PART 1 Sa awa at pagmamahal ni Dani sa kanyang Ate Kara, tinulungan niya itong makatakas sa kasal nito kay Chris. Tapos nagpanggap ang dalaga na siya ang ate niya sa araw mismo ng kasal ng dalawa. Nang malaman ito ni Chris, binantaan siya nitong gagawing impiyerno ang buhay niya. Natakot man si Dani sa banta ng binata sa kanya, pinanindigan pa rin niya ang pagpapanggap. Natuloy ang kasal nila ni Chris. Ngunit katulad nang ipinangako nito, naging impiyerno ang buhay niya sa piling nito. Hindi asawa ang turing nito sa kanya, kung hindi isang alila. Tiniis niya ang lahat dahil mahal niya si Chris noon pa man. Pero nang mahuli niya ang asawa na may kasiping na ibang babae, bigla siyang natauhan. Nagpasya siyang umalis at nagpakalayo-layo. Ngunit hindi nagtagal nalaman niyang buntis siya. Natuwa siya dahil kahit paano may alaalang maiiwan sa kanya si Chris kahit hindi siya nito minahal. Lumipas ang limang taon, nagkrus ang landas nila ng dati niyang asawa. May-ari pala ito ng pabrikang pinapasukan niya. Nagpanggap siyang hindi niya ito kilala dahil sa takot na parusahan siya nito at bawiin ang anak nila sa kanya. Pero makulit ang dati niyang asawa at sinusuyo pa siya nito. Hindi niya tuloy alam ang gagawin niya. Aaminin ba niya ang totoo? O gagamitin niya ang pagkakataong ito para gumanti sa lahat ng kasalanan nito sa kanya noon? PART 2 Bata pa lang si Steph, very vocal na siya sa pagsasabing crush niya si Josh, ang nag-iisang anak ng bestfriend at business partner ng papa niya. Tinatawanan lang naman siya ng binata lalo na at ang layo ng gap nila. Sampung taon ang tanda nito sa kanya. Nang tumuntong si Steph ng eighteen, laking tuwa niya dahil nagkasundo ang mga magulang nila na ni Josh na ipakasal sila sa isa't isa. Akala niya magkakaroon na siya ng happily ever after na lovelife ngunit noong araw ng kasal nila, walang dumating na Josh. Tinakasan siya nito nang wala man lang pasabi. Kahit ang sarili nitong magulang, hindi alam kung saan ito nagpunta. Sa galit niya, isinumpa niya ito at ang pesteng pag-ibig. Makalipas ang pitong taon, muling nagkita sina Steph at Josh. Si Steph naman ngayon ang hinahabol ni Josh. Pero walang balak magpahabol ang dalaga. Mas gugustuhin na raw niyang maging single kaysa patulan pa ang binatang minsan nang nang-iwan sa kanya. Mapapanindigan kaya ni Steph ang binitiwan niyang salita? Ano ang dapat gawin ni Josh para makuha ang puso ng dalaga?

Nakatakdang ikasal si Leamor sa lalaking pinili ng mag-asawang umampon sa kanya. Pero bago dumating ang araw ng kasal ay tumakas siya. Napadpad siya sa Manila at napilitang maghanap ng trabaho para buhayin ang sarili. Pinalad naman siyang makapasok bilang intern sa isang manufacturing company na nag-e-export ng mga banana products. Unang araw pa lang niya sa trabaho nang aksidenteng madulas siya sa harapan ng isang lalaki. Tumaas pa ang suot niyang bestida kaya nakita ang suot niyang underwear. Naiinis siya dahil hindi man lang siya tinulungan ng lalaki na makatayo. Sa buwisit ni Leamor ay minura niya ang lalaki. "Bastos ka, ah! Guwapo ka nga, wala namang modo! Mabulag sana iyang mata mo!" litanya niya bago niya ito tinalikuran. Pagdating niya sa opisina kung saan siya papasok ay inutusan siya agad ng boss niya na magtimpla ng kape at dalhin ito sa opisina ng CEO. Agad naman siyang sumunod. Pero laking gulat niya nang madatnan ang lalaking inaway niya na nakaupo roon. Oh no! Gusto niyang hilingin na sana lumubog na lang siya sa kinatatayuan niya o kaya'y lamunin siya ng lupa. Pero mas nagulat siya sa sinabi nito. "You are an intern, right? Can you be my secretary for the day?" Tango lang ang naisagot niya pero sana naglakas loob siyang tumanggi dahil dito na pala magsisimula ang masalimuot niyang love story. Ang pinakamalala nito ay hindi niya napigilan ang sariling ma-in love rito. Mahal din naman siya ni Joel. Pero ipinagbabawal sa kompanya ang makipagrelasyon sa kapwa empleyado. Kaya naging lihim ang kanilang relasyon. Gusto sana niyang mag-resign pero ayaw pumayag ni Joel. Mas nadagdagan pa ang problema niya nang dumating ang ex-girlfriend nito at gustong makipagbalikan sa boss niya. Gusto sana niyang ipaglaban ang pagmamahal niya rito ngunit tutol sa relasyon nila ang lahat ng nakapaligid sa kanila kahit ang mga magulang nito. Lalo siyang pinanghinaan nang malaman niyang ikakasal na ang nobyo niya sa ex nito. Inamin nitong business deal lang ang kasalang magaganap at mananatili pa rin ang kanilang lihim na relasyon. Papayag ba siyang maging kabit na lang? O palalayain na niya si Joel kahit masakit sa kanya dahil iyon ang tama at mabuti?

-#Tagalog Writing Contest-My Dangerous Lovers #SummerUpdateProgram Para hindi tuluyang mawala ang iniwang bahay at lupa ng kanyang mga magulang, napilitang pumayag si Stella na magpakasal kay Mr. Ramil Callanta na presidente ng United Bank kung saan nakasanla ang mga ari-arian na minana nila ng Ate Lyla niya. Halos tatlong dekada ang agawat nila ng matandang biyudo. Forty-eight na ito samantalang eighteen lang siya. Wala naman siyang gaanong naging problema sa piling ng napangasawa niya dahil mabait naman si Ramil. Ibinibigay din nito ang lahat ng pangangailangan niya mula sa pera, alahas, damit, at lahat ng luho. Hindi rin siya nito pinipilit na makipagtalik dahil bata pa raw siya. Kaya hanggang halik sa noo, ulo, at kamay lang ang ginagawa nito sa kanya. Akala niya ay wala na siyang magiging problema pa. Ngunit makalipas lang ang mahigit isang buwan, biglang dumating si Rodel, ang kaisa-isang anak ni Ramil. Nakapagtatakang hindi naman galit si Rodel sa kanya. Magiliw pa nga ito sa kanya at tinatawag pa siyang mommy. Pero sa paglipas ng mga araw, wala itong ginawa kung hindi ang akitin siya sa disimuladong paraan. Kahit anong iwas ang gawin niya tukso naman laging lumalapit sa kanya ang binata na mas matanda pa sa kanya ng pitong taon. Pilit niyang pinipigilan ang sarili ngunit sadya yatang makapangyarihan ang laman. Minsan nalasing siya nang mag-birthday si Ramil, nagising na lang siyang hubo't hubad sa ibang kama at kasama pa si Rodel. Wala pa namang nangyayari sa kanila maliban sa halik ngunit nang yakapin sa ni Rodel ay nag-init ang buo niyang katawan dahil sa pagkakadikit ng kanilang mga hubad na katawan. Nang damhin nito ang kanyang buong katawan ay bumagsak lahat ng depensa niya sa katawan. Kusa niyang ipinagkaloob ang kanyang puri na iniingatan. Dito na nagsimula ang lihim nilang relasyon. Habang tumatagal unti-unti nang nahuhulog ang loob ni Stella kay Rodel. Pero natatakot siya kung saan hahantong ang kanilang bawal na relasyon. Paano kapag nalaman iyon ni Ramil? Ipagtatanggol kaya siya ni Rodel? O hahayaan lang na mag-isang magdusa? Saan siya pupulutin kapag nabunyag ang lihim nilang relasyon?

Bata pa lang si Lyla Marie Tembreza nang ipagkasundo siya ng mga magulang niya kay Jak Edcel Lumbera na anak ng kaibigan ng kanyang ama. Makalipas ang limang taon, namatay ang mga magulang niya. Iniwan sa kanila ang napakaraming utang. Hiningi ng pinagkakautangan ng kanyang mga magulang ang kanyang nakababatang kapatid bilang pambayad. Noon din lang niya nalaman na ipinagkasundo pala siya ng kanyang magulang. Para iligtas ang kapatid, napilitan siyang hanapin ang mga magulang ni Jak upang humingi ng tulong. Pumayag ang mga ito na bayaran ang utang ng mga magulang niya para makauwi ang kapatid niya. Bilang kapalit, pakakasalan at pakikisamahan niya si Jak sa loob ng isang taon. Hindi niya inakalang magiging bangungot pala ang buhay niya sa piling ni Jak. Galit na galit ito sa kanya at malamig ang pakikitungo. Tanging sa ibabaw lang ng kama sila magkasundo. Ngunit bago matapos ang isang taon, hiniwalayan siya ni Jak. Wala siyang nagawa kung hindi umalis na durog ang puso at bitbit ang lihim ng kanyang pagbubuntis. May pag-asa pa kayang magkabalikan sila ni Jak? Mabubuo pa kaya ang pamilyang inaasam niya? O itatapon na lang niya sa hangin ang lahat ng pangarap at pagmamahal niya sa lalaking singtigas ng bato at singlamig ng yelo ang puso?

Nagkagusto na agad si Elaine kay Enzo noong una pa lang niyang makita ang binata. Ngunit sa kasamaang-palad ang pinsan niyang si Regine ang nagustuhan ni Enzo at niligawan. Naging nobya nito ang pinsan niya. Sa sama ng loob niya, tumanggap din siya ng manliligaw. Nakahanap naman siya ng lalaking magmamahal sa kanya ngunit sadya yatang hindi maganda ang kapalaran nya sa pag-ibig. Isang linggo bago ang kasal nila ni Lyndon nahuli niyang nakikipagtalik ito sa dating nobya. Nakipag-break siya rito at bigla na lang nagdesisyon na magbakasyon sa Pilipinas. Sinundan naman siya ng boyfriend at ginawa pang hostage ang kababata niyang si Bettina para lang balikan niya ito. Mabuti na lang dumating si Enzo at iniligtas sila nito. Bilang pagtanaw ng utang na loob nagkipagkasundo ang mga magulang niya sa magulang ni Enzo na ipakasal silang dalawa. Matutuwa na sana si Elaine dahil matutupad na rin ang pangarap niyang mapangasawa ang lalaking totoong minamahal niya. Ngunit nalaman niyang katawan lang niya at anak ang habol ni Enzo sa kanya. May pag-asa pa kayang mahalin siya ni Enzo o hanggang pangarap na lang iyon? Paano ba niya mapupunan sa puso nito ang puwang na iniwan ng pinsan niyang si Regine?

BLURB #SummerUpdateProgram May lihim na galit si Ira sa mga lalaki magmula nang iwan siya ng fiancé niya sa mismong araw ng kanilang kasal. Hindi naman siya manhater pero galit lang talaga siya sa mga lalaki lalo na sa mga guwapo. Kaya naman noong una makaharap niya si Xyrus, ang bagong security guard ng eskuwelahang pinapasukan niya, ganoon na lang ang inis niya sa makulit na lalaki. Nadagdagan pa ang pagkainis niya rito nang araw-araw siyang may nadadatnan na bulaklak at pagkain sa kuwarto niya. Sinisi niya ang lalaki dahil ito lang naman ang may hawak sa susi ng kanyang kuwarto. Katuwiran naman ng lalaki ay iniutos lang daw iyon ng hindi nito kilalang tao. Ngunit hindi nagtagal ay nadiskubre niyang galing pala mismo kay Xyrus ang mga bulaklak at pagkain. Pero nang kapain niya ang puso kung may galit siyang naramdaman ay saka niya na-realize na nawala na pala ito. Unti-unting tinibag ng binata ang galit niya sa mga kalahi nito. Maayos na sana ang lahat ngunit isang lihim ang magpapabago sa kapalaran nila. Magagawa pa ba nilang patuloy na mahalin ang isa-isa’t kung may taong masasaktan at magagalit dahil sa relasyon nila? O ituturing na lang nilang kaaway ang isa’t isa at isasantabi ang pag-ibig na nararamdaman?

Nang mamatay ang mga magulang ni Lian ay nanganganib na bumagsak din ang kanilang business. May nagtangkang mag-take over dito. Ngunit gusto ni Lian na siya ang mag-manage pa rin ng negosyo. Nang malaman niyang si Melvin, ang binasted niyang manliligaw, ang may planong mag-take over ay napaisip siya kung hahayaan na lang ang negosyo nila na i-manage nito o ipaglalaban niya ang karapatan? Lalo siyang naguluhan nang sabihin ni Melvin na papayag lang ito sa gusto niyang mangyari kung payag siyang maging girlfriend o asawa nito ng isang taon. Pikit mata niyang tinanggap ang kondisyon kahit labag sa kanyang kalooban. Bahala na kung anong mangyari basta ang importante, sa kanya pa rin mapunta ang pinakamataas na posisyon sa kanilang family business.

GIRL POWER: Ang Paghihiganti ng Babaeng Sawi Entry Hindi akalain ni Jenezel na ang sobrang pagmamahal niya kay PJ ay magdudulot sa kanya ng kasawian. Kaya nang magising siya sa isang ospital ay naisip niyang gumanti rito. Nagpanggap siyang walang halos maalala sa kanyang nakaraan. Nang iuwi siya ni PJ sa bahay nila ay sinimulan na niya ang planong paghihiganti. Ginawa niya ang lahat para pasakitan si PJ at maiganti ang sarili. Hanggang saan aabutin ang paghihiganti ni Jenezel? May puwang pa ba sa puso niya ang pagpapatawad kung punong-puno ng poot ang kanyang pagkatao? May pag-asa ba na maayos pa ang pagsasama nila ni PJ? O hahayaan na lang ni Jenezel na mawasak ito tulad din nang pagkawasak ng pagkatao niya?

Meet Ferdinand Richard Fernandez, sikat na basketball player, guwapo at matangkad. Gusto niyang magka-girlfriend pero nahihiya naman siyang manligaw. Kaya noong magkaroon ng pustahan ang mga kaibigan niya, agad siyang pumayag sa pag-asang makahanap din siya ng magiging girlfriend. Here comes, Maria Isabella De Cordova, ang sikat na taekwondoin ng SMU, mestisa at maganda. Nilalayuan ng mga lalaki dahil mas siga pa ito kaysa sa tunay na lalaki. Nang makita siya ni Richard sa Valentine's Party ng College of Engineering, hindi na siya nito tinantanan. Hindi naman naniniwala si Isabella na seryoso si Richard sa kanya kaya hinamon niya ito sa isang taekwondo match. Nang manalo si Richard, wala nang nagawa si Isabella kundi pumayag na maging girlfriend nito. Ngunit sa hindi inaasahang pangyayari, nalaman ni Isabella ang tungkol sa pustahan nina Richard at ng mga kaibigan nito. Nakipag-break siya agad kay Richard at kahit anong suyo nito sa kanya ay ayaw niyang makipagbalikan dito. Pero sadyang mapaglaro ang tadhana, kung kailan nakahanda na si Isabella na tanggaping muli si Richard ay saka naman ito biglang nawala na parang bula. May pag-asa pa kayang magkita sila o tuluyan nang magkakahiwalay? Paano kung ang dahilan pala nang pag-alis ni Richard ay may kinalaman sa lihim nitong itinatago? Magagawa pa kaya niya itong tanggapin kung sakali?

Czerinne Khrysstyna Gonzales Del Valle is a certified manhater. Para sa kanya ang lahat ng lalaki ay walang gagawing mabuti. Ang tunay niyang ama ay iniwan silang magkakapatid noong maliit pa sila. Ang stepfather naman nila tinatrato sila na para bang walang kuwentang tao. Ang napangasawa ng panganay niyang ate ay nambubogbog ng babae. Kaya kahit maraming nanliligaw kay Khrysstyna ay wala siyang sinagot kahit isa. Isang araw biglang nakipagtanan ang pangalawa niyang ate upang takasan ang kasal nito sa anak ng amo ng stepfather nila. Napilitan si Khrysstyna na akuin ang responsibilidad ng kapatid para hindi ang bunso nila ang sapilitang ipakasal ng kanilang stepfather. Nang makaharap niya ang lalaking ipapakasal sa kanya ay inalok niya rito ang sarili niyang katawan upang umurong sa kasal. Ayaw pumayag ni Edrian Mark, ang tagapagmana ng hotel magnate na si Don Edgardo De Castro. Katwiran nito makukuha rin naman daw nito ang puri niya kapag ikinasal sila. Ngunit nang magkasama niya si Edmark ay iba ang ipinakita nito. Ginagabi ito sa pag-uwi. Hindi rin siya nito kinakausap o kinikibo. Kahit yata maghubad siya sa harapan nito ay hindi siya papansinin ng loko. Makalipas ang isang buwan ay nagpunta ng Amerika si Edmark. Pagbalik nito ay bigla na lang itong bumait. Hatid-sundo siya nito sa kanyang trabaho. Tinatawagan din siya para lang kumustahin kung kumain na ba siya. Ipinagluluto pa siya nito. Pinagbabawalan din siyang magsuot ng maiikli at seksing damit. Unti-unti nitong tinitibag ang maling paniniwala niya sa mga lalaki. Ngayon ay nanganganib hindi lang ang kanyang puri kundi pati ang puso niya. Panahon na ba para itapon niya sa hangin ang pagiging manhater niya?

Kilala ang sikat na ramp model na si Hershelle Daze Gonzales bilang playgirl dahil iba-iba ang lalaking kasama nito sa tuwing humaharap sa press. Ngunit ang hindi nila alam ay front lang iyon ng dalaga. Ang totoo ay hindi pa rin niya nakakalimutan ang lalaking una niyang minahal na sinaktan siya. Nang bumalik siya sa Pilipinas para magbakasyon ay masamang balita ang sumalubong sa kanya. Si Edrian Mark De Castro II, ang lalaking pinakaayaw niyang makita ay muling niyang nakaharap. Ang masaklap pa nito ay ipinagkasundo silang dalawa para magpakasal. Gustuhin man ni Hershelle na umurong sa kasal ngunit hindi niya magawa dahil nanaig ang pagmamahal niya sa kanyang ama. Pikit-mata siyang pumayag na maikasal sa lalaking kinaiinisan niya para lang matulungan ang kanyang ama sa problema nito. May pag-asa pa ba na maghilom ang sugat sa puso niya? Makakaya ba niyang pakisamahan ang lalaking ito nang hindi siya nasasaktan? O susuko na lang siya at hayaan ang ama na sarilinin ang problema nito? Gulong-gulo ang isip niya. Pero isa lang ang sigurado. Kapag hindi na niya kaya, baka sumuko rin siya. Bahala na kung anong pwedeng mangyari.

Bettina Aizen Lantano is a certified NBSB. Hindi dahil wala nagkakagusto sa kanya, kung hindi iyon ang gustong mangyari ng mag-asawang umampon sa kanya. Pino siyang kumilos at tahimik na tao. Hindi siya mahilig makipaglapit sa iba. Gano'n kasi siya pinalaki ng mga magulang na walang katiting na pagmamahal sa kanya' Calvin Raiden Antigua is a certified womanizer. Para sa kanya'y hindi dapat seryosohin ang mga babae. He treats them like his toys. Ano kayang puwedeng mangyari kung magkasama sila? May love story ba na mabubuo sa pagitan nila? O mas mabuting magkanya-kanya na lang sila dahil sa kanilang magkaibang paniniwala at pagkatao?

Si Kaye ay hopeless romantic. Naniniwala siya sa happily ever after na ending. Kaya naman gano’n din ang gusto niyang mangyari sa lovelife niya. Dumating ang ganoong pagkakataon nang alukin siya ni Mrs. Antigua na magpakasal sa anak nitong si Raizer. Katwiran ng ginang ayaw nitong maging manugang ang gold digger na girlfriend ng anak. Ang tindi ng pagkakagusto ni Kaye sa binata kahit noong una pa lang niya itong makita kaya pumayag siya sa gusto ng ginang. Ang pagpapakasal dito ay malaking pagkakataon para mapalapit siya sa binata at mapaibig ito. Ngunit sa kasamaang palad ay mukhang wala siyang magagawa para mabaling ang atensyon ng binata sa kanya. Walang epekto sa binata ang pang-aakit niya rito. Hanggang kailan niya kayang tiisin ang malamig na pakikitungo ng asawa niya? Kung aalis siya, kaya rin ba niyang mabuhay nang malayo sa lalaking pinakamamahal niya? Kaya ba niyang magparaya sa babaeng hindi naman karapatdapat? O mananatili na lang siya sa tabi ng asawa at hintayin ang milagro na susuklian din nito ang pag-ibig niya? Isang mahirap na desisyon ang pinili niya. Sana lang ay hindi niya ito pagsisihan balang araw.

Simple lang ang pangarap ni Mariella, iyon ay ang makatapos ng pag-aaral at makatulong sa kanyang mga magulang. Ngunit sa hirap ng buhay ay napilitan siyang huminto sa pag-aaral at magtrabaho bilang cashier sa isang malaking supermarket. Masaya na siya sa kanyang trabaho dahil kahit paano ay may naitutulong siya sa kanyang mga magulang at mga kapatid. Ngunit ang tahimik niyang mundo ay biglang nagulo nang dumating si Jed. Unang tingin pa lang ni Mariella kay Jed ay iba na ang pakiramdam niya. Hindi ito bagay na maging simpleng bagger lang. Mas bagay itong maging artista o modelo dahil sa angking kaguwapuhan nito. Lalo siyang napalapit sa binata nang i-assign ito sa counter niya bilang kasama niyang bagger. Wala pa itong experience sa trabaho kaya kinakailangan pa niya itong turuan. Akala ni Mariella ay magtatagal sa trabaho si Jed ngunit bigla na lang itong nawala pagkaraan ng tatlong buwan. Ang masama pa ay tinangay ng binata ang puso niya sa pag-alis nito. Nang muling magkrus ang kanilang landas ay saka na-realize ni Mariella kung gaano kalayo ang agwat nila ni Jed. Kaya ba niyang tawirin ang daan patungo sa puso ng binata? O babawiin na lang ang puso niyang ninakaw nito sa kanya?

Si Dana ay accountant sa isang malaking bangko. Minsang pumasok siya sa trabaho ay nakalimutan niya ang kanyang wallet. Kaya naman hiyang-hiya siya sa guwapong driver ng FX na sinakyan niya noong bumaba siya. Kinagabihan habang naghihintay siya ng masasakyan pauwi ay biglang may pumaradang sasakyan sa harapan niya. Inimbitahan siya ng driver na sumakay na at ihahatid siya pauwi. Tigas ng pagtatanggi niya dahil natakot siyang may masamang balak ito sa kanya. Pero nalaman niyang ito pala ang driver ng FX na sinakyan niya kaninang umaga. Binalikan siya nito sa bangko dahil nag-aalalang wala siyang pamasaheng pauwi. Simula ng araw na iyon ay hatid-sundo na siya ng lalaki na nagpakilalang Dave. Hindi nagtagal ay nanligaw ito sa kanya at sinagot naman niya. Ngunit dumating ang problema nang sabihin ni Dave na ipakikilala siya nito sa mga magulang ng nobyo. Noon nalaman ni Dana ang totoong pagkatao ng nobyo niya. Magagawa pa ba niyang tanggapin si Dave kung sa una pa lang ay niloloko na pala siya nito? O lalayo na lamang siya para sa kapakanan nilang dalawa?

Barbara Francisco promised her grandmother that she will not have a boyfriend while studying in Saint Matthew University. When she met Kurt Brent Andrade, the arrogant captain ball of SMU basketball team, she began to question herself if she can still keep her promised. But Kurt said that he was willing to wait for the right time. Then after a year, Kurt suddenly disappeared without a trace. When he came back, he was no longer interested with her. He even said that they were not meant for each other. He just came back to bid her goodbye. Barbie could not believe what she heard. There must be a reason why Kurt said those words. She's going to find it out. Even if it will take her to Blanc Crescent, the place of werewolves, according to a myth.

Paano ba ma-inlove ang isang beauty queen? Magkakagusto kaya siya sa isang pangkaraniwang lalaki lamang? O pipiliin niya ang isang sikat na katulad niya? Kung ikaw ay isang ordinaryong estudyante, gugustuhin mo bang ligawan ang isa sa mga pinakamagandang babae sa inyong eskuwelahan? O mangangarap ka na lamang na sana'y mapansin ka niya?

Alin ang pipiliin mo, ang lalaking mahal na mahal ka pero kaibigan lang ang turing mo sa kanya? O ang lalaking mahal mo pero hindi ka sigurado kung mahal ka niya?

Isinumpa si Vivienne ng stepfather niya na hindi siya kailanman magiging maligaya - na walang lalaking magmamahal sa kanya. Umasa siyang hindi magkakatotoo ang sumpang iyon. Ngunit paano niya mababago ang sariling kapalaran kung ang lalaking pinili niyang mahalin ay ang boss niya, si Railey. Walang plano si Railey na matali sa kahit na sinong babae. Makokontento na lang ba siyang maging live-in partner nito o maghahanap siya ng ibang lalaking magmamahal sa kanya?