Kinben I

Bola 22

IBANG-IBA ang atmospera kinabukasan sa practice ng CISA Varsity. Kompleto ang lahat at aktibo sa paglalaro. Balitang-balita nga kaagad sa school ang una nilang panalo. Marami ang nagulat at marami rin ang hindi bumilib lalo pa't isa ring mahinang team ang kanilang tinalo. Ngunit kahit ganoon, may ilan din namang natuwa lalo pa't achievement iyon ng team at school.

Shooting, drills, passing at one-on-one plays. Ilan lang ito sa ginagawa ng mga players sa loob ng maliit na covered court ng CISA. Naroon din sa gilid ang ilang mga estudyante na nanonood.

Si Ricky? Patuloy lang ito sa pagtakbo nang pabalik-balik. Tumatakbo rin ito ng paikot sa loob nang walang tigil. Kung titingnan ay parang hindi siya player ng varsity kundi isang runner. Ito palagi ang ginagawa niya sa tuwing may practice s