Paano kung dahil sa di inaasahang pagkakataon, kailangan mong mabuhay sa katauhan ng iba? Kilalanin si Avah Lopez—ang famous girlgroup member na lumaking mala-prinsesa. Ngunit isang insidente ang naging dahilan kaya't isang araw ay napunta na lamang siya sa katawan ni Cindy—ang simpleng delivery girl na kayang gawin ang lahat para sa pamilya, kahit pa ang maging stripper. Makakaya kayang magampanan ng mala-prinsesang superstar ang bago niyang role bilang breadwinner ng pamilya Katoh? *** Ang kuwentong may pantasya pero mas malakas ang sampal ng reyalidad. The Princess and the Stripper SPG/Drama/Humour/Fantasy

RATED SPG: Ang kuwentong ito ay para sa edad desi otso pataas lamang. *** Hindi ito kuwento ng pag-ibig, bagkus ay paghihiganti at dahilan kung bakit napipilitan ang iba na gumawa ng 'di tama. Dahil sa matinding pambubully na naranasan sa Horizon University, humantong si Nica sa isang mapait na desisyon— ang desisyong lingid sa kaalaman ng iba, magdudulot ng malagim na hinaharap. Makalipas ang walang taon, ang inakalang mapayapang unibersidad, mabubulabog ng isang kahindik-hindik na video. Ito rin ang magiging simula ng aksyon ng 'Killer Society'—samahan ng mga kabataang pampalipas-oras ang maglaro sa mga mapanakit at mapang-abuso. Ngunit ano ang kanilang gagawin kung ang paghahangad nilang makatulong sa iba, ang magtutulak sa kanila sa matinding panganib? Part 1: Anonymous Part 2: Deep, Dark Secret Part 3: Higher Evil Part 4: Decrypted *** SPG/Suspense/Mystery/Drama/Psychological

Iba't ibang tao ang ating nakakasalamuha sa araw-araw. Iba't ibang mukha ang ating nakakaharap. Ngunit, paano kung sa 'di inaasahang pagkakataon, masangkot ka sa isang trahedyang magpapabago sa buong buhay mo? Isang aksidenteng ayaw nang alalahanin pa ni Janice Montalban ang naging dahilan ng pagkakaroon niya ng Prosopagnosia (face blindness) o ang kawalan ng kakayahang makakilala ng mukha. Pero kahit ganoon, pursigido pa rin siya na maitaguyod si Sasha—ang nag-iisang alaalang naiwan ng kapatid. Sa kabilang banda, dahil sa kasikatan, batid ni Nathan De Guzman na walang tao sa Pilipinas ang hindi nakakakilala sa kaniya, ngunit laking pagtataka niya nang makaharap si Janice. Imagine, sikat siya at tinitingalang aktor, pero ang babaeng 'yon, hindi siya kilala?