العاصي (الجزء الثالث)

2219 Words
فلاش باك بعد الاجتماع بتاع الوزير الاعظم .... رجع جمع الرجاله اللى اصلا مكلفهم بمراقبة اسر وخالد لانه مستنى من زمان يخلص منهم وامرهم انهم يكثفوا المراقبه عليهم ويعرفوا هما بيفكروا فى ايه وبعدها بيومين كان قاعد والمحامى دخل عليه مهيب صقر : عملت ايه المحامى : كله تمام يا ريس عرفت هيهربوا ازاى من البلد مهيب صقر : ازاى المحامى : هما حجزوا فى المطار على رحلة فرنسا علشان يتوهوك .... لكن من ناحيه تانيه هيسافروا من ميناء اسكندريه على اليونان بورق مضروب ... ودى بيانات الورق اللى معاهم ومعاد السفر بالظبط مهيب صقر : كده تمام .... يبقى هتجهز رجالتك وتلبسوا لبس قوات خاصه وتجيبوهم من الميناء المحامى : طب ليه مانجيبهمش دلوقتى ونخلص مهيب صقر : لاكتر من سبب ... اولهم ان الاوامر لسه ماجتش .... تانى حاجه ودى الاهم بالنسبالى فى ورق مهم اكيد هيخرج بيه الورق ده يلزمنى .... لكن هستفاد ايه دلوقتى لو جبته وملقتش معاه الورق .... اصل انتوا لو فالحين كنتوا عرفتوا الفيلا اللى بيحط فيها حاجته المحامى : حاولنا كتير يا ريس اننا نوصلها بس معرفناش مهيب صقر : خلاص روح شوف شغلك عوده من الفلاش باك مهيب صقر : ايه رائيك فى ذكائى اسر : لا استاذ وتستاهل تبقى الوزير مهيب صقر : سيبك من الكلام الفاضى ده ويلا نخلص اللى ورانا علشان معاد نومى جيه وخلص معاهم كل حاجه واتنازلوا عن كل حاجه يملكوها للحصان الاسود مهيب صقر : احنا كده يعتبر خلصنا بس فاضل اخر حاجه .... معلش انا عارف انى تعبتكم معايا اسر : خير عاوز ايه تانى مهيب صقر : لا متشغلش بالك انت ..... يا ناصر خلص عليهم كلهم ناصر : امرك يا ريس اسر : انت مش قولت انك هتسيبنا مهيب صقر : ههههههه انت صدقت .... ده حتى فى تار قديم بينى وبينك ومعاده جيه ولا انت نسيت .... نسيت صاحب عمرى اللى قتلته بدم بارد وهو وعايش احلى ايام حياته اسر : هو ده قانون اللعبه وصاحبك كان عارف الكلام ده كويس مهيب صقر : ممكن تقولى ايه هو قانون اللعبه ده علشان مش فاكره اسر : صاحبك عرف اكتر من اللازم وبعد ما **ب من ورانا فلوس ما تتعدش قرر يعتزل من دماغه فكان لازم نخلص منه مهيب صقر : يبقى انت اللى حكمت على نفسك اسر : قصدك ايه مهيب صقر : انت عرفت اكتر من اللازم وخونت المنظمه وكنت عاوز تهرب يبقى لازم يتنفذ فيك قانون اللعبه اسر : بس انت وعدتنا انك هتسيبنا مهيب صقر : انا وعدت انى هسيبكم بس هسيبكم جثث .... وكمان وعدت قبلكم مرات صاحبى وابوه انى هجيبلهم حقهم لحد عندهم .... يرضيك اطلع مش قد كلمتى اسر : بس اللى انت ماتعرفهوش ان مرات صاحبك مش بريئه مهيب صقر : عارف انها معاك بس دى لسه وقتها مجاش اسر : ابوس رجلك السماح وفجأه هما وبيتكلموا سمعوا صوت الرصاص من الاوضه اللى فيها متولى .... الرجاله جريت بسرعه لقيوا يمنى قتلت متولى .... ثبتوها واخدوا سلاحها وجابوا ماجده وقعدوهم على الكراسى مهيب صقر : ايه اللى انتى عملتيه ده يمنى : متسألش كتير اقتلنا وانت ساكت مهيب صقر : يعنى انتى عارفه انك ميته يمنى : انا عارفه انى ميته من زمان .... انا ميته من يوم ما ابويا وامى واخويا كانوا بيستخدمونى زى ما بيستخدموا اى واحدة رخيصة علشان مصالحهم .... انا ميته من يوم ما ابويا طمع فيا ونام معايا ومفرقش معاه انى بنته اللى المفروض يحافظ على شرفها .... انا ميته من يوم ما الانسان الوحيد اللى انا حبيته سابنى وراح لغيرى ..... انا فى كل الحالات ميته سواء انت اللى قتلتنى او غيرك كده كده مش فارقه بالنسبالى مهيب صقر : هههههه برافو يا فنانه بصراحه اداء رائع عارفه لولا ان النهارده اخر يوم فى عمرك كنت فتحتلك شركة انتاج وعملتلك فيلم مخصوص ونسميه مذكرات رخيصة يمنى : ليك حق تتريق مهيب صقر : المسلسل ده تعمليه على اى حد غيرى لانى انا اكتر واحد حافظك كويس وفاهمك .... انتى اللى دخلتى نفسك فى شغل ابوكي يمنى : الكلام ده كله كدب مهيب صقر : يا حبيبتى انتى لما بتسكرى بتقولى كل اللى جواكى ومش بتعرفى تسيطرى على نفسك يمنى : ..... مهيب صقر : ايه ساكته يعنى .... عارفه ان كل الكلام اللى قولته صح .... على العموم وقت الكلام عدى وفات ..... خلص يا ناصر ناصر : حاضر يا ريس وقتل مهيب صقر كل الموجودين وبعد كده بعت الجثث للوزير الاعظم يشوفهم تانى يوم مهيب صقر طلع على بيت سيف ..... سميه اول ما شافت مهيب صقر ارتبكت شويه بس لحقت نفسها ورحبت بيه ودخلته البيت مهيب صقر : ازيك يا سميه واحشانى سميه : ازيك انت مهيب صقر : اهو ماشى الحال سميه : قلبى عندك فى اللى حصل لسليم مهيب صقر : مقدر ومكتوب .... المهم انتى اخبارك ايه انتى وابنك سميه : كويسين مهيب صقر : امال حماكى فين سميه : نايم فوق فى اوضته مهيب صقر : طب ممكن تطلعى تصحيه سميه : خير فى حاجه مهيب صقر : لا بس عاوز اتطمن عليه بقالى فتره ماشوفتهوش سميه : حاضر هطلع اصحيه وطلعت سميه صحت حماها ونزلت ابو سيف : اذيك يابنى عامل ايه مهيب صقر : اهو ماشى الحال ابو سيف : مش هقدر اعزيك غير لما تاخد بتارك مهيب صقر : بس انا جاى اعزيك النهارده ابو سيف : قصدك ايه يابنى مهيب صقر : انا خلاص عرفت مين اللى عمل كده فى سيف واخدت بتارنا ابو سيف : مين اللى عمل كده يابنى مهيب صقر : الزفت اللى اسمه اسر ابو النجا ابو سيف : وهو فين مهيب صقر : خلاص تعيش انت ابو سيف : انت بتتكلم بجد يابنى مهيب صقر : بس للاسف فى شخص تانى مشترك معاه فى الجريمه انا مقدرتش اعمله حاجه ابو سيف : مين ده وانا اخلص عليه بايدى مهيب صقر : اللى عمل كده شخص قاعد معاك على طول ابو سيف : مين ده يابنى ريحنى مهيب صقر : سميه مرات ابنك هى شريكة اسر فى الجريمه سميه : انت بتخرف بتقول ايه ابو سيف : ليه يابنتى عملتى كده سميه : عملت ايه يا عمى ده بيكدب مهيب صقر : لا مش بكدب وانتى عارفه كده كويس ابو سيف : ايه دليلك يابنى على الكلام ده مهيب صقر : انا من يوم اللى حصل وانا حاطط سميه تحت المراقبه .... هى كانت عارفه المراقبه وبتهرب منها ... لحد فى مره اترصدت وهى بتقابل اسر .... ده غير اعتراف اسر قبل مايموت ان هى اللى كانت بتنقل كل اخبار سيف .... انا دلوقتى عملت اللى عليا وخلصت على اسر .... سميه دى مش اختصاصى ..... وعلى فكره علشان اريح ضميرى قرار موت سيف سميه ملهاش دعوه بيه لان القرار كان اكبر منها ومنى وانت عارف انا اقصد ايه بالكلام ده .... سميه الغلطه الوحيده اللى عملتها انها كانت عارفه مين اللى عمل كده ابو سيف : انت كده عملت اللى عليك يابنى .... وحياتك الباقيه مهيب صقر : عن اذنك ابو سيف : اتفضل يابنى بعد ما مشى مهيب صقر ابو سيف : تقدرى تفهمينى ايه اللى حصل سميه : اللى حصل ده انت السبب فيه واذا كان فى حد قتل سيف يبقى انت ابو سيف : انا اللى قتلت ابنى سميه : ايوه انت اللى قتلته ..... من يوم ما دخلته فى طريق الموت اللى دخل فيه .... بس انت كنت فرحان بالفلوس اللى ملهاش اخر ونسيت ان يوم ما سيف هيقرر يبطل شغل هيبقى اخر يوم فى عمره .... ماتجيش تحاسبنى على حاجه مش بايدى .... انا لو ماسكتش على الى حصل كان زمانى محصله سيف انا وابنى بنفس الرصاصه اللى اتقتل بيها ..... انا من يوم ما اتجوزت ابنك وانا عايشه فى قلق ورعب كل يوم ..... بقيت بخاف اصحى من النوم الاقى حد عاوز يقتلنى عرفت بقى مين السبب فى موت سيف ابو سيف : جايز يكون عندك حق .... طب ليه مقولتليش علشان الحقه سميه : انا نفسى اتفاجأت بسيف بيقولى هيسيب الشغل وفى وقتها اتقتل وبعدها لما عرفت مين اللى عمل كده وهو عرف انى عارفاه جانى وهددنى انه هيقتلنى انا وابنى لو اتكلمت ابو سيف : انا دلوقتى المفروض اقتلك .... بس علشان ابنك انا هسيبك تعيشى ... مش عاوز الولد يطلع يتيم الاب والام بسببى سميه : متفتكرش انك بتريح ضميرك بالكلمتين دول .... لا انت السبب فى موت ابنك زيك زى اللى نفذ بالظبط ابو سيف ساب سميه وطلع اوضته .... وحبس نفسه فى الاوضه وقعد يعيط على ابنه وعلى اللى حصل والضغط والسكر ارتفعوا عليه وجاتله جلطه واتنقل المستشفى وهناك دخل فى غيبوبه نرجع عندى انا اخدت كام يوم بعد كده ما بخرجش من الشقه خالص واتاكدت ان انا خلاص مش متراقب لحد ماصحيت فى يوم على اتصال من باسم انا : ازيك يا سطا واحشنى باسم : انت اخبارك ايه انا : انا تمام .... ايه مش هشوفك باسم : كلها كام يوم وانزل القاهره .... خلاص ابويا اشترى شقه فى المعادى وهننقل بعد كام يوم انا : طب كويس علشان نبقى مع بعض فى الاجازه علشان انا عندى ملل من ساعة ما انت سافرت باسم : انت بتكلم يمنى انا : لا انا ويمنى سبنا بعض خلاص باسم : ليه ايه حصل انا : لا مفيش حاجه بس اختلفنا مع بعض باسم : امتى اخر مره شوفتها انا : مشوفتهاش من اسبوعين .... بس اخر مره اتكلمنا فيها من اسبوع تقريبا ... انت ليه بتسال كده هو فى حاجه باسم : انت متعرفش اللى حصل انا : لا معرفش هو فى ايه باسم : يمنى وعيلتها كلهم ماتوا انا : ايه ده ازاى حصل باسم : حصل حريقه عندهم فى الفيلا من يومين وكل الموجودين ماتوا انا : انا اول مره اسمع الكلام ده منك دلوقتى باسم : زى مابقولك كده .... انا كنت بكلم اكرم ابن عمى من شويه وقالى على الخبر ده انا : يلا ربنا يرحمهم .... المهم انت هتنزل القاهره امتى باسم : على اخر الاسبوع كده انا : تيجى بالسلامه بعد ما قفلت مع باسم اتصلت بالظابط طارق انا : ازيك يا باشا طارق : اذيك يا دياب انا : انا تمام .... فى خبر لسه سامع بيه دلوقتى طارق : خير يا دياب انا : انا سمعت ان اسر وعيلته ماتوا طارق : ايوه صح ومعاهم خالد انا : طب والحريقه دى صدفه ولا بفعل فاعل طارق : لسه مش عارفين لان الطب الشرعى اثبت ان الحريقه بسبب ماس كهربائى بس هما قبل الحادثه بكام ساعه اتخ*فوا من ميناء اسكندريه ... على العموم انت دلوقتى تقدر تتحرك براحتك خلاص مفيش اى خطر على حياتك انا : تمام يا فندم بعد ما طارق قفل معايا الخط كان سرحان وقاعد فى بيت ابوه ( سعد الجارحى ) وفى عز ماهو سرحان دخل عليه ابوه سعد : هتفضل قاعد كده كتير طارق : شويه كده وهنزل اروح المدريه سعد : انا مش بتكلم على الشغل طارق : امال تقصد ايه يا بابا سعد : انا اقصد بيتك ومراتك طارق : ياريت يا بابا منتكلمش فى الموضوع ده دلوقتى سعد : يابنى استحمل مراتك شويه طارق : استحملها لحد امتى سعد : لحد ما ناخد بتارنا طارق : انت مصدق نفسك يا بابا سعد : قصدك ايه طارق : احنا ملناش تار عند مهيب صقر ..... دى كدبه احنا بنقنع نفسنا بيها علشان نخلص منه سعد : لا مش كدبه .... مهيب صقر هو اللى قتل خيرى النجار طارق : تقدر تقولى قتله ليه سعد : ..... طارق : ساكت ليه مابتردش ..... انا هقولك الكلام اللى نفسى تسمعه منى من سنين .... حمايا المحترم كان اكبر مهرب فى البلد .... كان بيسهل تهريب السلاح والم**رات والاثار ... حمايا المحترم كان بيعمل صفقات مشبوهه كتير وطبعا كل الشغل ده بمساعدتنا احنا الاتنين ... حمايا المحترم حول الشغل الكبير المدروس لحرب عصابات وتصفية حسابات وطبعا الناس بره مش عاجبها الكلام ده لانه بسبب انتقام شخصى ضيع صفقات كتير ..... علشان كده قرروا يخلصوا منه ..... ومكانش قدامهم غير مهيب صقر علشان يحطوا ايدهم فى ايده ويخلصوا بيه من حمايا المحترم قبل الدنيا ما تخرب اكتر واكتر ..... يعنى من الاخر كده مهيب صقر ده كان مجرد السلاح اللى نفذ .... وانت تحمد ربنا ان انا وانت كنا شغالين فى الضل ومحدش يعرف عننا حاجه وإلا كان زمانا انا وانت مدفونين معاه فى المكان اللى مدفون فيه سعد : خلاص يا طارق كفايه طارق : انا بقول برضه كفايه سعد : طب ومراتك ذنبها ايه فى كل ده طارق : مراتى بتحاسبنى على حاجه مليش ذنب فيها ..... انت عارف كويس ان لا انا ولا انت قد مهيب صقر ..... انا كل اللى بعمله انى بنخور وراه يمكن اثبت عليه حاجه بس برضه انا متاكد انى لو عرفت اثبت عليه حاجه مش هعرف اخد منه حق ولا باطل وانت عارف كويس انا قصدى ايه سعد : طب علشان خاطرى صالح مراتك هى محتجالك دلوقتى طارق : وانا كمان محتاجلها سعد : خلاص يابنى روح اقعد معاها وحلوا مشاكلكم مع بعض طارق : حاضر يا بابا سعد : هتروح امتى طارق : بكره كده ولا بعده سعد : خلاص براحتك ..... خلينا فى الشغل طارق : خير فى حاجه سعد : عملت ايه فى صفقة السلاح الجديده طارق : متقلقش كل شئ تمام والاستلام على اول الشهر سعد : طب تمام كده طارق : انا خارج .... عاوز حاجه سعد : هتتاخر بره طارق : مش عارف ..... ليه فى حاجه سعد : لا مفيش حاجه بسأل بس طارق : بتسأل ولا معاك سهره سعد : وانت مالك يا اخى طارق : على العموم انا احتمال كبير ابات بره سعد : ايه معاك شغل ولا سهره طارق : وانت مالك يا اخى سعد : يعنى بتردهالى .... ماشى بس لو هترجع بدرى كلمنى طارق : حاضر ...... سلام دلوقتى بالليل طارق بعد ماخلص شغله راح الكباريه يدور على سمر ملقيهاش وسأل عليها رشاد طلع رشاد ميعرفهاش ومفيش واحده بتشتعل عنده بالمواصفات دى بعدها راح الفيلا بتاعتها ملقهاش وكانت الفيلا مقفوله #############
Free reading for new users
Scan code to download app
Facebookexpand_more
  • author-avatar
    Writer
  • chap_listContents
  • likeADD