Bata pa lang ay uhaw na si Jessie sa pagmamahal ng isang pamilya. Nakulong siya sa kadena ng karahasan, ninakaw ang kaligayahan ng kanyang kabataan at nakagapos sa bagsik ng kasakiman. Uhaw siya sa pagmamahal na pinagkaitan sa kanya noon pa man na hindi niya naramdaman kailanman. Uhaw siya sa pagmamahal na hindi pinadama ng kanyang sariling ama. Ang kaisa-isa niyang pamilya. Dahilan kaya napuno ng galit at poot ang kanyang puso rito. Subalit, may isang pangyayari na hindi niya inaasahang maganap. Dahilan para ang sukdulang galit niya sa kanyang ama ay malusaw at pumukaw sa nagliliyab at tunay niyang katauhan. Ang pumatid uhaw sa nag-aapoy niyang pagkatao.