الفصل الاولى

3102 Words
_متي يحين اللقاء؟! *عندما يعترف قلبي بحبكِ رسميًا أنا في صراعًا الأن بين عقلًا يرفض وأنه ليس حب، وقلبلًا يعترف به _ومتي ينتهي ذلك الصراع!، ارحم قلبًا أحبك فقد أرهقه البعُد أصبحت أشفق علي روحي فقد ذبٰلت وعلي قلبي فقد هشه من الفراق، أشتقت لوجودك بجانبي... *لا أعرف متي سينتهي، لكن أحببتُ مناوشتنا وعنادنا في بعضنا، غيرتكِ عندما تجدي إحداهم بجواري، أحببتُ تلكَ التلميحات، فالتلميح بالحب أجمل من الإعتراف _ولكن لا مفر من الاعتراف والان انا اعترف بكل جوارحي اننني احبك واريد عودتك بجانبى. *نعم حتمًا هناك إعتراف لكن ليس بعدلا أريد ظلمكِ معي في معناة التفاصيل، إلا بعد أن يشفي جرحي تمامًا، أريدك دائما وأبدًا إلي جواري، فكنتِ مع طفلة تلهو وتعلب كما لو أني والدكِ تمليء روحكِ البراءة أحببتكِ أنتِ وحدكِ فقط *هذا ما اريده هو إطمأنان قلبي، وأخيرًا سيرتاح بعد كلماتك تلك سيطمئن انك مازلت تحبني وسنلتقي حتمًا فالقلوب المُحبه ستلتقي حتي ولو بعد حين. _وهنا حان اللقاء. #دنيا_صابر #عنان رجعوني عنيك لأيام اللي راحوا علموني اندم علي الماضي و جراحه _مش هتيجي بقي يا بطل *تعالي و هنبسطك كنت راجعه من الكوافير اللي شغاله فيه متأخر شويتين بسبب الزباين الفقر و لحظي الوحش ظهرلي الأتنين دول لفيتلهم بوشي و رسمت ملامح الغضب =احترم نفسك يا جدع انت و هو بدل م انزل جزمتي عليكم قرب مني واحد فيهم _انا نفسي تنزليه!ما تنزليه =قولتلك ابعد عني بدل و ربنا ازعلك *لا و انا بحب النسوان الشرسه بدأوا الاتنين يقربوا مني و انا برجع و ببعد بس في طوبه وقعتني أستغلوا الفرصه و قربوا اكتر و اكتر و انا ببعد بخوف اكبر بزحف لورا صوتي بدأ يرتجف =ابعد عني عشان خاطر اختك انا مش ناقصه بقيت ازعق و اصرخ لغاية ما ظهر هو بطوله و هيبته اللي مشوفتش زيها..معرفش ظهر ازاي و منين كأنه ملاك ربنا بعته ليا وقف قصادهم _ في حاجه يابا انت و هو! =لاموخذه يا نجم هي تخصك! خبط علي وشه _خليك في حالك و خد اللي جمبك ده و طير من هنا بدل ما ازعلك *ااااه ده جاااامد =لا و لذيذ *طب ابعد من هنا بقي يا شاطر و خليك في حالك زاحه بعيد لدرجة ان جسمه بعد لورا بعنف _حلو .. استلقي وعدك بقي بعد جملته الأخيره هجم علي الأتنين بكل عنف بصيت عليهم من وراه لقيتهم نايمين فوق بعض و الدم موجود في اجزاء من وشهم عدل نفسه عليا =انتي كويسه يا سِت الناس حركت دماغي و انا حاطه ايدي علي قلبي_ايوه الحمد لله =انتي اي بس اللي جابك الحته دي دلوقت..دي حته مقطوعه و فيها ولاد*** ما بيصدقوا يشوفوا واحده حلوه ملفتش انتباهي غير كلمته الأخيره "حلوه" انا حلوه! يسلم بوقك و عنيك طال سُكاتي و انا سرحانه فيه =ط طب اتفضلي يا سِت الناس اوصلك _توصلني!؟ =ا ا ايوه انا شغال علي تا**ي..لو تسمحي اوصلك شكل طريقك طويل و غلط تمشي دلوقت شهم و جدع و راجل..انا يمكن اول مره اعرف ان في رجاله كده في الزمن ده بس تجاربي و خيبة أملي مع الرجاله اللي قابلتهم خلتني اخاف منه و اقلق ..ضميت شنطتي و حضنت نفسي _و انا ايش عرفني انك مش زيهم =و ربنا ابداً .. ط طب بصي انا ممكن اتمشي معاكي و اوصلك رعشة ل**نه و هو متلغبط و مش عارف يساعدني ازاي..قلبي مطمن بطريقه تخوف _انا هركب معاك بس هصور نمرة العربيه لتعمل فيا حاجه و معرفش اخد حقي كنت فكراه مش هيوافق لكنه وافق..صورة نمرة العربيه و ركبت معاه كان مشغل السِت..الصوت مكنش عالي اوي بس كنت عارفه اسمع "رجعوني عنيك لأيام اللي راحوا علموني اندم علي الماضي و جراحه انا مش بحب السِت ولا بسمعلها..بحسها ممله ..استغربت انه في حد لسه بيسمعلها =مش نتعرف يا سِت الناس! _و انت تتعرف عليا ليه =بندردش _لا انا مش عوزه صداع ولا دردشه كنت بتكلم بخشونه و ضيق اكمني خايفه منه ..اه لازم اديله الوش ده عشان يلزم حدوده هو فاكرني اي!من البنات اياهم =محسوبك ابراهيم قالها و هو بيشاور علي نفسه _اتشرفنا =و انتي _انا اي! =اسمك _ماله =اسمك اي! _و انت عاوز تعرفه ليه!..اااااه تكونش فاكر لما تعمل معايا حركه انا هدلدق بقي و كده ..بقولك اي انا محترمه و احترم نفسك كده انت طلبت توصلني و انا شكرتك و خلصنا نكمل الطريق و احنا ساكتين احسن و رحمة امي انزل هنا =لاموخذه يا سِت الناس انا اسف قالها من غير تعابير وش ..باينه زعل! طب ما يزعل ما هو يستاهل _لا ميستاهلش! قولتها لنفسي و انا طالعه علي السلالم المت**ره بتاعت البيت انا اتوجعت كتير اوي من العلاقات ..مش مستعده ان راجل يجي عليا تاني كفايه جمال و ابويا =كنتي فين يا محروسه دخل عليا الاوضه و انا بغير هدومي _كنت في الشغل يا اخويا. =و اتأخرتي ليه يا بت _الزباين كانوا كتير اوي =و فين فلوس انهرده طلعت الفلوس من جيبي و اديتهاله =دي ناقصه ٣٠٠ جنيه راحوا فين يا بت! مسكني من.دراعي بقسوه _مانا هقولك بس سيب دراعي كنت بتوجع..ايده خشنه اوي و قاسيه زيه =ده انا شويه كمان و همسك في رقبتك فين الفلوس يا بت _انا خدت فلوس عشان كنت محتاجه اشتري جزمه اكمن جزمتي اتقطعت =اه يا زباله و رب الكعبه مانا سايبك غير لما يرجعوا كان بيض*بني بالحزام بكل قسوه كأنه مش اخويا! .. علقة كل اسبوع. كنت بصرخ و بعيط بصوت عالي بسنتجد باخواتي و مرات ابويا دخلت مرات ابويا بسرعه علي صوتي =في اي يا جمال ايه اللي جرا _بنت ال****دي مضيعه ٣٠٠ جنيه عشان قال اي جزمه اول ما سمعت جملته بقت تزعق =اااه يا واطيه مفكرتيش في اخواتك الصغيرين هيأكلوا منين! و ابوكي! يا زباله ..طبعاً ما انتي ماشيه مشي بطال _ياما انا.. =انا مش امك ..امك غارت في ستين داهيه و سابتلنا داهيه _اسمعي يا وليه انتي تغلطي فيا ماشي لكن امي لا انتي سامعه مش كفايه ماتت بقهرتها منك انتي و الراجل اللي برا ده كنت بتكلم بخنقة صوت و انا بعيط ..الكلام اللي قولته ده جزء صغير من اللي جوا قلبي لقيت قلم من جمال نزل علي وشي =اخرسي اياك تجيبي سيرة امي علي ل**نك امك هي اللي زباله و شمال و انتي بنت حرام معرفتش اتكلم ابويا دخل و كمل ض*ب عليا معاهم ..محستش بالدنيا بعدها صحيت الساعه ٦ علي صوت الفراخ اللي مربياهم مرات ابويا في البلكونه..لقيت نفسي مرميه علي الأرض كان جسمي كله جروح قومت دخلت الحمام بالعافيه لبست بلوزه بيضه و عليها جيبه سوده..وقفت قدام المرايه و لبست الطرحه اللي بربطها دايماً لورا بصيت للكدمات اللي في وشي ب**ره و نزلت اشق طريقي زي كل يوم ......... خ*فت قلبه و عقله و زلزلت كيانه بعيونها و خوفها من انه يعملها حاجه مقدرش يسكت..نزل و راح لنفس المكان استناها و اول ما شافها نزل من عربيته جري عليها =يا سِت الناس يا سِت الناس انتبهت لصوته و وقفت بصتله _انتَ! =سلامتك يا سِت الناس هو اي اللي في وشك ده _و و انت مالك..و بعدين اي اللي جايبك هنا =انا عديت بالصدفه و شوفتك فقولت انزل اسلم _و سلمت! =ايوه _طيب فوتك بعافيه بقي عشان ورايا شغل مسك ايدي لما حاولت امشي..بصتله بحده ف بعد ايده بسرعه =ا انا اسف انا اسف _عاوز اي =انا ممكن اوصلك لمكان شغلك _اه ده انت سوقت فيها بقي و فاكرني....... قاطعني =اعتبريني هوصلك و هاخد فلوس انا سواق تا**ي و ممكن تعتبريها توصيله كان متلغبط و كلامه ملغبط شبهه..حاولت ارفض إكمن معيش حق التوصيله بس هو أصر ركبت معاه و وصلني للكوافير..نزل من العربيه و فتحلي الباب =لاموخذه ممكن اسألك سؤال سكت شويه.. =لو حابه! _انجز =المكان ده باين عليه مشبوه و في نسوان داخله و طالعه مش تمام و انتي شكلك مش من توبهم و .. _افتكر تخليك في حالك عشان انا لغاية دلوقت محترمه معاك =طيب اخر طلب! _اللهم طولك يا روح..انجز =هد*كي رقمي لو احتاجتي اي توصيله انا هبقي موجود قاطعني قبل ما اتكلم =متفهمنيش غلط انا هاخد منك اجرتي اخر الشهر..انا كتير بشتغل سواق خصوصي كان واضح انه كداب بس انا وافقت معرفش ليه ل**ني طاوع قلبي! استأذنت منه ووقفت بعيد ..فتحت الشنطه عملت نفسي بجيب فلوس ..كنت محتاسه و انا مش لاقيه فلوس ف بصيت عليه و كنت ناويه اعتذر بس لقيته مشي! ......... =انتي فين يا ليلي _انا خلاص خلصت مستنيه بس مواصله و نازله =متتأخريش انتي عارفه ان فاطمه محتجانا معاها عشان هي العروسه _حاضر هي العروسه! محتجانا! انا ليه مش عروسه زيهم ..ليه لما بحتاج لحد مش بلاقيه! كل العرسان طفشوا بسبب مرات ابويا اللي عوزه بنتها تتجوز الأول..جوزت بنتها و قعدتني جمبها عشان اخدمها هي و اخواتي حتي العلاقات العاطفيه..ارتبطت ٦ مرات في كل مره كنت بتساب فضلت مستنيه مواصله كتير بس ملقتش...اتوترت لأني كنت لابسه فستان و ده قليل لما يحصل فستان نبيتي طويل..رابطه طرحتي لورا و مخرجه خصلتين برا الطرحه..جزمه سوده و شنطه سوده و make up خفيف اوي مكنش مناسب مع الفستان بس علي قد امكانياتي اتصلت بيه مكنش قدامي غيره عشان متأخرش مع إنه كان مع زباين بس في خلال ٥ دقايق كان واقف قدامي .... نزل من العربيه بصلي بإنبهار و هو بيقرب مني و كأنه اول مره يشوفني =ا ا انا اتأخرت عليكي! كنت م**وفه بسبب نظراته اللي كنت ببعد عنها _لا..انا بس عندي فرح و متأخره ... كنت قاعده لوحدي في جمب و شايفه كل الناس بترقص كل شاب يجي يقولي كلمه و يقل ادبه و يمشي..مكنتش برد بس لقيته جه قعد جمبي اتخضيت _انت ممشيتش! =لا قولت هستناكي لغاية ما تخلصي و جيت ابص عليكي خوفت يضايقوكي اكتر من كده _هو انا طلبت مساعدتك =مش هستني تطلبي فضل قاعد جمبي رغم اني مش بكلم..مملش..كنت حاسه بإحساس اول مره احسه ..بالأمان ... =يا ليلي يا ليلي بصيت لورا لقيت حنان جايه و معاها شنطتي _انتي نسيتي الشنطه بصت لإبراهيم اللي واقف جمبي بطرف عينها و قربت مني =مين ده _٠بعدين يا حنان بعدين..سلام دلوقت ...... "اللي شوفته قبل ما تشوفك عنيا عُمر ضايع يحسبوه ازاي عليا!" =اسمك حلو _تُشكر =و شكلك انهرده كان حلو _انت بتحب ام كلثوم! =السِت!..دي احلي حاجه..بتقلب مزاجك و بتروق عليكي حتي لو هموم الدنيا فوق كتافك ......... _حنان ازيك عامله =تمام _لاموخذه اتصلت في وقت متأخر بس.... =لا جيتي في وقتك انا كنت عوزه اسألك عن الراجل الحليوه اللي كان واقف جمبك ده _مش وقته يا حنان..انا كنت محتاجه فلوس يعني عشان انا الايام دي حالتي وحشه حبتين حسيت انها هترفض من سكوتها _و هرجعهملك تاني و الله =و هو انتي بترجعي حاجه! _معلش يا حنان اتحمليني ..دي اخر مره هستلف منك بس.... =ما علينا قابليني بكره و انا هجبلك الفلوس _تُشكري جميلك فوق رأسي ........ =انتي متأكده انها جايه و هتقابلك هنا فالحته المقطوعه دي! _ا ايوه ما هي قالتلي و ادتني العنوان ده =البت دي مش مظبوطه ابتديت افرك في ايدي و اتوتر اكتر _بس هي قالتلي هتيجي =طب اي رأيك نقعد نستناها في حته و نشرب حاجه بصتله و انا تايهه _انا محتجاها اوي يا إبراهيم =هي اكيد جايه متقلقيش نزلني عند محل عصير و قعدنا ..جابلي عصير فراوله و هو جاب لمون =طب اشربي طيب _انا بتصل بيها مبتردش ليه =يمكن فصل شحن _ممكن تكون مش عوزه تيجي! سكت ف اتوترت و دموعي نزلت ..اتخض و قام قعد في الكرسي اللي جمبي =ط طب بتعيطي ليه طيب _انا كنت محتجاها اوي =هي هتيجي بس بطلي عياط طيب قوليلي محتاجه اي و انا تحت امرك كنت باصه فالأرض و بعيط..حط ايده علي ايدي و طبطب عليها بحنيه =طب كفايه عياط طيب..انا هتصرف بس متعيطيش بصتله بسرعه _هتعمل اي =قوليلي انتي عوزه اي طيب و انا هعمله _مش عوزه =محتاجه اي طيب..كفايه عياط..محتاجه هدوم..عوزه فلوس! بصتله تاني و بعدين بصيت الناحيه التانيه _عوزه اروح =اسمعي..انا ممكن اد*كي فلوس.... قولت بنفاذ صبر _عوزه اروح يا إبراهيم صوته عِلي و عقد حواجبه =ممكن تسمعي! صوته خشن اوي و انا بضايق من الصوت العالي و بتخنق كنت بعيط زي الأطفال =طب خلاص انا غلطان بس انتي مستفزه خلاص طيب اسمعيني سكت شويه =انا هد*كي فلوس و انتي يوم ما تحبي ترديهم هاخدهم منك _انا مش محتاجه =معلش خديهم و ابقي رديهم..طلع الفلوس من جيبه من غير ما يعدهم حطهم في شنطتي _انت بتعمل اي!لو سمحت خد فلوسك و روحني =مش هاخد..انا قولتلك ابقي رديهم..هو انا لو محتاج فلوس مش هتديهملي؟ _اكيد =طيب شوفتي بقي..امسحي دموعك خد كوباية اللمون من قدامه =اشربي ده عشان يروق دمك ...... "انت عمري اللي ابتدأ بنورك صباحه قد اي من عمري قبلك راح و عدي يا حبيبي قد اي من عمري قبلك راح ولا شاف القلب قبلك فرحه واحده ولا داق في الدنيا غير طعم الجراح" _منزلني دلوقت ليه! اتصل بيا الساعه ٩ بليل قالي انه تحت البيت..لبست اسدالي و انا بجري لتحت و كل فرحة الكون في قلبي =كنت عاوز اسألك عن كشك هنا اجيب منه سجاير _ايه! =ايه؟ _منزلني عشان سجاير يا ابراهيم! =لا عشان اشوفك يا ليلي _نعم؟ =مقولتليش مكان السجاير يعني! ........... =مالك! _مخنوقه و تعبانه! بص لأيدي اللي كانت زرقا من الضرب..مسكها و برق =اي ده سحبت ايدي بسرعه _مفيش =لا في _انا عوزه اتمشي =مين عمل في ايدك كده _يوووه بقي صوتي اتخنق و عيطت =طب خلاص بلاش مش عاوز اعرف..بس بلاش عياط طيب عشان خاطري يا ليلي متوجعيش قلبي _ده جمال اخويا =اخوكي يعمل فيكي كده _و ابويا و مرات ابويا و اخواتي اللي بصرف عليهم و كلام مرات ابويا اللي زي السم سكت ف كملت كلامي _انا تعبانه اوي يا ابراهيم..مش عوزه اقعد دقيقه في البيت ..تعبت من كتر م بجري و بش*ي و فالأخر بض*ب و بتهان زي الكلبه..جسمي كله بقي جروح ..من يوم ما أمي ماتت... سكت مكنتش قادره اكمل من العياط..فضلت اعيط و ايده بتطبطب علي كتفي و بيمسحلي دموعي..كنت بزعق و بتكلم و هو سابني لغاية ما تعبت ................. =بتبقي حلوه انتي لما تعيطي بصيت حواليا و انا بغير الموضوع _مش المكان ده غالي..حتي الشاي غالي هنا =مفيش حاجه تغلي عليكي يا سِت الناس ........ =مين ده _ده مدير الكوافير =و واقفه معاه كده ليه _بيقولي حاجه =يقولك حاجه جوا الزفت مش برا _انت بتتكلم كده ليه =انتِ شوفتي بيضحك معاكي ازاي _و انت مضايق ليه =يووووووووه .......... كنا بنخرج كل يوم تقريباً بحجة انه بيوصلني مكنش بيتحمل يشوفني مضايقه "ابتديت دلوقت بس احب عمري ابتديت دلوقت اخاف ل العمر يجري كل فرحه اشتاقها من قبلك خيالي التقاها في نور عنيك قلبي و فكري" _محبتش قبل كده يا إبراهيم كان سؤال جرئ ندمت اني قولته =لا .. من يوم ما امي ماتت و انا عايش لوحدي و مكنتش مركز غير في الشغل بس.. _بس اي =اتخ*فت _اتخ*فت! =جت خ*فتني و خ*فت قلبي بكل خفه _بتحبها؟ =اوي بس هي تفهم _غ*يه =اوي _طب ما تقولها! سكت و هو بيغير الموضوع _و انتِ!؟ _لا انا حبيت كتير اوي بس عمري ما اتحبيت =لا اتحبيتي _ايه! =قصدي ممكن تكوني اتحبيتي .... ٦ شهور مع بعض ..بنخرج و نجري و نضحك ..دخلت سينما لأول مره معاه..كل يوم كنت بجرب حاجه عمري ما جربتها..قلبي بيقولي اني واقعه في حبه..بس هو؟ لبست و نزلت و انا مقرره ان انا اللي هقوله..مش هستني يت**ر بقلبي تاني و لو رفض همشي من سكات بس يكون قلبي ارتاح و بطل اسئله دخلت الكافيه اللي بنقعد فيه دايماً..قلبي كان بيدق اوي..كنت مرعوبه =تشربي ايه _اي حاجه =مالك _كنت محتاجه اقولك علي حاجه =ااه يبقي عملتي مصيبه _لا يا إبراهيم بس.... =الله ما تقولي يا بت احنا هنقعد نزوق في الكلام! _ابراهيم انا بحبك. قولتها بسرعه و انا مغمضه عيني..فتحت عيني لقيته مصدوم =انتي اي اللي قولتيه ده! _فيها اي!اديلنا ٦ شهور مع بعض و.. =ايوه بس انا مش هقدر. _ليه يا إبراهيم! =عشان حجات كتير يا ليلي..انتي تستاهلي راجل احسن يصرف عليكي و يريحك..تستاهلي حد في مقامك و انا قليل عليكي _انا مش عوزه فلوس ولا كل ده..انا عوزاك انت..عشان خاطري يا إبراهيم حطيت ايدي علي ايده ..نفض ايده و قام وقف =يلا عشان اروحك _انت اندل و اوطي بني ادم شوفته في حياتي..انا مش عوزه اشوف وشك قصادي تاني سامع..و لو شوفتك هلم عليك الخلق كلهم و هخلي اللي ما يشتري يتف*ج خدت شنطتي و جريت من قدامه ............. رجعت لحياتي القديمه بكل تفاصيلها كنت عايشه حياتي و انا جوايا الف **ر بقيت اشتغل عدد ساعات اكتر عشان مفكرش فيه أسبوعين مروا كانوا زي السنتين و انا بعيده عنه =في عريس متقدملك يا بت _ماشي يا جمال خليه يجي مرفضتش المرادي..مش هفضل طول عمري مستنيه..انا كبرت و الناس بقت تتكلم عني في الرايحه و الجايه ............. =اهي عروستنا جت *بسم الله ماشاء الله زي القمر لبست فستان احمر هادي و طرحه سوده ..مزوقتش نفسي مكنتش قادره مشوفتش العريس بيقولوا انه نسي حاجه و نزل يجبها..اللهي ما يطلع و الجوازه تبوظ *انا ابقي عمته يا ليلي _اتشرفنا *زي العسل يا نجيه مرات ابويا بصتلي من تحت لفوق..و مردتش عليها ابويا قام و هو بيقول..=اهو العريس جه نسيبهم بقي شويه مع بعض طلعوا كلهم برا و سابوني معاه =طب اي هتفضلي باصه في الأرض كتير! صوته..هو صوته و ريحته..رفعت دماغي بسرعه و انا مش مصدقه كان لابس بنطلون اسود و قميص اسود ..جه قعد جمبي =وحشتيني بصيت بعيد و مردتش =طب انا اسف _........ =طيب.... _انا مش موافقه =لا انا مش جاي اخد رأيك انا جاي اتجوزك غصب عنك برضاكي مش فارقه _لا اصلك تستاهل واحده احسن =ملقتش حد يستاهلك غيري..انا اسف _فعلا!؟ =انا مكنتش ساكت ولا سيبتك زي ما انتي متخيله..انا كنت بجهز نفسي عشان اليق بيكي..انا بحبك يا سِت الناس _انا مش بحبك =لا بس الأحمر عامل شغل جامد ابتسمت.._احلف يعني حلو فيا =انتي لو لبستي اباجوره هتبقي بطل برضو قومت بسرعه.._هبلغك رأيي مع ابويا جريت من قدامه و انا سمعاه بيقول =يا عم الأحمر ميسبنيش و يمشي كده .............. =زي ما سمعتي ولا انا ولا ابوكي موافقين _ليه يا جمال =هو كده..جيبالي واحد معفن شغال سواق!بدل ما تجيبي باشا يصرف علينا _انا بحبه يا جمال =حبك برص _انا مش هتجوز غيره و اعلي ما في خيلك اركبه كان بيض*بني بأي حاجه تيجي قدامه..كنت بصوت و بزعق و محدش نجدني ............... اتصلت بيه و نزلت اقا**ه ...كان مستنيني تحت البيت اول ما شوفته جريت عليه..اترميت في حضنه و فضلت اعيط =اي اللي حصل و اي اللي في وشك ده _ت تعالي نهرب يا ابراهيم و اتجوزني انا مش عوزه اتجوز غيرك =هتجوزك و الله هتجوزك مين قال غير كده _جمال مش موافق =جمال! سحبني من ايدي و طلعنا فوق ..كان بيخبط علي الباب كأنه هي**ره..مرات ابويا فتحت زاحها بعيد *في اي يا بت بزعيق=فين المحروس ابنك طلع جمال من الاوضه و هو بيشرب سيجاره كالعاده ببرود *الله انتي لحقتي تقوليله يا محروسه و... قبل ما يكمل كلامه كان ابراهيم بيض*ب فيه بكل عنف =و رحمة امي لو حد قربلها لغاية م نتجوز لاقصف عمره قرب من ابويا و عينه بتطلع شرار =انا محبتش امد ايدي عليكي لأنك راجل كبير لكن لو.. *من غير لو يبني محدش هيقرب منها و لو عاوز الفرح انهرده قبل بكره انا موافق بس كفايه يبني دخلت اوضتي بعد ما مشي..و انا طايره من الفرحه كنت حاسه ان حقي اتاخد من بعدها محدش قدر يكلمني منهم تاني ..جمال كان بيخاف يرفع عينه فيا .................. "يا حياة قلبي يا اغلي من حياتي ليه مقابلتش هواك يا حبيبي بدري" _مش بتزهق من السِت! كنا قاعدين في البلكونه زي كل يوم بعد الأكل....مسك كوباية الشاي من ايدي =اعترفي انك بقيتي تحبيها! _حبيتها عشانك شرب من الكوبايه =نسيتي و حطيتي صباعك في الشاي ولا اي _لا و ربنا..ليه هو وحش! =اصله مسكر اوي ضحكت بصوت عالي ..قرب مني و مسك ايدي و باسها .. ابتسمت و غنيت مع السِت و هي بتقول "اللي شوفته قبل ما تشوفك عنيا عمر ضايع يحسبوه ازاي عليا!"
Free reading for new users
Scan code to download app
Facebookexpand_more
  • author-avatar
    Writer
  • chap_listContents
  • likeADD