرتك الي مطلعتها ، طلعت روحي تردون انتحر اشمر روحي من الجسر انه رجال غيور ومتملك مرتي اريدها بشوري مو بشور النسوان . بس مو صوج مرتك الصوج بالقندره العندي ما تصدك واحد يكلها روحي وطارت ...الله يطير عمرها ويخلصني منها. الشيخ...ولك بوويه عياش مرتك طلعت بإذني مو بإذن النسوان انه كلتلها. روحي عياش؛- شنوو ويمته صار هالحجي . _ ماعليك هسه الوضع مايستاهل وانه حاسبك الجبير من بعدي بهذا البيت تهدا بويه تهدا ، مو بالصياح تنحل الامور ويله روح لغرفتك وباجر روح على مريتك جيبها وفضت راحت . عياش؛- والله ولا اجيبها خلي يلفيها الي اخذهه من بيتي بدون مايسأل .. وطلع عياش من المطبخ وهو معصب وينفخ.. وابوي صاح لامي بعصبية وطلع وهيه تبعته ووكفوا بنص الممر وانه واكفة ابباب المطبخ وخايفة واشوف ابوي معصب. اندار على امي وبدت ملامحه تتحول للعصبية وصاح _ ام ميسم ليش خليتي البت تروح ؟ امي جاوبته ؛- ابو حاتم اسمعني البت اجه عليها ابوها وراحت امها مريضة وراحت تشوفها . رد عليها بنبرة عصبية ؛- شنو ولج طراطير ..مو زلم تتصرفين من كيفج ..انه شيخ وانتي مرتي لازم تكونين قدوه للنسوان مو انتي تحرضيهن على فعل الموخوش هذا شون حجي يا صباح غير تاخذين رخصة رجلها يله تخلينها تطلع ! تريد تحجي امي قاطعها ابوي بحزم . _ لا تحجين كافي انتِ غلطتي هذا الشي خطأ المفروض تكضينها وماتخلينها تطلع وتدرين علاقتها ويا رجلها متأزمة تكومين تحطين ع النار نفط وتشعلينها قسما بذات لله هل مره صارت مرة ثانية اكطع السبحه علئ راسج .. امي ؛- لا والله ابو حاتم ... _ كافي ما اسمعلج حس ، اي شي يصير انتِ مسؤؤلة وانه ماغطيت عليج من كتله طلعت بشوري لا غطيت ع البت وحتى لا تكبر المشكلة. دنكت امي راسها وضايجة وابوي عافها ويفر بالسبحة بعصبية ، امي راسا توجهت لغرفتي وانه ركض وراها واسمعها ظلت تدردم .. _ ساعة السودة من خطبت سميحة العياش الحقير ساعة السودة ابو المشاكل ، شجاني شصخم وجهي . وتصفك ايد بايد ، رحت تقربت منها وحضنتها وظلت الليل كله يمي ضايجة ونامت وكت .. *** يوم ثاني بالضبط العصر جنه كاعدين بالهول انه وامي .. وجان تندفر الباب بقوة ويطب عياش ... كمنا على حيلنا مخروعين انه وامي .. باوعنا اله جان مدمى وشكله يخووف دگُم قميصه كلهن مفتحة وهدومه مشگگه عليه .. بقينه مصدومين منه وعلى صوت صياحه الي هز البيت هز وهو يتقدم صوب امي ويهد _ اليوم احرك عشيرتج كلها من اكبر واحد لاصغر واحد ... وطب جوة يركض ورة ثواني طلع وبيده السلاح .. يتبع .. هلاو حبايب اشتاقيت الكم كلش هواي اريدكم تصبرون عليه بهاي القصة لهسه تعبانة من جبروت الحنين الي طولت ٣ اشهر استهلكت قوتي كلها لذلك خاف اتاخر عليكم راعوا ضروفي لان هواي هواي تسالون عن هالقصة ومحبيت اخليكم تنتظرون لاني احبكم ❤ .. النشر بين يوم ويوم ..

editor-pick
Dreame-Editor's pick

bc

معشوقتي

read
1K
bc

فتاة انحنت من اجل........الحب

read
1K
bc

أنين الغرام

read
1K
bc

جحيم الإنتقام

read
1.7K
bc

رواية " معذبتي “ لنوران الدهشان

read
1K
bc

بنت الشيطان

read
1.7K
bc

عشق آسر. (الجزء الثاني من سلسلة علاقات متغيرة ).

read
2.5K

Scan code to download app

download_iosApp Store
google icon
Google Play
Facebook