الفصل الأول

4761 Words
انا اسمى دياب من الاقصر ... المفروض انى من عيله كبيره هناك بس للاسف عيلتى مقطعانى لاسباب انا مليش أى ذنب فيها .... ولما تعرفوا حكايتى هتعرفوا ان كل الاسباب دى مجرد سراب فى عقولهم انا هحكيلكم حكايتى من الاول : انا دياب عبدالرحمن ... ابويا يبقى المهندس عبدالرحمن عاصى هو سبب المشاكل اللى بينى وبين عيلتى • من سنين كتير .... يوم ما ابويا اتخرج من كلية الهندسه جدى عمل ليله كبيره وعلق الدبايح والناس جات من كل حته تبارك لجدى .... وبعد الليله ماخلصت بكام يوم ابويا كان قاعد مع جدى جدى : نويت على ايه يابنى فى مستقبلك ابويا : فى مشروع فى دماغى كده بس محتاج فلوس جدى : مالكش دعوه بالفلوس دى خالص وقولى مشروعك ابويا : بصراحه ياوالدى انا مش عاوز اشتغل عند حد ويتحكم فيا جدى : امال عاوز ايه ابويا : انا طول فترة الدراسه كنت بشتغل فى مكاتب المهندسين والشركات من غير مرتب علشان بس افهم الشغل كويس واشربه علشان يوم ما اقرر اعمل مشروع ابقى فاهم كويس انا داخل على ايه جدى : طول عمرى بقول عليك ناصح وفاهم مش زى اخواتك البهايم اللى ماحدش فيهم فلح فى التعليم ودلوقتى يادوبك شغالين فى الارض والزرع ابويا : علشان كده بعد اذنك يا ابويا انا قررت افتح شركة مقاولات صغيره كده ابدأ فيها وبعد كده تكبر وتبقى شركه كبيره جدى : عين ال*قل يابنى .... قولى بالظبط محتاج ايه وانا ادبرهولك ابويا : انا محتاج شقه محترمه كده فى الاقصر ولو بالايجار الاول اعملها مكتب ومحتاج اشترى قطعتين ارض وابنى عليهم عمارتين وبعد كده انقل المكتب فى شقه هناك ونبدا الشغل الصح جدى : خلاص ياسيدى من بكره تدور على شقه تعملها مكتب وبالمره تشوف الارض اللى عاوز تشتريها علشان تبدأ شغل على طول ابويا : ربنا يخليك ليا يا حج ومايحرمنى منك جدى : انت بس تطلب وانا احققلك كل اللى بتتمناه ابويا : فى حاجه تانيه عاوز افاتحك فبها بس م**وف جدى : لا وانت وش **وف اووووى ياخويا قول عاوز ايه ومن غير **وف ابويا : انا عاوز اتجوز جدى : هو ده الكلام ابويا : يعنى انت موافق ياحج جدى : يابنى انا مستنى اليوم ده بقالى كتير .... وعلى العموم انا كلمت عمك علشان تاخد بنته وهو وافق ابويا : بس انا مش عاوز بنت عمى جدى : انت بتقول ايه ابويا : انا عاوز اتجوز واحده تانيه جدى : ومين دى اللى انت عاوز تتجوزها ابويا : ابتسام بنت عم مطاوع جدى : مطاوع اللى بيشتغل عند اولاد الجارحى ابويا : ايوه هى جدى : انت اتجننت .... بقى تسيب بنت عمك بنت الاصول والاكابر وتروح تتجوز الخدامه بنت الخدام ابويا : ماتقولش عليها كده يا ابويا ... ابتسام عمرها ماخدمت فى البيوت والفقر مش عيب جدى : انا قولت كلمتى ... انت هتتجوز بنت عمك والفرح الشهر اللى جاى ابويا : انا مش هتجوز غير ابتسام جدى : هت**ر كلامى ابويا : ماعاش ولا كان اللى ي**ر كلامك ياوالدى .... بس انا بحب ابتسام وهتجوزها جدى : يبقى خلى مطاوع يفتحلك الشركه اللى انت عاوزها ابويا : يعنى ايه جدى : يعنى تنسى اى مشاريع وتبقى لا ابنى ولا اعرفك ابويا : بس ده ظلم جدى : هو ده اللى عندى ... فكر فى كلامى واحسبها • ابويا ساب جدى ودخل اوضته .... وبعدها جدى خرج من البيت وراح لبيت مطاوع جدى : ايه اللى انت بتعمله ده ياراجل انت مطاوع : عملت ايه ياحج جدى : انت هتستعبط ولا هتعملهم عليا .... انا مش جيتلك الشهر اللى فات وقولتلك انى عاوز اتجوز بنتك ابتسام مطاوع : ايوه بس انا قولتلك ان البنت مش موافقه وانا مقدرش اغصب عليها فى حاجه زى دى جدى : طبعا ماتقدرش تغصب عليها لانكم لفيتوا شباكم على ابنى مطاوع : ايه الكلام اللى انت بتقوله ده ياحج عاصى جدى : عبدالرحمن هيجيلك علشان يطلب ايد بنتك لازم ترفضه مطاوع : وافرض البنت موافقه ا**ر قلبها جدى : ت**ر قلبها احسن مايتقطع عيشك وتشحت مطاوع : الارزاق مش بايدى ولا بايدك ... دى بايد ربنا جدى : يعنى ايه مطاوع : يعنى اعلى مافى خيلك اركبه جدى : هتندم يا مطاوع مطاوع : اطلع بره يا عاصى جدى : عاصى حاف ياكلب .... وقام ض*ب مطاوع بالقلم .... والاتنين مدوا ايديهم على بعض وجدى خرج من البيت وهو بيهدد مطاوع بقطع عيشه • نرجع عند ابويا كان حابس نفسه فى الاوضه ومش بياكل ولا بيشرب علشان يضغط على جدى لكن جدى ماتهزلوش رمش ونفذ تهديده وقطع عيش مطاوع من شغله ومطاوع اخد مراته وعياله وراحوا عاشوا فى قريه تانيه وابويا اول ماعرف باللى حصل لم هدومه وساب البيت وراح اشتغل فى مكتب مقاولات فى الاقصر واتاجر شقه هناك وبعد الامور ما استقرت بيه .... قرر يروح يخطب ابتسام وبالفعل اتخطبوا وبعد الخطوبه بشهرين ابويا كان بيزور ابتسام فى البيت ابتسام : مالك ياعبدالرحمن فى ايه شكلك متغير كده ابويا : الحاله داقت على الاخر يا ابتسام وشكلها مش هنعرف نجوز السنه دى ابتسام : ليه فى ايه حصل ابويا : بقالى اكتر من شهر ونص كل ما اشتغل فى حته ابويا بيعرف وبيخلى صاحب الشغل يرفدنى ابتسام : طب والحل دلوقتى ابويا : فى واحد صاحبى من ايام الجامعه كلمته وجابلى شغل فى شركه كبيره فى القاهره ابتسام : هتسيبنى ياعبدالرحمن ابويا : لا طبعا مش هسيبك .... انا هسافر اظبط شغلى واتاجر شقه واظبط اوضاعى هناك وبعد كده هاجى اخدك ونعيش هناك لان خلاص ماليش عيش فى البلد هنا بسبب ابويا ابتسام : اللى انت شايفه صح اعمله .... بس هتغيب عنى قد ايه ابويا : شهرين او تلاته بالكتير اظبط اوضاعى ابتسام : تروح وتيجى بالسلامه ابويا : بس عاوزك تسامحينى فى حاجه ابتسام : خير ياعبدالرحمن ابويا : انا كان نفسى اعملك فرح كبير الناس تتحاكى بيه بس الظروف اللى احنا فيها دى مش هقدر اعملك فرح ابتسام : وانا مش عاوزه فرح .... انا مش عاوزه غيرك انت بس ابويا : تسلميلى .... وفى المستقبل لما الظروف تتعدل هاخدك ونسافر اى حته نتفسح ابتسام : انا مش عاوزه فسح ولا فلوس ... انا عاوزاك انت وبس • وسافر ابويا القاهره واستلم شغله واتاجر شقه كويسه هناك وفرشها على قد الحال وبعد كده نزل البلد واتجوز ابتسام ورجعوا القاهره وعاشوا هناك وبعدها بكام شهر ابتسام حملت وكان نتيجة الحمل ده انا ومرت الايام لحد ما بقى عندى 3 سنين كنت بلعب مع ابويا وامى ابويا : فى موضوع مهم كنت عاوز افاتحك فيه امى : خير يا عبدالرحمن ابويا : معروض عليا انى اسافر اشتغل فى فرع الشركه فى الامارات امى : طيب حلو ده .... كده ظروفنا هتتحسن ابويا : بس فى مشكله امى : خير ابويا : لو سافرت مش هقدر اخدكم معايا لان مافيش فى الشركه سكن للمتجوزين امى : يعنى هتسيبنا وتسافر ابويا : علشان كده بفكر انى اعتذرلهم فى الشركه .... انا مقدرش اعيش من غيركم انا ولا ليا صاحب ولا اى حد غيرك انتى ودياب امى : بس الفرصه دى ماتتعوضش ابويا : لا الفرصه ممكن تتعوض لكن انتى ودياب اللى ماتتعوضوش ومقدرش اسيبك فى الظروف دى هبقى قلقان عليكى امى : يعنى هتعمل ايه ابويا : هعتذرلهم فى الشركه وخلاص وخلينا عايشين مع بعض امى : اللى انت شايفه صح اعمله .... فى موضوع تانى مهم عاوزاك فيه ابويا : خير فى أيه امى : انا شايفه دياب لوحده وعاوزه اخاويه ابويا : احنا مش اتكلمنا فى الموضوع ده قبل كده وقفلناه وخلصنا وقولنا مفيش حمل تانى خلاص امى : اسمعنى بس ياعبدالرحمن ابويا : لا مش هسمع .... انتى ناسيه كلام الدكتور .... اى حمل فيه خطر على حياتك امى : الدكاتره بتهول وخلاص ماتاخدش على كلامهم ابويا : لا مش بيهولوا .... انتى قلبك ضعيف جدا ومش هيستحمل واحنا ماصدقنا ان صحتك مستقره اليومين دول تقومى تقولى عاوزه تخلفى .... انتى ناسيه التعب اللى تعبتيه فى دياب امى : علشان خاطرى ... انا مش عاوزه دياب يعيش وحيد ابويا : ياستى بكره يكبر ويتجوز ويخلف 10 عيال مش عيل واحد امى : ياترى هعيش لحد ما اشوفه عريس كده قاعد فى الكوشه مع مراته ابويا : هتعيشى لحد ماتجوزيه وتفرحى بعياله امى : حاسه انى مش هشوف اليوم ده ابويا : كده عاوزه تسبينى لوحدى .... طب انا اعيش لمين بعدك ده انا اموت على طول امى : هتعيش لابنك وتكبره وتعلمه وقوله انى كنت بحبه اوووى ابويا : ابوس ايدك بلاش الكلام ده انتى هتعيشى لحد ماتفرحى بيه امى : ياريت • بعدها بسنتين امى تعبت جامد واتوفت ونزلنا البلد دفناها هناك وبعد الجنازه با اسبوع ابويا اخدنى وراح لجدى علشان يصالحه جدى : ايه اللى جابك هنا ابويا : جاى علشان اصالحك يابويا .... هنفضل مخا**ين بعض لحد امتى جدى : ماتقولش ابويا دى تانى ... انت ولا ابنى ولا اعرفك ... وايه اللى انت جايبه معاك ده ابويا : ده دياب ابنى وحفيدك جدى : ده مش حفيدى .... ده ابن الخدامه ... خده واطلع بره ابويا : انا كده عملت اللى عليا وجيت علشان استسمحك بس انت اللى رفضت اوعدك انك مش هتشوف وشى تانى ... مع السلامه يا ابويا • واخدنى ابويا ورجعنا القاهره تانى بس طول ما احنا قاعدين ابويا حزين حتى وهو بيلعب معايا دايما شايفه حزين ومش مبسوط .... وفى يوم كنت قاعد وابويا جيه يتكلم معايا ابويا : عاوز اتكلم معاك فى حاجه يا دياب انا : فى أيه يا بابا ابويا : ايه رائيك نسافر انا وانت انا : نسافر فين يا بابا ابويا : هنروح بلد تانيه ونعيش هناك انا : فين البلد دى يابابا ابويا : هنسافر امريكا نعيش هناك انا : طب واصحابى يابابا ابويا : هناك هيبقالك اصحاب جداد وفى الاجازه هنرجع هنا وهتشوف اصحابك انا : حاضر يا بابا ... بس فى حاجه عاوز اعرفها منك ابويا : خير ياحبيبى انا : هو ليه جدى بيكرهنا ابويا : ليه بتقول كده ياحبيبى انا : علشان مارضيش يسلم علينا لما روحناله البلد ومشانا من البيت ابويا : لا بس هو زعلان منى شويه صغيرين وبكره الزعل ده يروح ونتصالح تانى انا : حاضر يا بابا • بعد كده سافرت انا وابويا امريكا وعشنا مع بعض وعدت السنين واخدت الج*سيه انا وابويا وكنا كل سنه بننزل فى الاجازه القاهره ونتفسح هناك ونرجع تانى بس بابا كان خايف عليا من العيشه فى امريكا والحريه الزياده عن اللزوم اللى هناك .... وفى يوم كنت قاعد بتف*ج على التلفيزيون وابويا جيه قعد معايا ابويا : ليه قاعد كده يادياب ... مخرجتش ليه انا : لسه مستنى اصحابى يعدوا عليا وهخرج معاهم ابويا : طب انا عاوزك فى موضوع مهم انا : اوعى يا بابا تكون هتتجوز ابويا : هو فى ست تملا عينى بعد امك انا : يا بابا وفيها ايه لما تتجوز واحده تاخد بالها منك وترعاك بدل ما انت بوزك فى بوزى اليوم كله وكمان ترحمنا من الاكل والعك اللى بنعكه انا وانت ده ... ده احنا الاتنين اليوم كله بنعك والكارثه ان احنا بنسمى العك ده طبيخ ده مفيش اكله بنعرف نعملها انا وانت غير الكبده والباقى كله عك .... وكمان يبقى فى حاجه طريه فى حياتك بدل الجفاف ده ابويا : ههههههه يخرب بيتك بتجيب الكلام ده من فين انا : هيكون من فين غير من التليفزيون والانترنت ابويا : ماشى يالمض .... انا مش هتجوز بعد امك انا : ياسيدى ماتتجوزش ... صاحب شوفلك واحده حلوه كده صاحبها وانا اعرف بنات كتير بتحب السن ده ابويا : اهو ده اللى انا كنت خايف منه انا : ايه هو ده يا بابا اللى انت خايف منه ابويا : يا بنى احنا عاداتنا وتقاليدنا تمنع العلاقات بين الراجل والست غير بالجواز مش زى هنا انا : ازاى يعنى ابويا : هى دى عاداتنا ومش عاوزك يابنى تنسى الكلام ده .... مفيش حاجه اسمها علاقه بين راجل وست غير بالجواز انا : حاضر يا بابا .... طب ايه الموضوع المهم اللى عاوزنى فيه ابويا : عاوزك تنزل الاقصر تاخد الثانويه بتاعتك هناك وتكمل جامعه هناك انا : ليه كده يا بابا ابويا : اصل انا كلها سنه ولا اتنين وهسيب الشركه هنا واطلب نقلى لفرع الشركه فى القاهره بينى وبينك تعبت من الغربه هنا .... ومش عاوز ده يأثر على دراستك ومستقبلك وبعدين الفتره دى حرجه فى حياتك ومش عاوزك تعيشها هنا ... عاوزك تعيشها فى بلدك انا : ماهو هنا بلدى برضه انت ناسى ان احنا امريكان برضه يعنى دى بلدى ابويا : لا انت فى الاصل مصرى وهتفضل مصرى انا : اللى انت شايفه صح اعمله يا بابا بس برضه انا مختلف معاك فى الموضوع ده ابويا : انت هتنزل الاقصر تعيش عند خالك وفى الاجازه تبقى تيجى هنا لحد ما اخلص امورى هنا وانزل مصر وساعتها نعيش مع بعض فى شقتنا القديمه انا : ياه الشقه دى وحشتنى بقالنا سنتين مانزلناش مصر ابويا : بمناسبة الشقه .... انا اشتريت الشقه اللى احنا كنا عايشين فيها وكتبتها باسمك انا : ليه كده يا بابا ابويا : علشان ابقى مطمن عليك الواحد مش ضامن عمره يا ابنى وبعدين الشقه دى فيها احلى ذكرياتى مع والدتك ... اوعى يابنى تفرط فيها مهما حصل انا : ماتقولش كده يا بابا ربنا يخليك ليا انا مليش غيرك ابويا : امك وحشتنى قووووى انا : ابوس ايدك يا بابا ماتقولش كده انا معرفش اعيش من غيرك ابويا : فى حاجه كمان عاوز اطلبها منك انا : خير يا بابا ابويا : مش عاوزك تروح لجدك ولا اى حد من اعمامك ولا تتعرضلهم مهما حصل انا : متخافش يا بابا ... انا مليش لا جد ولا اعمام انا مليش غيرك انت ابويا : لا ماتقولش كده يا ابنى مسير الايام هتصلح اللى بينا وترجع الامور احسن من الاول انا : ايام ايه اللى تصلح يا بابا انت ناسى بعد ما امى اتوفت لما اخدتنى وروحنا لجدى وطردنا من بيته ابويا : معلش هو كان غضبان منى وقتها .... وانا مش بقولك ماتتعرضلهوش يعنى تقاطعه لا انا بس مش عاوز حد يقولك كلمه تجرحك لكن انا بعد ما انزل البلد هاخدك ونروحله انا : حاضر يا بابا ابويا : تسلملى يا ابنى .... فى حاجه كمان عاوز اقولهالك انا : خير يا بابا ابويا : مش عاوزك تقول لاى حد فى مصر على موضوع الج*سيه ده انا : ليه يا بابا ابويا : عاوزك تتعامل هناك على انك فى بلدك مش تتعامل كانك اجنبى انا : حاضر يا بابا ابويا : يلا روح شوف اصحابك واخرج معاهم انا : ماشى يا بابا ابويا : هتتعشى بره ولا تتعشى معايا انا : لا هتعشى معاك ابويا : تحب تاكل ايه انا : ياريت بلاش عك النهارده .... واعملنا كبده وطحينه ابويا : هههههه ماشى يلا روح • وبالفعل نزلت مصر بس عيشت فى الاقصر عند خالى وطبعا عيلة ابويا معرفش عنهم حاجه وعملت بوصية ابويا وماتعرضتش ليهم نهائى ..... وكانت معاملة خالى ليا اب*ع معامله ممكن حد يتصورها كان بياخد من الفلوس اللى بيبعتهالى ابويا وبيبلطج عليا وانا كنت بستحمل ومش بشتكى لابويا علشان مايشيلش الهم فى الغربه وكمان علشان كنت خايف يبعت ياخدنى ارجع امريكا لانى كنت حبيت واحده زميلتى معايا فى الدرس اسمها ندى وهى اللى كانت مصبرانى على معاملة خالى بالرغم ان ماكناش بنتكلم غير فى الدروس بس لكن كنت بحبها لحد ما فى يوم فى اعترفتلها بحبى ليها وهى كمان طلعت بتحبنى وارتبطنا ببعض واتفقنا اننا نتخطب بعد ما نخلص ثانويه عامه وسمعت كلام ابويا وماقولتش لاى حد على موضوع الج*سيه ده وعدت الايام لحد ماصحيت فى يوم على اب*ع خبر ممكن اسمعه فى حياتى وهو خبر موت والدى ..... والدى اتوفى فى حادثه هناك فى شغله • بعد ما سمعت خبر موت والدى دماغى وقفت عن التفكير شويه بس اتمالكت اعصابى وقررت اروح لجدى واقوله على الخبر علشان يساعدنى فى دفن ابويا ... بس الظاهر كده انى كنت ساذج وغلطت لما فكرت التفكير ده • اول ما روحت البيت لجدى كان موجود هو واعمامى جدى : انت مين يا ابنى وعاوزنى فى ايه انا : انا دياب ابن عبدالرحمن ابنك ياجدى جدى : انا مليش عيال بالاسم ده انا : انا ابويا مات ياجدى وجيت علشان تساعدنى فى دفنه جدى : دى حاجه ماتخصنيش .... مش هو باعنى واشترى الخدامه خلى عيلة الخدامه تساعدك تدفنه انا : يعنى مش هتدفن ابويا فى مدافن العيله جدى : انت وابوك مش من العيله علشان تدفنوا عندنا فى مدافن العيله خلى عيلة الخدامه تنفعكم انا : انا كده عملت بوصية ابويا انى ما اقاطعكش لكن للاسف ابويا غلط لما وصانى بحاجه زى دى .... انا اللى بقولهالك دلوقتى ان انا مايشرفنيش انا او ابويا ان انا نتدفن فى مدافن عيلتكم الوسخه جدى : اخرس ياكلب احنا اشرف وانضف من عيلة الخدامه .... لكن اقول ايه ما انت تربية خدامه انا : الخدامه دى انضف منك ياكلب يا ابن الكلب • وسبت البيت وخرجت ورجعت عند بيت خالى وقعدت اعيط واخدت يومين على الحال ده لحد ما جثمان ابويا وصل وكنت اتفقت مع خالى انه يتدفن فى مدافن عيلتهم وطول اليومين دول ناس كتير من عيلة ابويا حاولوا يستسموحنى ادفن ابويا عندهم لكن انا طردتهم و**مت انى ادفن ابويا مع امى فى مدافن عيلة امى وزى مايكون القدر حب يجمعهم تانى زى ما ابويا كان عاوز لانه كان موصينى لو مات ادفنه مع امى وانا حاولت ا**ر الوصيه وادفنه مع اهله لكن الظاهر كده القدر طلع حاجه اكبر منى ..... وبعد مادفنت ابويا بمساعدة السفاره لان ابويا كان موصى هناك برضه انه يتدفن فى مصر ورفضت اعمل عزاء لان دى برضه كانت وصية ابويا ان لو مات ما اعملهوش عزاء ودى عيبه كبيره عندنا فى البلد بس انا قررت اسمع كلام ابويا .... وبعد شهر من موت ابويا كنت نايم ودخل عليا خالى خالى : اصحى يازفت كفاياك نوم انا : ايه فى ياخالى عاوز ايه خالى : انت نايم لحد دلوقتى بروح امك انا : اصلى كنت سهران بذاكر علشان الامتحانات قربت خالى : لا خلاص مافيش امتحانات انا: ازاى يعنى مافيش امتحانات خالى : انا ماعنديش فلوس اصرف على تعليمك انت من النهارده هتشتغل وتصرف على نفسك .... اللى كان بيصرف عليك خلاص مات انا : بس انا مابعرفش اشتغل حاجه خالى : اتعلم .... انا كلمتلك الاسطى صلاح الميكانيكى وهو وافق انك تشتغل عنده وهو هيعلمك الشغل انا : طب ادينى فرصه اخلص امتحاناتى وبعد كده اشتغل خالى : مالهاش لازمه الامتحانات دى ... انت كده ولا كده مش هتدخل جامعه علشان تمتحن انا : ابوس ايدك ياخالى ماتضيعش مستقبلى خالى : يعنى اللى اتعلموا عملوا ايه ... ولا حاجه لكن انا بضمنلك صنعه ت**ب منها ..... يلا قوم عمك صلاح مستنى فى الورشه • واخدنى وروحنا الورشه واستلمت الشغل بس للاسف اليوميه بتاعتى كان بياخدها خالى اول باول وكنت لما اساله فين اليوميه بتاعتى يقولى بصرفها على اكلك وشربك .... وعدت الايام بس انا كنت بذاكر بعد الشغل ولما بدأت الامتحانات دخلت امتحنت بس من غير ماخالى يعرف والبركه فى عم صلاح كان بيخلينى اروح امتحن وبيدينى مصروف بعيد عن اليوميه اللى بياخدها خالى .... وطبعا فى الظروف اللى مريت بيها دى ندى سابتنى ..... وفى اخر يوم فى امتحناتى بعد ماخلصت الامتحان يومها كانت الورشه اجازه .... رجعت على البيت على طول لان ماليش اصحاب اقعد معاهم كلهم بعدوا عنى بعد اللى حصل .... بس كان فى مفاجأه مستنيانى فى البيت هتغير كل احوالى .... اول ماوصلت البيت لقيت خالى مستنينى واخدنى بالحضن ومرات خالى سنه وهتشيلنى من على الأرض وانا مستغرب من المعامله الجديده اللى عمرى ماشوفتها منهم دى بس لفت نظرى فى شخص غريب موجود فى البيت بس انا حاسس انى اعرفه او شوفته قبل كده بس فين مش فاكر انا : ايه فى ياخالى هو فى ضيوف هنا ولا أيه خالى : ايوه ياحبيبى عمك عمر مستنيك انا : عمى عمر مين عمر : ايه يا دياب مش فاكرنى .... انا عمك عمر زميل المرحوم ابوك فى الشغل فى امريكا انا : ايوه افتكرتك .... اذيك ياعمى عمر : اذيك انت يا دياب اخبارك ايه وعملت ايه فى الامتحانات انا : تمام كويس خالى : لا دياب زى الفل وماشى كويس فى الامتحانات عمر : ايه هتدخل كلية ابه يادياب خالى : انا عاوزه يدخل كلية هندسه زى ما المرحوم كان عايز عمر : على العموم زى ما تحب يا دياب انا : خير ياعم عمر ايه اللى جابك هنا عمر : جيت علشان اديلك فلوسك انا : فلوس ايه دى عمر : فلوس المرحوم ابوك .... المكافأه بتاعته من الشركه ده غير التعويض اللى الشركه هتصرفهولك وكمان فلوس ابوك اللى فى البنك معلش اتاخرت عليك بس على ما خلصت الاجراءات وقتها بصيت لخالى فى عينه وابتسمت ابتسامه صفرا وقتها خالى ارتبك انا : اه قولتلى .... وانا اقول ايه اللى حصل فى الدنيا عمر : قصدك ايه يابنى انا : لا ماتاخدش فى بالك دى حاجه كده فى دماغى ... والفلوس دى كام عمر : المكافأه بالتعويض بالفلوس اللى فى البنك باسم ابوك 5 مليون دولار هيتفتحلك بيهم وديعه فى البنك لحد ماتخلص دراستك ده غير المعاش بتاع المرحوم وده هيتصرفلك كل شهر علشان تصرف منه ده غير ان الشركه متكفله بمصاريف تعليمك لحد ماتخلص تعليم يعنى لو حبيت تدخل جامعه خاصه الشركه هى اللى هتدفعلك المصاريف بتاعة الجامعه انا : طب وانا هستلم الفلوس دى امتى عمر : انت هتسافر معايا بكره القاهره ونروح نخلص كل الاجراءات فى الشركه والسفاره وتستلم فلوسك انا : خلاص تمام ياعم عمر بس لو سمحت ممكن نتكلم فى موضوع على انفراد خالى : خير ياحبيبى فى ايه انا : انا قولت عاوز عم عمر فى موضوع على انفراد عمر : فى ايه يادياب مالك يابنى انا : عاوز اكلمك لوحدنا عمر : طب تعالى بينا نقعد فى مطعم بره نتغدى وتقولى على اللى انت عاوزه انا : يلا بينا وخرجنا مع بعض .... لكن كنت شايف نظرة غضب فى عين خالى ومراته ..... خرجنا وروحنا مطعم وقعدنا عمر : ايه فى يا دياب مالك يابنى انا : انا تعبان ياعمى عمر : مالك يابنى انا : خالى عمر : ماله خالك وحكيت لعمر كل حاجه عنى وعن معاملة خالى ليا وشغلى فى الورشه عمر : ياه انت شوفت كل ده انا : واكتر من كده .... ودلوقتى انا خايف خالى ي**ق فلوسى واتشرد عمر : وانت ازاى تسيبه يعمل فيك كل ده انا : يعنى عاوزنى اعمل ايه وانا مليش حد عمر : ازاى ملكش حد .... انت يابنى مش معاك الج*سيه الامريكيه يعنى كان ممكن تطلع على السفاره وهما هيخلصولك كل حاجه انا : تصدق انا من كتر اللى شوفته الفتره اللى فاتت دى نسيت موضوع الج*سيه ده عمر : ماتخافش من الموضوع ده انا هخلصلك كل حاجه انا : ازاى يعنى عمر : لا سيب الموضوع ده عليا انا هخلصهولك بس اهم حاجه ماتقولش لخالك ان انا عرفت عن معاملته ليك انا : حاضر .... بس لو سألنى ايه الموضوع اللى كنت عاوزك فيه عمر : ابقى قوله انك كنت عاوز تسافر امريكا تعيش هناك وتكمل حياتك هناك .... بس انا قولتلك بعد ماتخلص كليه هاخدك تشتغل هناك انا : كده كويس واخدنا قعدتنا فى المطعم وبعد كده سابنى وراح الفندق اللى هينزل فيه وانا رجعت بيت خالى .... بس مش ده البيت اللى انا عايش فيه بقالى 3 سنين ولا ده خالى ومراته اللى بيعاملونى اسوأ معامله ولا دول عيال خالى اللى ماكنوش طايقنى اصلا - بعد مارجعت البيت دخلت الاوضه اللى بقعد فيها وسرحت مع نفسى وايه اللى هعمله فى مستقبلى ... مابقيتش عارف ازعل على ابويا ولا افرح انى خلاص هرتاح من خالى وق*فه ..... مابقيتش عارف ازعل على ندى اللى سابتنى فى أول مشكله حصلتلى ولا افرح انها اتكشفت فى الوقت المناسب والا كنت هفضل مخدوع فيها واتجوزها وهى زباله ..... مابقيتش عارف انا ليه الناس مش بتحبنى يعنى جدى واعمامى كانوا غضبانين على ابويا بسبب جوازه من امى طب انا ذنبى ايه.... طب سيبك من اهل ابويا قول ان الغضب ماليهم لكن خالى انا عملتله ايه علشان يعمل فيا كده ولا اصحابى اللى سابونى يوم ماشافونى شغال فى الورشه عند عم صلاح .... ليه ده كله هو انا وحش للدرجه دى .... لا انا مش وحش انا احسن منهم كلهم وكويس انهم اتكشفوا قدامى قبل ما اتخدع فيهم اكتر من كده .... وفى عز ما انا بفكر وسرحان دخل عليا خالى خالى : ايه يابنى قاعد لوحدك كده ليه انا : لا مافيش حاجه بس تعبان شويه خالى : لا سلامتك ياحبيبى .... تحب اجيبلك دكتور انا : لا مش مستهله دكتور ياخالى خالى : ايه الموضوع اللى كنت عايز تقوله لزميل ابوك انا : كنت عاوز اسافر امريكا واعيش هناك خالى : ليه كده يابنى .... الغربه وحشه انا : ماهو مانفعش خالى : ليه مانفعش انا : عم عمر قالى لازم اخلص جامعه الاول وبعد كده اسافر اشتغل هناك لو حبيت خالى : طب كويس .... شيل يابنى حكاية السفر والغربه دى من دماغك وخليك عايش وسطنا واحنا نحميك ونخاف عليك انا : سيبها لظروفها واحنا قاعدين دخلت علينا مرات خالى ( سميره ) الاوضه سميره : ليه كده قاعدين لوحدكم خالى : مافيش ياستى ... ده دياب كان عاوز يسافر امريكا يعيش هناك سميره : برضه كده يا دياب تتغرب بعيد عننا خالى : لا خلاص هو شال فكرة السفر من دماغه وهيعيش معانا سميره : ايوه كده انت مالكش غيرنا انا : اكيد يامرات خالى سميره : طب يلا العشاء جاهز بره انا : لا ماليش نفس اكل سميره : تعالى ده انا عملالك الرقاق اللى انت بتحبه انا : معلش يامرات خالى انا اتغديت مع عم عمر وماليش نفس اكل دلوقتى سميره : خلاص ياحبيبى اول ماتجوع اندهلى وانا اسخنلك انا : حاضر يامرات خالى - وبعد ماخرجوا من عندى ضحكت على الزمن واللى بيعملوا فيا والتغير الكبير اللى حصل .... كل ده علشان بقى معايا فلوس .... ياه على الزمن - وبعد يومين سافرت القاهره مع خالى وعم عمر وخلصنا الاجراءات بس هناك كان فى مفاجأه تانيه مستنيانى ..... عم عمر كلم السفاره وحكالهم ظروفى مع خالى ومشكلتى مع عيلة والدى وعملوا تحقيق فى السفاره وجيه عم صلاح الميكانيكى وشهد بكل حاجه .... والسفاره كانوا عاوزنى اسافر امريكا اعيش هناك بس انا رفضت احتراما لوصية والدى والسفاره وافقت انى اعيش فى القاهره وعينت وصى عليا بدل خالى لانه مش أمين عليا .... وخالى كان هيولع فيا هناك بسبب اللى حصل - بعد ماخلصنا كل حاجه .... كنت قاعد انا وعم عمر فى كافيه عمر : ايه يا دياب هتعمل ايه دلوقتى .... انت كل مشاكلك مع خالك خلصت انا : ولا حاجه هعيش لوحدى بعيد عن الاقصر خالص عمر : طب هتعمل ايه فى موضوع الجامعه انا : للاسف مجموعى مجابش هندسه .... نقصت عنها بكام درجه عمر : مايهمكش يابنى .... ادخل جامعه خاصه انا : بس الفلوس اللى فى البنك مش هقدر اتصرف فيها دلوقتى عمر : وانت مالك بالفلوس اللى فى البنك انا : مش الجامعه الخاصه هتعوز منى مصاريف كبيره وانا مش معايا غير الفلوس اللى فى البنك ومعاش والدى اللى بصرف منه والمعاش ده مايكفيش مصاريف الجامعه الخاصه ومصاريفى انا الشخصيه عمر : انت ناسى يابنى ان الشركه والسفاره هيتحملوا كل مصاريف تعليمك كتعويض ليك ... يعنى لو حبيت تدخل جامعه خاصه الشركه هى اللى هتدفعلك المصاريف ده غير ان الفلوس اللى فى البنك هيبقى ليها فوايد كبيره جدا يعنى الوديعه دى هتجبلك فى السنه اكتر من نص مليون دولار يعنى لو تحب تعمل مشروع هتقدر بكل سهوله انا : تصدق نسيت الموضوع ده خالص عمر : مايهمكش انا هخلصلك موضوع الكليه ده قبل ما ارجع امريكا انا : ايه ده انت هترجع امريكا عمر : اه يابنى انا اجازتى هتخلص بعد اسبوعين انا : هتقطع بيا عمر : ماتقولش كده انا على طول هكلمك واتطمن عليك وفى الاجازه هبقى ازورك وانت لو حبيت تيجى امريكا تتفسح كلمنى على طول انا : اكيد طبعا هجيلك ..... بس فى حاجه مهمه عايز اقولك عليها عمر : خير يابنى انا : انا هعيش هنا فى القاهره وهدخل جامعه خاصه هنا بس هقول للناس ان هنا انا اخدت منحه فى الجامعه ومش هقول لاى حد على الفلوس اللى عندى ولا حتى هقول لحد موضوع الج*سيه هتعامل هنا زيي زى اى مغترب عمر : ليه كده انا : انت شوفت اقرب الناس لبديا عمل ايه لما عرف موضوع الفلوس مابالك بقى بالغريب دول هياكلونى عمر : ماتبقاش متشائم كده يابنى وخلى عندك ثقه شويه فى الناس وبعدين انت ماحدش يقدر يتعرضلك هنا واول ما تحس باى مشكله كلم السفاره على طول وهما هيتصرفوا انا : صعب جدا انى اعرف اثق فى الناس تانى وبعدين دى وصية المرحوم ابويا كان عاوزنى اتعامل هنا على انى مصرى عمر : خلاص براحتك يا ابنى لو كان ده اللى هيريحك اعمله بس مسير الايام هتثبتلك ان فى ناس محترمه ممكن تثق فيها انا : انا عارف ان فى ناس محترمه كتير بس دول بيبانوا بالعشره عمر : عندك حق - وبعد ماخلصنا قعدتنا باسبوع عم عمر كلمنى وسالنى عاوز اقدم فى الجامعه الامريكيه ولا فى جامعه خاصه مصريه وانا اخترت جامعه مصريه وبعدها بيومين كلمنى وقالى انه قدملى فى ال mtiوورقى اتقبل هناك وبعد كده قابلنى وادانى الملف بتاع الجامعه وبعدها سافر امريكا تانى ... انا طول الفتره اللى فاتت كنت قاعد فى شقتنا اللى فى الجيزه اللى اتولدت فيها وكان فيها احلى ذكريات بينى انا وامى وابويا بس كنت تعبان فيها ومش قادر اعيش فيها علشان كده قررت اروح المقطم واتاجر شقه هناك عند الكليه بس لازم تكون شقة طلبه علشان اسبك الحوار على الناس اللى حواليا وان مش معايا غير معاش والدى وبالفعل روحت هناك ودورت على السماسره ولقيت شقه ساكن فيها تلاته ومحتاجين رابع وقررت اسكن معاهم ودفعت الايجار وكل حاجه وعملت ال*قد ورجعت شقتى فى الجيزه وكملت باقى الاجازه هناك والسفاره من وقت للتانى بتبعت مندوب يتطمن عليا وقبل ما الدراسه تبدأ بيومين اخدت حاجتى وروحت شقة المقطم .... ولما روحت الشقه كانوا العيال اللى ساكنين معايا موجودين فيها ودى اول مره اشوفهم فيها واتعرفت عليهم وكانو .... محمد من سوهاج ..... ومجدى من طنطا ..... ويوسف من كفر الشيخ .
Free reading for new users
Scan code to download app
Facebookexpand_more
  • author-avatar
    Writer
  • chap_listContents
  • likeADD