bc

Contract with Mr. Jerviz Lantice

book_age0+
49
FOLLOW
1K
READ
billionaire
revenge
like
intro-logo
Blurb

Cover by: Jeth Cano

“Kahit anong pilit kong ‘wag itong mahalin dahil alam kong bandang huli, ako pa rin naman ang masasaktan, wala na akong nagawa kundi ang mag patangay sa nararamdaman ko. Kung dumating man ang panahong bumalik na ang kanyang girlfriend at handa na itong ayusin kung ano man ang namamagitan sa kanilang dalawa, siguro tama na sa akin ang magagandang alaala na nabuo ko sa mga panahong kapiling ko pa si Jerviz.”

Salitang pilit isinisiksik ni Kate sa sarili.

Kakayanin kaya niyang makita sa piling ng iba ang lalaking pinakamamahal niya?

Kate Santiago

Jerviz Lantice

Disclaimer

This is a work of fiction. Names, characters, businesses, places, events and incidents are either the products of the author's imagination or used in a fictitious manner. Any resemblance to actual persons, living or dead, or actual events is purely coincidental.

All rights reserved

No part of this book may be reproduced, distributed, or transmitted in any form or by any means, including photocopying, recording, or other electronic or mechanical methods, without the prior written permission of the author.

Written by: iamdreamer28

chap-preview
Free preview
Chapter 1
Chapter 1 Star Magazine Company, kumpanyang pinapangarap ng lahat na mapasukan ngunit hindi lahat nabibigyan ng pagkakataon na makapasok. Suwerte ng maituturing na nakapasok si Kate Santiago sa naturang kompanya. Nakapagtapos siya sa kursong mass communication sa isang ‘di kilalang paaralan. Hindi iyon naging hadlang para kay Kate. Hindi man siya tapos sa isang magarbong ekskwelahan, nagtapos naman siya bilang magna cumlaude. Isang umaga habang abala sa kaniyang mesa, tinawag si Kate ng kanyang supervisor. "Kate Santiago?" tawag ng supervisor sa kanya. Sa edad na dalawampu't pitong taong gulang, dalaga pa rin si Kate. Marami nga ang nagtataka dahil wala rin itong naging nobyo. Maganda si Kate. Mahaba ang buhok nitong kulay brown na hanggang likod. Katamtaman din ang kulay niya. Hindi maputi at hindi rin naman maitim. Katamtaman din ang taas nito para sa isang babae. "Yes ma'am?" sagot naman niya sabay tayo. Gumagawa ito ng mga drafts ng article ng bagong issue na gagawin nila. "Pinapatawag ka sa opisina ni boss. Mag-iingat ka at medyo mainit ang ulo niya," bilin ni Ma'am Jessica sa kanya. Ito ang head writer at the same time supevisor nila. Malapit ito sa kanilang boss kaya kapag sinabi nitong mainit ang ulo ng kanilang boss, alam niyang hindi ito nagbibiro. "Gano’n po ba? Bakit kaya?" nagtatakang tanong naman niya. "Hindi siguro sinipot ng ka-date niya kagabi," pabulong na saad ng supervisor sa kanya nang makalapit na ito sa kanyang cubicle. Nakangiting bumalik sa pag-upo si Kate saka iniligpit ang mga nagkalat na gamit sa kanyang mesa bago sinagot ang supervisor nilang nakadungaw lang sa kanya. "Patay tayo riyan, Ma'am Jess," pabirong sagot niya rito. "Bilis na! Ayon oh! Hindi na mapakali. Lakad dito-lakad doon na sa loob ng opisina niya," sabay turo ng kanyang nguso rito. Nakikita nila ito mula sa labas dahil sa purong salamin ang opisina nito. Agad nang tumayo ulit at naglakad papunta sa opisina ng kanilang boss si Kate. Pagdating nito sa harapan ng opisina, huminga muna siya nang malalim bago kumatok ng tatlong beses. Sinulyapan muna ni Kate ang sekretarya ng amo sa kaliwa kung saan ang maliit nitong opisina na ngumiti naman sa kanya bago niya tuluyang binuksan ang pintuan at pumasok. "Sir? Good morning. Pinapatawag daw po ninyo ako?" Nakaharap sa salaming bintana ng kanyang opisina ang kanilang boss nang pumasok si Kate. Tanaw mula roon ang matataas na gusali ng naglalakihang mga kumpanyang katabi ng kumpaya nila. Isang tanyag na magazine company ang Star Magazine na pagmamay-ari mismo ng kanilang boss. "Yes, Miss Santiago. Maupo ka," aniya sa dalaga bago tuluyang humarap at naglakad pabalik sa kanyang kulay puti na mesa bago umupo sa kanyang black swivel chair. Seryoso ang mukha nito. Sa katunayan, lagi namang ganoon ang mukha ng kanilang boss. Laging seryoso. Ni hindi nga niya nakitang ngumiti man lang ito sa tuwing binabati ng kanyang mga empleyado kapag nakakasalubong nila ito. Parang laging galit sa mundo. Nagtataka tuloy ang karamihan sa kanila at kabilang na siya roon kung bakit ito tila galit sa mundo gayong halos lahat naman nasa kanya na maliban na lang siguro sa lovelife nito na mukhang hindi maganda. Umupo si Kate sa bakanteng upuan sa harapan ng mesa ng boss niya nang makaupo na rin ang lalaki. "Ano po'ng maipaglilingkod ko, sir?" agad nitong tanong pagkaupo. Naiilang siya sa isiping kaharap nito ang boss nila. Unang pagkakataon pa lang kasing nangyari na kinausap siya nito nang silang dalawa lang. Hindi ito kumibo at nakatitig lang sa kanya. Nahiya naman si Kate na makipagtitigan dito kaya umiwas ito at ibinaling sa larawan na nasa likuran ng lalaki ang kanyang mga mata. Mayamaya pa, tumikhim ang lalaki at inayos ang sarili bago muling nagsalita. "Miss Santiago, I don't know how to start this but, would you mind kung aalukin kitang magpanggap bilang girlfriend ko?” Nanlaki ang mga mata ni Kate sa mga salitang lumabas sa bibig nito. Tinitigan niya ito nang mabuti dahil baka naman nagbibiro lang siya. Pero naisip niya rin na bakit naman magbibiro ang lalaki ng gano’n? E, kilala ito bilang isang seryosong tao na kailanman ay hindi mo iisiping marunong itong magbiro. "Sir? Nagbibiro po ba kayo? Ako? Magpapanggap na girlfriend ninyo?" Ani Kate na itinuro pa ang sarili sa sobrang pagkagulat. Baka naman kasi totoong nagbibiro lang ang kanyang boss. "Look, wala akong panahon para magbiro, Miss Santiago. Huwag kang mag-alala. Maganda naman ang benefits na makukuha mo at babayaran kita ng higit pa sa kinikita mo rito sa kumpanya ko bilang writer. Isa sa makukuha mong benepisyo ay ang pagkakaroon mo ng sariling apartment. Hindi mo na kailangan na mangupahan pa. Idagdag mo na lang ang pera para sa pagpapagamot ng kapatid mo. Mas makakatipid ka, Miss Santiago," aitong nakakunot-noo. Isa pa sa mga dumagdag ng pagiging istrikto nitong tingnan ay ang lagi na lang nakakunot nitong noo. Pareho lang naman sana silang twenty seven years old pero matanda nang tingnan ang lalaki dahil nga sa seryoso lagi ang mukha nito. Hindi makapaniwala si Kate sa mga narinig niya mula sa lalaki. Oo, kailangan nga niya ng pera para sa pagpapagamot ng kanyang kapatid na may Leukemia. Ngunit ni minsan hindi sumagi sa kanyang isipan ang makipagkasundo para lang mairaos ang pang araw-araw nilang magkapatid. "Pasensya na kayo sir. Maling tao po ang nilapitan ninyo. Mawalang galang na, Sir Jerviz Lantice, kung wala na po kayong sasabihin, babalik na po ako sa trabaho ko," Agad nang tumayo si Kate at hindi na hinintay na makasagot pa ang kanyang boss. Dali-dali itong naglakad palabas ng opisina ni Jerviz. Narinig niyang tinawag pa siya ng lalaki ngunit hindi na niya ito pinansin at tuluyan ng isinara ang pintuan ng opisina. Magkahalong kaba at inis ang naramdaman ni Kate habang nanatili muna itong nakatayo sa harapan ng pintuan. Huminga ito nang malalim at inalug-alog ang kanyang ulo. Ano bang pumasok sa kokoti ng taong iyon?" bulong niya sa sarili. Bago pa man may makapansin sa kanyang na nakatayo sa labas ng pintuan ng kanilang boss, agad na itong naglakad pabalik sa kanyang cubicle. Lunch time nang lumapit si Ma'am Jessica kay Kate. Magsasalita na sana ang ginang nang bigla bumukas ang pintuan ng opisina ng kanilang amo. Nakangiti ito at mukhang may magandang balita na natanggap dahil abot hanggang tenga ang mga ngiti nito na ikinagulat ng lahat. "Listen everyone! Sabay-sabay tayong kakain ng tanghalian. It's my treat. Nakapagpa-reserved na ako sa isang restaurant na malapit lang dito. Sundan n'yo na lang ang sekretarya ko at siya na ang bahala sa inyo," anitong nakasilip lang sa pintuan ng kanyang opisina. Nagpalakpakan ang lahat sa sinabing iyon ni Jerviz dahil sa loob ng dalawang taong pagtatrabaho ni Kate sa Star Magazine, ni minsan hindi pa ito sumabay sa kanila. Kahit nga christmas party wala ito pero nagbibigay naman ng pamasko sa kanilang lahat. Ngayon pa lang mangyayari na makikisabay sa kanila sa pagkain ang masungit nilang boss. "Miss Santiago?" Nagtinginan ang lahat nang tawagin ni Jerviz si Kate. Tumayo naman ang babae mula sa cubicle nito kung saan nakaupo at nakikinig lang siya sa mga nagaganap. "Yes sir?" "Sa akin ka sasabay," anito pagkatapos ay isinara na muli ang pintuan. Lahat ng mga kasamahan ni Kate ay nagkatinginan. Gulat at pagtataka ang makikita sa mga mapanuring tingin ng mga kasamahan niya. Kahit si Kate ay nagulat din sa ginawa ni Jerviz. Bumalik ito sa pag-upo at kinagat ang isang daliri niya. Ganoon siya kapag nagugulat at kinakabahan hanggang sa hindi na niya namamalayan na nasusugatan na pala siya. Mayamaya pa, dumungaw na ang supervisor nila sa cubicle niya. "May inililihim ka na ba sa akin ngayon, Kate?" Ani Ma'am Jessica. Tumingala siya at tiningnan ang ginang. Huminga siya nang malalim bago sumagot. "Sasabihin ko naman po sa inyo. Kaso, kakain naman tayo kasama siya," nahihiyang saad niya kay Ma'am Jessica. Si Ma'am Jessica na ang naging nanay-nanayan ni Kate ng nagsisimula pa lang itong magtrabaho sa Star Magazine. Wala itong asawa at tumandang dalaga dahil na rin sa kabiguan sa pag-ibig. Lumabas ang lahat ng araw na iyon. Sumabay lahat sa sekretarya ni Jerviz patungo sa naka-reserved na restaurant para sa mahigit limampu ka tao. Sumabay rin si Kate sa pagbaba ngunit hanggang sa lobby lang siya ng building. Pinakiusapan kasi siya ng sekretarya ni Jerviz na hintayin ang lalaki dahil malalagot ito sa boss nila kung hindi siya sasabay kay Jerviz. Wala na itong nagawa kundi sundin ang sekretarya. Naawa rin siya dahil mapapagalitan ito nang dahil sa kanya. Umalis na ang lahat at naiwan sa lobby si Kate. Umupo ito sa dulong-kanan ng kulay puti na sofa na naroon. Kumuha ito ng isang magazine na nakalagay sa kabilang dulo ng sofa saka bumalik sa pag-upo. Binuklat niya ang mga pahina at nakita nito ang isang napaka gandang babae. Isa itong modelo ng isang sikat na pabango. Binasa niya ang article tungkol sa babae. Nasapo ni Kate ang noo nang mabasa ang nakasulat doon "bakit hindi ko 'to alam?" Aniya sa sarili sabay iling at siya namang pagdating ni Jerviz. "Kanina ka pa ba naghihintay?" Agad nitong tanong nang makalapit sa kanya. Agad na itinago ni Kate ang magazine sa likuran saka tumayo. "Hindi naman sir. Okay lang," sagot niya saka ibinalik sa magazine stand ang hawak niya. "Okay, good! Let's go!" Pagkasabi nitong let's go! Nagulat si Kate nang hinawakan ni Jerviz ang kanyang braso at sabay na silang naglakad palabas ng building. Nakayukong sumusunod si Kate kay Jerviz. Sinubukang kunin ni Kate ang braso nito ngunit laking pagkakamali niya iyon nang kunin ni Jerviz ang kamay nito at pinagkrus ang kanilang mga kamay. Pinilit ni Kate na kunin ang kamay niya ngunit mas humigpit pa ang paghawak ni Jerviz sa kanya. "Sir, nasasaktan po ako," "Huwag mo na kasing tangkain na kunin ang kamay mo honey. Ganito naman talaga ang mag boyfriend at girlfriend kung naglalakad hindi ba?" anito na huminto pa sa paglalakad at tumingin sa kanya. "Sir, marami po ang nakakakilala sa inyo. Baka makarating po ito sa fiancee ninyo. Ayaw ko po ng gulo," Nagulat si Jerviz sa sinabi ni Kate dahilan nang biglaang pagdilim ng kanina lang ay maaliwalas nitong mukha. Nagpatuloy siya sa paglalakad at sa pagkakataong iyon hindi na nito hawak ang kamay ni Kate na ipinagpasalamat naman ng dalaga. "So, nabasa mo na rin pala ang tungkol sa engagement ko kay Dennise Park?" Tumango lang si Kate habang nakayuko pa rin kaya hindi nito napansin na huminto pala sa paglalakad si Jerviz dahilan kaya nabangga ito sa dibdib ng lalaki. Pakiramdam ni Kate, isang pader ang nabangga niya dahil sa tigas ng dibdib ng binata. Mabuti na lang at maagap si Jerviz kaya nasalo siya nito sa muntikan niyang pagkatumba. "Okay ka lang ba? Tumingin ka kasi sa dinadaanan mo. Hindi iyong nakayuko ka," anito bago binitawan ang beywang ni Kate. "S--sorry sir. Pinagtitinginan kasi tayo ng mga tao, baka kung ano'ng isipin nila," "Wala akong pakialam sa mga taong 'yan! E, ano naman ngayon kung makita nilang kasama kita at nagho-holding hands tayo? Wala akong pakialam. Isipin na nila kung ano'ng gusto nilang isipin," anito sabay kuha ulit ng kamay niya at nagpatuloy sila sa paglalakad. Pagdating nila ng kanto kung saan kulay yellow na ang signal light, napayakap si Kate kay Jerviz nang hilahin siya nito pabalik. Dahil nakayuko habang naglalakad, hindi napansin ni Kate na kulay green na pala ang signal light at may humarurot sa motor. Dere-deretso lang ang kanyang lakad dahil ayaw niyang makita ang mga taong nakapaligid sa kanila ni Jerviz. Tumulo ang mga luha ni Kate dahil bigla nitong naalala ang kapatid. Paano na ang kapatid niya kung may masamang mangyari sa kanya? Wala silang kamag-anak na maaaring mag-alaga sa kapatid niya. "Kate? Are you okay? Hindi ka ba nasaktan? Tumingin ka kasi sa dinadaanan mo," nag-aalalang tanong ni Jerviz sa kanya. Napahinto nang pagsasalita si Jerviz nang iangat nito ang mukha ng dalaga at nakitang tumutulo ang mga luha niya. "Hey, what's wrong?" Niyakap niya ang dalaga at sinubukang patahanin. "Sshhhh...it's okay. Hindi naman ako galit sa 'yo. Tahan na," ani Jerviz saka hinalikan ang tuktok ng ulo ni Kate. Bumalik na ulit sa kulay red ang signal ng traffic light. Tumawid sila ng pedestrian lane habang yakap pa rin siya ni Jerviz. Hindi nakaligtas sa paningin ng mga kasamahan ni Kate ang buong pangyayari. Nasa kabilang side lang naman kasi ng traffic light ang restaurant na pupuntahan nila. Itutuloy______ Thank you! iamdreamer28

editor-pick
Dreame-Editor's pick

bc

The Best Friend's Contract

read
3.5M
bc

My Second Chance Mate

read
599.0K
bc

Beast - Alpha Dom's Book 1

read
550.2K
bc

I Hate You... But I Lied

read
40.1K
bc

His Mate And His Mistress

read
18.7M
bc

Loving A Werewolf

read
44.9K
bc

Big Bad Wolf

read
138.8K

Scan code to download app

download_iosApp Store
google icon
Google Play
Facebook